ਵੈੱਬ ਡੈਸਕ- ਸੋਸ਼ਲ ਮੀਡੀਆ ਉੱਪਰ ਇੱਕ ਮੰਦਭਾਗੀ ਖਬਰ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਜਿਸ ਨੇ ਪ੍ਰਸ਼ੰਸਕਾਂ ਦੇ ਇੱਕ ਵਾਰ ਫਿਰ ਤੋਂ ਹੋਸ਼ ਉੱਡਾ ਦਿੱਤੇ ਹਨ। ਦਰਅਸਲ, ਦੋ ਮਸ਼ਹੂਰ ਬ੍ਰਾਜ਼ੀਲੀਅਨ ਮਾਡਲਾਂ ਅਤੇ ਇੰਫਲੁਇੰਸਰ, ਐਲੀਨ ਤਾਮਾਰਾ ਮੋਰੇਰਾ ਡੀ ਅਮੋਰਿਮ ਅਤੇ ਬੀਟਰਿਜ਼ ਟਵਾਰੇਸ ਦਾ ਸਿਲਵਾ ਫਾਰੀਆ ਦੀ ਡੁੱਬਣ ਕਾਰਨ ਦਰਦਨਾਕ ਮੌਤ ਹੋ ਗਈ। ਯਾਟ ਪਾਰਟੀ ਤੋਂ ਬਾਅਦ ਸਪੀਡਬੋਟ ਤੋਂ ਡਿੱਗਣ ਕਾਰਨ ਉਹ ਡੁੱਬ ਗਈਆਂ। ਦੱਸਿਆ ਜਾ ਰਿਹਾ ਹੈ ਕਿ ਦੋਵਾਂ ਮਾਡਲਾਂ ਨੇ ਲਾਈਫ ਜੈਕਟ ਪਾਉਣ ਤੋਂ ਇਨਕਾਰ ਕਰ ਦਿੱਤਾ ਸੀ।ਜਾਣਕਾਰੀ ਮੁਤਾਬਕ ਐਲੀਨ ਤਮਾਰਾ ਮੋਰੇਰਾ ਡੀ ਅਮੋਰਿਮ 37 ਸਾਲ ਅਤੇ ਬੀਟਰਿਜ਼ ਟਵਾਰੇਸ ਦਾ ਸਿਲਵਾ ਫਾਰੀਆ 27 ਸਾਲ ਦੀ ਸੀ। ਉਹ ਆਪਣੇ ਹੌਟ ਲੁੱਕ ਲਈ ਜਾਣੀਆਂ ਜਾਂਦੀਆਂ ਸੀ। ਬ੍ਰਾਜ਼ੀਲ ਵਿੱਚ ਡੇਵਿਲਜ਼ ਥਰੋਟ ਤੱਟ ਤੋਂ ਉਨ੍ਹਾਂ ਦੀ ਕਿਸ਼ਤੀ ਦੇ ਪਲਟਣ ਤੋਂ ਬਾਅਦ ਉਨ੍ਹਾਂ ਨੂੰ ਮ੍ਰਿਤਕ ਪਾਇਆ ਗਿਆ ਸੀ।
ਲਾਈਫ ਜੈਕੇਟ ਪਾਉਣ ਤੋਂ ਕਰ ਦਿੱਤਾ ਸੀ ਇਨਕਾਰ
ਇਹ ਘਟਨਾ ਕਰੀਬ ਇੱਕ ਮਹੀਨਾ ਪਹਿਲਾਂ ਦੀ ਹੈ। ਹੁਣ ਇਸ ਮਾਮਲੇ 'ਤੇ ਪੁਲਸ ਦਾ ਬਿਆਨ ਸਾਹਮਣੇ ਆਇਆ ਹੈ। ਪੁਲਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਕਿਸ਼ਤੀ ਓਵਰਲੋਡ ਸੀ। ਜਦੋਂ ਉਹ ਬ੍ਰਾਜ਼ੀਲ ਦੇ ਤੱਟ 'ਤੇ ਪਰਤ ਰਹੀ ਸੀ। ਸਾਓ ਵਿਨਸੇਂਟ ਪੁਲਸ ਕਮਿਸ਼ਨਰ ਮਾਰਕੋਸ ਅਲੈਗਜ਼ੈਂਡਰ ਅਲਫਿਨੋ ਦਾ ਕਹਿਣਾ ਹੈ ਕਿ ਇੰਫਲੁਇੰਸਰ ਨੇ ਲਾਈਫ ਜੈਕੇਟ ਪਹਿਨਣ ਤੋਂ ਇਨਕਾਰ ਕਰ ਦਿੱਤਾ ਕਿਉਂਕਿ ਉਹ ਸੈਲਫੀ ਲੈ ਰਹੀ ਸੀ। ਮਾਡਲਾਂ ਨੇ ਕਿਹਾ ਕਿ ਇਸ ਨਾਲ ਉਨ੍ਹਾਂ ਦੀ ਟੈਨਿੰਗ ਲਈ ਸਮੱਸਿਆ ਪੈਦਾ ਹੁੰਦੀ ਹੈ।
ਬਚਾਉਣ ਦੀ ਪੂਰੀ ਕੀਤੀ ਕੋਸ਼ਿਸ਼
ਬਚੇ ਪੰਜਾਂ ਵਿੱਚੋਂ ਇੱਕ ਕਪਤਾਨ ਨੇ ਦੱਸਿਆ ਕਿ ਉਨ੍ਹਾਂ ਦੀ ਕਿਸ਼ਤੀ ਵਿੱਚ ਪੰਜ ਯਾਤਰੀਆਂ ਦੀ ਸਮਰੱਥਾ ਸੀ। ਜਦਕਿ ਇਸ ਵਿੱਚ ਛੇ ਲੋਕ ਸਵਾਰ ਸਨ। 29 ਸਤੰਬਰ ਨੂੰ, ਕਿਸ਼ਤੀ ਇੱਕ ਵੱਡੀ ਲਹਿਰ ਨਾਲ ਟਕਰਾ ਗਈ ਅਤੇ ਇੰਨੀ ਭਾਰੀ ਹੋ ਗਈ ਕਿ ਇਹ ਲੰਘ ਨਹੀਂ ਸਕਦੀ ਸੀ। ਹੌਲੀ-ਹੌਲੀ ਉਹ ਡੁੱਬਣ ਲੱਗੀ। ਕੈਪਟਨ ਨੇ ਪੁਲਸ ਨੂੰ ਦੱਸਿਆ ਕਿ ਉਸ ਨੇ ਸਾਰਿਆਂ ਨੂੰ ਬਚਾਉਣ ਦੀ ਬਹੁਤ ਕੋਸ਼ਿਸ਼ ਕੀਤੀ, ਪਰ ਦੋਵਾਂ ਨੂੰ ਬਚਾਇਆ ਨਹੀਂ ਜਾ ਸਕਿਆ।
ਐਲੀਨ ਸੀ ਇੱਕ ਬੱਚੇ ਦੀ ਮਾਂ
ਜਾਣਕਾਰੀ ਮੁਤਾਬਕ ਐਲੀਨ ਇਕ ਬੱਚੇ ਦੀ ਮਾਂ ਸੀ। ਉਸ ਨੂੰ ਤੈਰਨਾ ਨਹੀਂ ਆਉਂਦਾ ਸੀ। ਉਸ ਨੇ ਆਪਣੀਆਂ ਆਖਰੀ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੀਆਂ, ਜਦੋਂ ਉਹ ਬਿਕਨੀ ਪਹਿਨ ਕੇ ਕਿਸ਼ਤੀ 'ਤੇ ਬੈਠੀ ਸੀ। ਇਸ ਘਟਨਾ ਬਾਰੇ ਪਤਾ ਲੱਗਾ ਹੈ ਕਿ ਇੰਫਲੁਇੰਸਰਸ ਦਾ ਇੱਕ ਸਮੂਹ ਇੱਕ ਲਗਜ਼ਰੀ ਯਾਟ ਪਾਰਟੀ ਲਈ ਇਕੱਠਾ ਹੋਇਆ ਸੀ। ਉਹ ਸਾਰਾ ਦਿਨ ਸ਼ਰਾਬ ਪੀ ਕੇ ਘੁੰਮਦਾ ਰਿਹਾ। ਬਾਅਦ ਵਿੱਚ ਉਹ ਦੋ ਧੜਿਆਂ ਵਿੱਚ ਵੰਡ ਕੇ ਕਿਨਾਰੇ ਵੱਲ ਪਰਤ ਗਏ। ਵਾਪਸੀ ਦੇ ਸਫ਼ਰ ਦੌਰਾਨ ਸਮੂਹ ਵਿੱਚੋਂ ਇੱਕ ਲਹਿਰਾਂ ਵਿੱਚ ਫਸ ਗਿਆ।
ਇੱਕ ਔਰਤ ਦੀ ਜਾਨ ਬਚ ਗਈ
ਵੈਨੇਸਾ ਨਾਂ ਦੀ ਇਕ ਯਾਤਰੀ ਨੇ ਦੱਸਿਆ ਕਿ ਉਹ ਲਾਈਫ ਜੈਕੇਟ ਪਾ ਕੇ ਅਤੇ ਚੱਟਾਨਾਂ ਨਾਲ ਚਿਪਕ ਕੇ ਕਿਸੇ ਤਰ੍ਹਾਂ ਬਚ ਗਈ। ਦੂਜੀ ਯਾਤਰੀ ਕੈਮਿਲਾ ਨੇ ਦੱਸਿਆ ਕਿ ਉਸ ਨੇ ਆਪਣੇ ਹੱਥਾਂ ਵਿੱਚ ਲਾਈਫ ਜੈਕੇਟ ਫੜੀ ਹੋਈ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਦੀਵਾਲੀ ਮੌਕੇ ਸਲਮਾਨ ਖ਼ਾਨ ਨੇ ਕਰ 'ਤਾ ਵੱਡਾ ਐਲਾਨ
NEXT STORY 
