ਮੁੰਬਈ (ਬਿਊਰੋ) : ਜਦੋਂ ਵੀ ਫ਼ਿਲਮ 'ਰੰਗੀਲਾ' ਦਾ ਨਾਂ ਆਉਂਦਾ ਹੈ ਤਾਂ ਹਰ ਕੋਈ ਬਾਲੀਵੁੱਡ ਅਦਾਕਾਰਾ ਉਰਮਿਲਾ ਮਾਤੋਂਡਕਰ ਨੂੰ ਯਾਦ ਕਰਦਾ ਹੈ। ਉਰਮਿਲਾ ਮਾਤੋਂਡਕਰ ਅੱਜ ਆਪਣਾ 48ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੀ ਹੈ। ਉਰਮਿਲਾ ਨੇ ਆਪਣੇ ਬਾਲੀਵੁੱਡ ਕਰੀਅਰ 'ਚ ਕਈ ਫ਼ਿਲਮਾਂ 'ਚ ਕੰਮ ਕੀਤਾ ਪਰ ਉਨ੍ਹਾਂ ਨੂੰ ਪ੍ਰਸਿੱਧੀ 'ਰੰਗੀਲਾ' ਤੋਂ ਹੀ ਮਿਲੀ।
ਫ਼ਿਲਮ 'ਮਾਸੂਮ' ਨਾਲ ਕੀਤੀ ਫ਼ਿਲਮੀ ਕਰੀਅਰ ਦੀ ਸ਼ੁਰੂਆਤ
ਉਰਮਿਲਾ ਨੇ ਆਪਣੇ ਫ਼ਿਲਮੀ ਕਰੀਅਰ ਦੀ ਸ਼ੁਰੂਆਤ ਬਾਲ ਕਲਾਕਾਰ ਵਜੋਂ ਕੀਤੀ ਸੀ। ਉਨ੍ਹਾਂ ਨੂੰ ਬਤੌਰ ਚਾਈਲਡ ਆਰਟਿਸਟ ਫ਼ਿਲਮ 'ਮਾਸੂਮ' ਮਿਲੀ ਸੀ। ਸ਼ੇਖਰ ਕਪੂਰ ਦੀ ਫ਼ਿਲਮ 'ਮਾਸੂਮ' 'ਚ ਉਨ੍ਹਾਂ ਦੀ ਐਕਟਿੰਗ ਨੂੰ ਕਾਫ਼ੀ ਪਸੰਦ ਕੀਤਾ ਗਿਆ ਸੀ। ਉਰਮਿਲਾ ਆਪਣੀ ਪ੍ਰੋਫੈਸ਼ਨਲ ਲਾਈਫ਼ ਤੋਂ ਜ਼ਿਆਦਾ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਸੁਰਖੀਆਂ 'ਚ ਰਹੀ ਹੈ। ਉਰਮਿਲਾ ਦੇ ਅਫ਼ੇਅਰ ਦੀਆਂ ਖ਼ਬਰਾਂ ਕਾਫ਼ੀ ਸੁਰਖੀਆਂ 'ਚ ਰਹੀਆਂ ਹਨ।
'ਰੰਗੀਲਾ' ਨੇ ਚਮਕਾਇਆ ਫ਼ਿਲਮ ਇੰਡਸਟਰੀ 'ਚ ਅਦਾਕਾਰਾ ਸਿਤਾਰਾ
ਉਰਮਿਲਾ ਮਾਤੋਂਡਕਰ ਨੇ ਆਪਣੇ ਫ਼ਿਲਮੀ ਕਰੀਅਰ 'ਚ ਕਈ ਫ਼ਿਲਮਾਂ 'ਚ ਕੰਮ ਕੀਤਾ ਪਰ ਉਨ੍ਹਾਂ ਨੂੰ ਪਛਾਣ ਰਾਮ ਗੋਪਾਲ ਵਰਮਾ ਦੀ ਫ਼ਿਲਮ 'ਰੰਗੀਲਾ' ਤੋਂ ਮਿਲੀ। ਇਸ ਫ਼ਿਲਮ ਤੋਂ ਬਾਅਦ ਉਰਮਿਲਾ ਮਾਤੋਂਡਕਰ ਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ। ਉਦੋਂ ਤੋਂ ਹੀ ਉਰਮਿਲਾ ਰਾਮ ਗੋਪਾਲ ਵਰਮਾ ਦੀ ਹਰ ਫ਼ਿਲਮ 'ਚ ਸੀ। ਰੰਗੀਲਾ ਤੋਂ ਬਾਅਦ ਉਰਮਿਲਾ ਨੂੰ 'ਰੰਗੀਲਾ ਗਰਲ' ਦੇ ਨਾਂ ਨਾਲ ਜਾਣਿਆ ਜਾਂਦਾ ਸੀ।
ਰਾਮ ਗੋਪਾਲ ਵਰਮਾ ਕਾਰਨ ਡੁੱਬਿਆ ਉਰਮਿਲਾ ਦਾ ਕਰੀਅਰ
ਰਾਮ ਗੋਪਾਲ ਵਰਮਾ ਤੇ ਉਰਮਿਲਾ ਮਾਤੋਂਡਕਰ ਨੇ ਕਦੇ ਵੀ ਆਪਣੇ ਅਫ਼ੇਅਰ ਨੂੰ ਸਵੀਕਾਰ ਨਹੀਂ ਕੀਤਾ ਪਰ ਰਾਮ ਗੋਪਾਲ ਦੀ ਬਦੌਲਤ ਹੀ ਉਰਮਿਲਾ ਆਪਣੇ ਕਰੀਅਰ ਦੇ ਸਿਖਰ 'ਤੇ ਪਹੁੰਚੀ ਸੀ। ਰਾਮ ਗੋਪਾਲ ਵਰਮਾ ਕਾਰਨ ਉਰਮਿਲਾ ਦਾ ਕਰੀਅਰ ਵੀ ਡੁੱਬ ਗਿਆ। ਇੱਕ ਸਮਾਂ ਸੀ ਜਦੋਂ ਰਾਮ ਗੋਪਾਲ ਵਰਮਾ ਆਪਣੀ ਹਰ ਫ਼ਿਲਮ 'ਚ ਉਰਮਿਲਾ ਨੂੰ ਕਾਸਟ ਕਰਦੇ ਸਨ। ਦੋਵਾਂ ਨੇ 13 ਫ਼ਿਲਮਾਂ 'ਚ ਇਕੱਠੇ ਕੰਮ ਕੀਤਾ ਹੈ। ਰਾਮ ਗੋਪਾਲ ਵਰਮਾ ਨਾਲ ਕੰਮ ਕਰਨ ਕਾਰਨ ਹੋਰ ਨਿਰਦੇਸ਼ਕਾਂ ਨੇ ਉਰਮਿਲਾ ਨਾਲ ਕੰਮ ਕਰਨ ਤੋਂ ਇਨਕਾਰ ਕਰ ਦਿੱਤਾ ਕਿਉਂਕਿ ਇੰਡਸਟਰੀ ਦੇ ਬਹੁਤ ਸਾਰੇ ਲੋਕਾਂ ਦੀ ਰਾਮ ਗੋਪਾਲ ਵਰਮਾ ਨਾਲ ਨਹੀਂ ਬਣਦੀ ਸੀ।
10 ਸਾਲ ਛੋਟੇ ਕਾਰੋਬਾਰੀ ਨਾਲ ਉਰਮਿਲਾ ਨੇ ਕਰਵਾਇਆ ਵਿਆਹ
ਹੌਲੀ-ਹੌਲੀ ਜਦੋਂ ਰਾਮ ਗੋਪਾਲ ਵਰਮਾ ਅਤੇ ਉਰਮਿਲਾ ਮਾਤੋਂਡਕਰ ਵਿਚਾਲੇ ਦੂਰੀ ਆਉਣ ਲੱਗੀ ਤਾਂ ਉਨ੍ਹਾਂ ਨੇ ਰੰਗੀਲਾ ਗਰਲ ਨੂੰ ਆਪਣੀ ਫ਼ਿਲਮ 'ਚ ਲੈਣਾ ਵੀ ਬੰਦ ਕਰ ਦਿੱਤਾ। ਇਸ ਦੇ ਨਾਲ ਹੀ ਕੋਈ ਹੋਰ ਨਿਰਦੇਸ਼ਕ ਉਰਮਿਲਾ ਨੂੰ ਆਪਣੀ ਫ਼ਿਲਮ ਲਈ ਅਪ੍ਰੋਚ ਨਹੀਂ ਕਰ ਰਹੇ ਸਨ, ਜਿਸ ਕਾਰਨ ਉਰਮਿਲਾ ਦਾ ਕਰੀਅਰ ਡੁੱਬ ਗਿਆ। ਇਸ ਤੋਂ ਬਾਅਦ ਉਹ ਇੰਡਸਟਰੀ ਤੋਂ ਗਾਇਬ ਹੋ ਗਏ। ਫ਼ਿਲਮਾਂ ਤੋਂ ਦੂਰੀ ਬਣਾਉਣ ਤੋਂ ਬਾਅਦ ਉਰਮਿਲਾ ਨੇ ਕਸ਼ਮੀਰ ਦੇ ਇੱਕ ਮਾਡਲ ਅਤੇ ਕਾਰੋਬਾਰੀ ਮੋਹਸਿਨ ਅਖ਼ਤਰ ਮੀਰ ਨਾਲ ਵਿਆਹ ਕਰਵਾ ਲਿਆ। ਮੋਹਸਿਨ ਉਰਮਿਲਾ ਤੋਂ 10 ਸਾਲ ਛੋਟੇ ਹਨ।
ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਪ੍ਰਤੀਕਿਰਿਆ, ਕੁਮੈਂਟ ਰਾਹੀਂ ਸਾਡੇ ਨਾਲ ਜ਼ਰੂਰ ਸਾਂਝੀ ਕਰੋ।
ਜਦੋਂ ਕ੍ਰਿਸ਼ਣਾ ਅਭਿਸ਼ੇਕ ’ਤੇ ਭੜਕ ਗਈ ਸੀ ਗੋਵਿੰਦਾ ਦੀ ਪਤਨੀ, ਆਖ ਦਿੱਤੀ ਸੀ ਇਹ ਗੱਲ
NEXT STORY 
