ਮੁੰਬਈ (ਬਿਊਰੋ)– ਸ਼ਤਰੁਘਨ ਸਿਨ੍ਹਾ ਬਾਲੀਵੁੱਡ ਦੇ ਸੁਪਰਸਟਾਰ ਰਹੇ ਹਨ। ਉਨ੍ਹਾਂ ਦੀ ਪਤਨੀ ਪੂਨਮ ਸਿਨ੍ਹਾ ਤੇ ਬੱਚੇ ਵੀ ਮਨੋਰੰਜਨ ਜਗਤ ਨਾਲ ਜੁੜੇ ਹਨ। ਬੇਟੀ ਸੋਨਾਕਸ਼ੀ ਸਿਨ੍ਹਾ ਅੱਜ ਦੇ ਜ਼ਮਾਨੇ ਦੀ ਮਸ਼ਹੂਰ ਅਦਾਕਾਰਾ ਹੈ। ਸ਼ਤਰੁਘਨ ਸਿਨ੍ਹਾ ਨੇ ਸੈਂਕੜੇ ਫ਼ਿਲਮਾਂ ਰਾਹੀਂ ਲੋਕਾਂ ਦਾ ਮਨੋਰੰਜਨ ਕਰਨ ਤੋਂ ਬਾਅਦ ਰਾਜਨੀਤੀ ਦਾ ਰੁਖ਼ ਕੀਤਾ। ਸ਼ਤਰੁਘਨ ਸਿਨ੍ਹਾ ਦਾ ਮੁੰਬਈ ’ਚ ਘਰ ਹੈ, ਜਿਸ ਦਾ ਨਾਂ ਉਨ੍ਹਾਂ ਨੇ ‘ਰਾਮਾਇਣ’ ਰੱਖਿਆ ਹੈ।
ਸ਼ਤਰੁਘਨ ਸਿਨ੍ਹਾ ਦਾ ਇਹ ਆਲੀਸ਼ਾਨ ਬੰਗਲਾ ਮੁੰਬਈ ਦੇ ਜੁਹੂ ਏਰੀਆ ’ਚ ਸਥਿਤ ਹੈ। ਇਸ ਬੰਗਲੇ ਨੂੰ ਸ਼ਤਰੁਘਨ ਸਿਨ੍ਹਾ ਨੇ ਵਿਆਹ ਤੋਂ 8 ਸਾਲ ਪਹਿਲਾਂ 1972 ’ਚ ਖਰੀਦਿਆ ਸੀ। ਜਦੋਂ ਸ਼ਤਰੁਘਨ ਸਿਨ੍ਹਾ ਨੇ ਇਹ ਬੰਗਲਾ ਖਰੀਦਿਆ ਸੀ ਤਾਂ ਉਸ ਸਮੇਂ ਇਸ ਦੀ ਕੀਮਤ ਅਮਿਤਾਭ ਬੱਚਨ ਦੇ ਜਲਸਾ ਤੋਂ ਵੀ ਜ਼ਿਆਦਾ ਸੀ। ਇਸੇ ਬੰਗਲੇ ’ਚ ਸ਼ਤਰੁਘਨ ਆਪਣੇ ਪੂਰੇ ਪਰਿਵਾਰ ਨਾਲ ਰਹਿੰਦੇ ਹਨ।
ਸ਼ਤਰੁਘਨ ਸਿਨ੍ਹਾ ਦੇ ਪਰਿਵਾਰ ’ਚ ਦੋ ਬੇਟੇ, ਇਕ ਬੇਟੀ ਤੇ ਪਤਨੀ ਪੂਨਮ ਸਿਨ੍ਹਾ ਹੈ। ਬੇਟਿਆਂ ਦੇ ਨਾਂ ਲਵ ਤੇ ਕੁਸ਼ ਹਨ। ਬੇਟੀ ਸੋਨਾਕਸ਼ੀ ਸਿਨ੍ਹਾ ਨੇ ਮੁੰਬਈ ’ਚ ਹੀ ਵੱਖਰਾ ਘਰ ਖਰੀਦਿਆ ਹੈ। ਉਹ ਜ਼ਿਆਦਾਤਰ ਆਪਣੇ ਨਵੇਂ ਘਰ ’ਚ ਹੀ ਰਹਿੰਦੀ ਹੈ।
ਸ਼ਤਰੁਘਨ ਸਿਨ੍ਹਾ ਦੀ ਜਾਇਦਾਦ ਦੀ ਗੱਲ ਕਰੀਏ ਤਾਂ ਉਹ ਲਗਭਗ 2 ਅਰਬ ਦੀ ਜਾਇਦਾਦ ਦੇ ਮਾਲਕ ਹਨ। 2019 ਦੀਆਂ ਲੋਕ ਸਭਾ ਚੋਣਾਂ ਦੌਰਾਨ ਚੋਣ ਕਮਿਸ਼ਨ ਨੂੰ ਦਿੱਤੇ ਹਲਫਨਾਮੇ ’ਚ ਸ਼ਤਰੁਘਨ ਸਿਨ੍ਹਾ ਨੇ ਦੱਸਿਆ ਸੀ ਕਿ ਉਨ੍ਹਾਂ ਕੋਲ 193 ਕਰੋੜ ਦੀ ਚੱਲ-ਅਚੱਲ ਜਾਇਦਾਦ ਹੈ।
ਸ਼ਤਰੁਘਨ ਸਿਨ੍ਹਾ ਲੰਮੇ ਸਮੇਂ ਤਕ ਭਾਰਤੀ ਜਨਤਾ ਪਾਰਟੀ ਨਾਲ ਰਹੇ। ਉਹ ਅਟਲ ਬਿਹਾਰੀ ਵਾਜਪਾਈ ਦੀ ਸਰਕਾਰ ’ਚ ਕੇਂਦਰੀ ਮੰਤਰੀ ਵੀ ਰਹੇ। ਫਿਲਹਾਲ ਉਹ ਕਾਂਗਰਸ ਪਾਰਟੀ ’ਚ ਸ਼ਾਮਲ ਹੋ ਚੁੱਕੇ ਹਨ।
ਨੋਟ– ਸ਼ਤਰੁਘਨ ਸਿਨ੍ਹਾ ਦੇ ਇਸ ਘਰ ਬਾਰੇ ਤੁਹਾਡਾ ਕੀ ਕਹਿਣਾ ਹੈ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਅੰਦੋਲਨ ਨੂੰ ਲੈ ਕੇ ਆਸਿਮ ਰਿਆਜ਼ ਨੇ ਵੀ ਕਿਸਾਨਾਂ ਨੂੰ ਦਿੱਤੀ ਹੱਲਾ-ਸ਼ੇਰੀ, 'ਕਿਸਾਨ ਨਹੀਂ ਤਾਂ ਖਾਣਾ ਨਹੀਂ ਤੇ ਨਾ ਹੀ ਭਵਿੱਖ'
NEXT STORY 
