ਮੁੰਬਈ- ਨਵਰਾਤਰੀ ਦੇ ਮੌਕੇ 'ਤੇ ਟੀ.ਵੀ. ਜੋੜੀ ਰੁਬੀਨਾ ਦਿਲੈਕ ਅਤੇ ਅਭਿਨਵ ਸ਼ੁਕਲਾ ਨੇ ਪ੍ਰਸ਼ੰਸਕਾਂ ਨੂੰ ਇੱਕ ਕਿਊਟ ਸਰਪ੍ਰਾਈਜ਼ ਦਿੱਤਾ ਹੈ। ਇਸ ਸ਼ੁਭ ਮੌਕੇ 'ਤੇ ਅਦਾਕਾਰਾ ਨੇ ਆਪਣੀਆਂ ਦੋ ਧੀਆਂ ਈਧਾ ਅਤੇ ਜੀਵਾ ਦੇ ਚਿਹਰੇ ਫੈਨਜ਼ ਨੂੰ ਦਿਖਾਏ ਹਨ।ਰੁਬੀਨਾ ਨੇ ਪਿਛਲੇ ਸਾਲ 27 ਨਵੰਬਰ 2023 ਨੂੰ ਦੋ ਧੀਆਂ ਨੂੰ ਜਨਮ ਦਿੱਤਾ ਸੀ।
ਅਦਾਕਾਰਾ ਨੇ ਇਹ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀਆਂ ਹਨ, ਜਿਸ 'ਚ ਦੋਵੇਂ ਧੀਆਂ ਅਭਿਨਵ ਅਤੇ ਰੁਬੀਨਾ ਦੀ ਗੋਦ 'ਚ ਖੇਡਦੀਆਂ ਨਜ਼ਰ ਆ ਰਹੀਆਂ ਹਨ। ਬੱਚਿਆਂ ਦੇ ਮੱਥੇ 'ਤੇ ਕਿਊਟ ਬਿੰਦੀ ਦੇਖ ਕੇ ਪ੍ਰਸ਼ੰਸਕ ਹੈਰਾਨ ਹਨ ਅਤੇ ਇਨ੍ਹਾਂ ਤਸਵੀਰਾਂ 'ਤੇ ਕਾਫੀ ਪਿਆਰ ਕਰ ਰਹੇ ਹਨ।
ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਅਦਾਕਾਰਾ ਨੇ ਕੈਪਸ਼ਨ 'ਚ ਲਿਖਿਆ, 'ਨਵਰਾਤਰੀ ਦੇ ਸ਼ੁਭ ਮੌਕੇ 'ਤੇ, ਅਸੀਂ ਤੁਹਾਨੂੰ ਆਪਣੀਆਂ ਧੀਆਂ ਈਧਾ ਅਤੇ ਜੀਵਾ (E&J) ਨਾਲ ਮਿਲਾਉਂਦੇ ਹਾਂ। ਧੀਰਜ ਨਾਲ ਉਡੀਕ ਕਰਨ ਲਈ ਤੁਹਾਡਾ ਧੰਨਵਾਦ।
ਪ੍ਰਸ਼ੰਸਕਾਂ ਨੇ ਕੀਤੇ ਖੂਬਸੂਰਤ ਕੁਮੈਂਟ
ਕੁਮੈਂਟ 'ਚ ਕਾਮੇਡੀਅਨ ਭਾਰਤੀ ਸਿੰਘ ਨੇ ਲਿਖਿਆ, "ਜੈ ਮਾਤਾ ਦੀ," ਜਦਕਿ ਅਦਾਕਾਰਾ ਅਤੇ ਮਾਂ ਬਣਨ ਵਾਲੀ ਦ੍ਰਿਸ਼ਟੀ ਧਾਮੀ ਨੇ ਕਿਹਾ, "ਬਹੁਤ ਸੁੰਦਰ।" ਸੁਗੰਧਾ ਮਿਸ਼ਰਾ ਨੇ ਲਿਖਿਆ, "ਬਹੁਤ ਖੂਬਸੂਰਤ ਮਾਤਾ ਰਾਣੀ ਵਰਗੀ ਮਨਮੋਹਕ, ਮਿੰਨੀ ਮਾਂ ਦੁਰਗਾ ਰੱਬ ਤੁਹਾਡਾ ਦੋਵਾਂ ਦਾ ਭਲਾ ਕਰੇ।"
ਰੁਬੀਨਾ ਅਤੇ ਅਭਿਨਵ ਦਾ ਵਿਆਹ ਜੂਨ 2018 'ਚ ਸ਼ਿਮਲਾ 'ਚ ਹੋਇਆ ਸੀ। ਇਸ ਤੋਂ ਬਾਅਦ ਸਤੰਬਰ 2023 'ਚ ਉਸ ਨੇ ਸੋਸ਼ਲ ਮੀਡੀਆ ਰਾਹੀਂ ਆਪਣੀ ਗਰਭਵਤੀ ਹੋਣ ਦਾ ਐਲਾਨ ਕੀਤਾ।
ਰੁਬੀਨਾ ਆਪਣੇ ਬੋਲਣ ਦੇ ਅੰਦਾਜ਼ ਲਈ ਜਾਣੀ ਜਾਂਦੀ ਹੈ। ਅਦਾਕਾਰਾ ਬਿੱਗ ਬੌਸ 2014 ਦੀ ਵਿਨਰ ਵੀ ਰਹਿ ਚੁੱਕੀ ਹੈ। ਅੱਜ ਰੁਬੀਨਾ ਨੂੰ ਇੰਡਸਟਰੀ 'ਚ 16 ਸਾਲ ਤੋਂ ਵੱਧ ਦਾ ਸਮਾਂ ਬੀਤ ਚੁੱਕਾ ਹੈ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਅਦਾਕਾਰ ਗੋਵਿੰਦਾ ਨੂੰ ਅੱਜ ਹਸਪਤਾਲ ਤੋਂ ਮਿਲੇਗੀ ਛੁੱਟੀ
NEXT STORY 
