ਐਂਟਰਟੇਨਮੈਂਟ ਡੈਸਕ : ਟੀਵੀ ਇੰਡਸਟਰੀ ਤੋਂ ਲੈ ਕੇ ਬਾਲੀਵੁੱਡ ਤੱਕ ਕਈ ਅਜਿਹੇ ਬਾਲ ਕਲਾਕਾਰ ਹਨ, ਜੋ ਅੱਜ ਵੱਡੇ ਹੋ ਕੇ ਆਪਣਾ ਚੰਗਾ ਨਾਂ ਕਮਾ ਰਹੇ ਹਨ। ਅੱਜ ਇੱਕ ਅਜਿਹੇ ਬਾਲ ਕਲਾਕਾਰ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਸ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਇੱਕ ਟੀ. ਵੀ. ਸ਼ੋਅ ਤੋਂ ਬਾਲ ਕਲਾਕਾਰ ਵਜੋਂ ਕੀਤੀ ਸੀ ਅਤੇ ਅੱਜ ਉਹ ਕਈ ਫ਼ਿਲਮਾਂ ਅਤੇ ਵੈੱਬ ਸੀਰੀਜ਼ ਦਾ ਹਿੱਸਾ ਹੈ। ਫ਼ਿਲਮ 'ਮਕੜੀ' ਤੋਂ ਮਸ਼ਹੂਰ ਹੋਈ ਸ਼ਵੇਤਾ ਬਾਸੂ ਪ੍ਰਸਾਦ ਅਸੀਂ ਜਿਸ ਅਭਿਨੇਤਰੀ ਦੀ ਗੱਲ ਕਰ ਰਹੇ ਹਾਂ ਉਹ ਹੈ ਸ਼ਵੇਤਾ ਬਾਸੂ ਪ੍ਰਸਾਦ, ਜਿਸ ਨੇ ਮਸ਼ਹੂਰ ਟੀਵੀ ਸੀਰੀਅਲ 'ਕਹਾਨੀ ਘਰ ਘਰ ਕੀ' 'ਚ ਪਾਰਵਤੀ ਦੀ ਧੀ ਅਤੇ ਫ਼ਿਲਮ 'ਮਕੜੀ' 'ਚ ਇਕ ਹੁਸ਼ਿਆਰ ਲੜਕੀ ਦਾ ਕਿਰਦਾਰ ਨਿਭਾਇਆ ਸੀ।
ਇਹ ਖ਼ਬਰ ਵੀ ਪੜ੍ਹੋ - ਪ੍ਰਾਈਮ ਵੀਡੀਓ ਨੇ ਕੀਤਾ ‘ਫਾਲੋ ਕਰ ਲੋ ਯਾਰ’ ਦੇ ਲਾਂਚ ਦਾ ਐਲਾਨ
ਸ਼ਵੇਤਾ ਬਾਸੂ ਨੂੰ ਇੰਡਸਟਰੀ 'ਚ ਆਏ 11 ਸਾਲ ਹੋ ਗਏ ਹਨ ਅਤੇ ਇਨ੍ਹਾਂ ਸਾਲਾਂ 'ਚ ਉਨ੍ਹਾਂ ਨੇ ਹਰ ਚੰਗਾ ਬੁਰਾ ਸਮਾਂ ਦੇਖਿਆ ਹੈ। ਉਸ ਨੇ ਕਈ ਫ਼ਿਲਮਾਂ ਅਤੇ ਸੀਰੀਜ਼ 'ਚ ਕੰਮ ਕੀਤਾ ਹੈ ਪਰ ਉਸ ਦੀ ਜ਼ਿੰਦਗੀ 'ਚ ਇੱਕ ਸਮਾਂ ਅਜਿਹਾ ਆਇਆ ਜਦੋਂ ਉਹ ਲੰਬੇ ਸਮੇਂ ਤੱਕ ਇੰਡਸਟਰੀ ਤੋਂ ਗਾਇਬ ਹੋ ਗਈ। ਹੁਣ ਭਾਵੇਂ ਸ਼ਵੇਤਾ 33 ਸਾਲ ਦੀ ਹੋ ਚੁੱਕੀ ਹੈ ਪਰ ਬਾਲ ਕਲਾਕਾਰ ਵਜੋਂ ਉਸ ਦੀ ਛਵੀ ਅੱਜ ਵੀ ਦਰਸ਼ਕਾਂ ਦੇ ਮਨਾਂ 'ਚ ਬਣੀ ਹੋਈ ਹੈ। ਟੀਵੀ ਤੋਂ ਫ਼ਿਲਮਾਂ ਤੱਕ ਦਾ ਸਫ਼ਰ ਤੈਅ ਕਰਨ ਵਾਲੀ ਸ਼ਵੇਤਾ ਨੂੰ 2002 'ਚ ਰਿਲੀਜ਼ ਹੋਈ ਫ਼ਿਲਮ 'ਮਕੜੀ' ਨਾਲ ਛੋਟੀ ਉਮਰ 'ਚ ਹੀ ਵੱਡੀ ਪਛਾਣ ਮਿਲੀ। ਫ਼ਿਲਮ 'ਚ ਸ਼ਬਾਨਾ ਆਜ਼ਮੀ ਵੀ ਨਜ਼ਰ ਆਈ ਸੀ। ਫ਼ਿਲਮ 'ਚ ਸ਼ਵੇਤਾ ਦਾ ਡਬਲ ਰੋਲ ਸੀ। ਇੱਕ ਸਾਧਾਰਨ ਤੇ ਦੂਜੀ ਬੜੀ ਹੁਸ਼ਿਆਰ ਕੁੜੀ। ਇਸ ਫ਼ਿਲਮ ਲਈ ਉਸ ਨੂੰ ਸਰਵੋਤਮ ਬਾਲ ਕਲਾਕਾਰ ਦਾ ਐਵਾਰਡ ਵੀ ਮਿਲਿਆ।
ਇੱਕ ਸਕੈਂਡਲ 'ਚ ਉਲਝ ਗਈ ਸੀ ਸ਼ਵੇਤਾ ਬਾਸੂ ਹਾਲਾਂਕਿ, ਇਸ ਤੋਂ ਬਾਅਦ ਉਹ ਅਚਾਨਕ ਕਿਤੇ ਗਾਇਬ ਹੋ ਗਈ। ਫਿਰ ਸਾਲ 2014 'ਚ ਇਕ ਖ਼ਬਰ ਆਈ, ਜਿਸ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਕਿ ਸ਼ਵੇਤਾ ਬਾਸੂ ਨੂੰ ਹੈਦਰਾਬਾਦ ਦੇ ਇੱਕ ਹੋਟਲ 'ਚ ਛਾਪੇਮਾਰੀ ਦੌਰਾਨ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਉਸ ਨੂੰ 2 ਮਹੀਨਿਆਂ ਤੱਕ ਰੈਸਕਿਊ ਹੌਮ 'ਚ ਰੱਖਿਆ ਗਿਆ ਸੀ। ਰੈਸਕਿਊ ਹੋਮ ਤੋਂ ਬਾਹਰ ਆਉਣ ਤੋਂ ਬਾਅਦ ਅਦਾਕਾਰਾ ਨੇ ਦੱਸਿਆ ਕਿ ਉਹ ਇੱਕ ਐਵਾਰਡ ਫੰਕਸ਼ਨ ਲਈ ਹੈਦਰਾਬਾਦ ਗਈ ਸੀ। ਵਾਪਸੀ ਦੌਰਾਨ ਉਹ ਆਪਣੀ ਫਲਾਈਟ ਮਿਸ ਕਰ ਗਈ। ਇਸ ਲਈ ਐਵਾਰਡ ਫੰਕਸ਼ਨ ਦੇ ਮੈਨੇਜਰ ਨੇ ਉਸ ਲਈ ਇਹ ਹੋਟਲ ਬੁੱਕ ਕਰਵਾਇਆ।
ਇਹ ਖ਼ਬਰ ਵੀ ਪੜ੍ਹੋ -Sidharth Malhotra ਨਾਲ ਕੋਜੀ ਵੀਡੀਓ ਵਾਇਰਲ ਹੋਣ 'ਤੇ ਮਾਡਲ ਨੇ ਕਿਆਰਾ ਤੋਂ ਮੰਗੀ ਮੁਆਫ਼ੀ
ਵੇਸਵਾਗਮਨੀ ਦੇ ਕਲੰਕ ਦਾ ਸਾਹਮਣਾ ਕਰਨਾ ਪਿਆ ਸ਼ਵੇਤਾ ਅਨੁਸਾਰ, ਜਿਸ ਰਾਤ ਉਹ ਉੱਥੇ ਰੁਕੀ ਸੀ, ਪੁਲਸ ਉੱਥੇ ਆਈ ਅਤੇ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਸ਼ਵੇਤਾ ਨੇ ਦੱਸਿਆ ਕਿ ਇਵੈਂਟ ਮੈਨੇਜਰ ਨੂੰ ਵੀ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਹਾਲਾਂਕਿ ਇਸ ਘਟਨਾ ਤੋਂ ਬਾਅਦ ਅਭਿਨੇਤਰੀ ਨੂੰ ਦੇਹ ਵਪਾਰ ਦੇ ਕਲੰਕ ਦਾ ਸਾਹਮਣਾ ਕਰਨਾ ਪਿਆ। ਕਈ ਰਿਪੋਰਟਾਂ 'ਚ ਇਹ ਵੀ ਦਾਅਵਾ ਕੀਤਾ ਗਿਆ ਹੈ ਕਿ ਗ੍ਰਿਫ਼ਤਾਰੀ ਤੋਂ ਬਾਅਦ ਅਭਿਨੇਤਰੀ ਨੇ ਖੁਦ ਵੇਸਵਾਗਮਨੀ ਕਰਨ ਦੀ ਗੱਲ ਕਬੂਲ ਕੀਤੀ ਸੀ ਪਰ ਰੈਸਕਿਊ ਹੋਮ ਤੋਂ ਬਾਹਰ ਆ ਕੇ ਉਸ ਨੇ ਅਜਿਹੀਆਂ ਅਫਵਾਹਾਂ ਫੈਲਾਉਣ ਵਾਲਿਆਂ ਨੂੰ ਤਾੜਨਾ ਕੀਤੀ ਸੀ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਪਿਤਾ ਦੇ ਜਨਮਦਿਨ 'ਤੇ Athiya Shetty ਨੇ ਲੁਟਾਇਆ ਪਿਆਰ, ਬੇਟੇ ਅਹਾਨ ਨੇ ਵੀ ਕੀਤਾ ਪੋਸਟ
NEXT STORY 
