ਨਵੀਂ ਦਿੱਲੀ- ਮਸ਼ਹੂਰ ਪੰਜਾਬੀ ਅਦਾਕਾਰ ਯੋਗਰਾਜ ਸਿੰਘ ਇਨ੍ਹੀਂ ਦਿਨੀਂ ਆਪਣੀ ਫਿਲਮ 'ਬੀਬੀ ਰਜਨੀ' ਨੂੰ ਲੈ ਕੇ ਸੁਰਖੀਆਂ 'ਚ ਹਨ। ਹਾਲ ਹੀ 'ਚ ਯੋਗਰਾਜ ਸਿੰਘ ਨੇ ਆਪਣੇ ਇੱਕ ਇੰਟਰਵਿਊ ਦੇ ਦੌਰਾਨ ਮਸ਼ਹੂਰ ਕ੍ਰਿਕਟਰ ਕਪਿਲ ਦੇਵ ਤੇ ਐਮ ਐਸ ਧੋਨੀ ਨੂੰ ਲੈ ਕੇ ਆਪਣੀ ਨਾਰਾਜ਼ਗੀ ਪ੍ਰਗਟਾਈ ਹੈ। ਭਾਰਤੀ ਕ੍ਰਿਕਟਰ ਯੁਵਰਾਜ ਸਿੰਘ ਦੇ ਪਿਤਾ ਯੋਗਰਾਜ ਸਿੰਘ ਦਾ ਹਾਲ ਹੀ 'ਚ ਇਕ ਇੰਟਰਵਿਊ ਸਾਹਮਣੇ ਆਇਆ ਹੈ, ਜਿਸ 'ਚ ਉਹ ਭਾਰਤ ਦੇ ਦੋ ਦਿੱਗਜ ਕਪਤਾਨਾਂ ਕਪਿਲ ਦੇਵ ਅਤੇ ਐਮ ਐਸ ਧੋਨੀ ਬਾਰੇ ਤਿੱਖੇ ਬਿਆਨ ਦਿੰਦੇ ਨਜ਼ਰ ਆ ਰਹੇ ਹਨ। ਯੋਗਰਾਜ ਨੂੰ ਅਕਸਰ ਧੋਨੀ ਤੋਂ ਗੁੱਸਾ ਆਉਂਦਾ ਹੈ ਪਰ ਇਸ ਵਾਰ ਉਨ੍ਹਾਂ ਨੇ ਕਪਿਲ ਦੇਵ ਦਾ ਨਾਂ ਲੈ ਕੇ ਆਪਣਾ ਗੁੱਸਾ ਕੱਢਿਆ ਹੈ। ਉਨ੍ਹਾਂ ਨੇ ਇੰਟਰਵਿਊ 'ਚ ਇੱਥੋਂ ਤੱਕ ਕਿਹਾ ਕਿ ਅਜਿਹਾ ਕਰਨ ਤੋਂ ਬਾਅਦ, ਮੈਂ ਤੁਹਾਡਾ ਉਹ ਹਾਲ ਕਰਾਂਗਾ ਕਿ ਦੁਨੀਆ ਤੁਹਾਡੇ 'ਤੇ ਥੁੱਕੇਗੀ।ਇੱਕ ਯੂ-ਟਿਊਬ ਚੈਨਲ ਨੂੰ ਦਿੱਤੇ ਇੰਟਰਵਿਊ 'ਚ ਯੋਗਰਾਜ ਸਿੰਘ, ਆਪਣੇ ਪੁੱਤ ਯੁਵਰਾਜ ਸਿੰਘ 'ਤੇ ਆਪਣੀ ਮਿਹਨਤ ਬਾਰੇ ਗੱਲ ਕਰਦੇ ਨਜ਼ਰ ਆ ਰਹੇ ਹਨ। ਯੋਗਰਾਜ ਸਿੰਘ ਨੇ ਦੱਸਿਆ ਕਿ ਆਪਣੇ ਬੇਟੇ ਨੂੰ ਵੱਡਾ ਕ੍ਰਿਕਟਰ ਬਣਾਉਣ ਲਈ ਉਨ੍ਹਾਂ ਨੇ ਆਪਣੀ ਮਾਂ ਨੂੰ ਪਿੰਡ ਭੇਜਿਆ ਅਤੇ ਆਪਣੀ ਪਤਨੀ ਨੂੰ ਘਰੋਂ ਬਾਹਰ ਕੱਢ ਦਿੱਤਾ।
ਯੋਗਰਾਜ ਸਿੰਘ ਨੇ ਇੱਥੋਂ ਤੱਕ ਕਿਹਾ ਕਿ ਜੇਕਰ ਉਨ੍ਹਾਂ ਦੀ ਪਤਨੀ ਯੁਵਰਾਜ ਸਿੰਘ ਨੂੰ ਨਾਲ ਲੈ ਜਾਂਦੀ ਤਾਂ ਉਹ ਦੂਜਾ ਵਿਆਹ ਕਰਾ ਕੇ ਇੱਕ ਹੋਰ ਪੁੱਤਰ ਪੈਦਾ ਕਰ ਕੇ ਉਸ ਨੂੰ ਕ੍ਰਿਕਟਰ ਬਣਾਉਂਦੇ। ਯੋਗਰਾਜ ਦੁਨੀਆ ਨੂੰ ਦਿਖਾਉਣਾ ਚਾਹੁੰਦਾ ਸੀ ਕਿ ਉਹ ਕੀ ਹਨ। ਇਸ ਗੱਲਬਾਤ ਦੌਰਾਨ ਉਨ੍ਹਾਂ ਨੇ ਕਪਿਲ ਦੇਵ 'ਤੇ ਆਪਣਾ ਗੁੱਸਾ ਕੱਢਿਆ।ਯੋਗਰਾਜ ਸਿੰਘ ਨੇ ਕਿਹਾ, ''ਮੈਂ ਆਪਣੀ ਜ਼ਿੰਦਗੀ 'ਚ ਲੋਕਾਂ ਨੂੰ ਦਿਖਾਉਣਾ ਚਾਹੁੰਦਾ ਹਾਂ ਕਿ ਯੋਗਰਾਜ ਨੇ ਕੁਝ ਅਜਿਹਾ ਕੀਤਾ ਹੈ, ਜਿਸ ਨੂੰ ਤੁਸੀਂ ਹੇਠਾਂ ਲਿਆਂਦਾ ਹੈ। ਅੱਜ ਸਾਰੀ ਦੁਨੀਆ ਮੇਰੇ ਪੈਰਾਂ 'ਤੇ ਹੈ ਅਤੇ ਮੈਨੂੰ ਸਲਾਮ ਕਰਦੀ ਹੈ ਅਤੇ ਉਹ ਲੋਕ ਜਿਨ੍ਹਾਂ ਨੇ ਬਹੁਤ ਬੁਰਾ ਕੀਤਾ ਸੀ, ਕੁਝ ਨੂੰ ਕੈਂਸਰ ਹੈ, ਕੁਝ ਆਪਣਾ ਘਰ ਗੁਆ ਚੁੱਕੇ ਹਨ, ਕੁਝ ਆਪਣੀ ਜਾਨ ਗੁਆ ਚੁੱਕੇ ਹਨ ਅਤੇ ਕੁਝ ਦੇ ਘਰ ਕੋਈ ਪੁੱਤਰ ਨਹੀਂ ਹੈ। ਤੁਸੀਂ ਸਮਝ ਗਏ ਹੋ ਕਿ ਮੈਂ ਕਿਸ ਬਾਰੇ ਗੱਲ ਕਰ ਰਿਹਾ ਹਾਂ, ਉਸ ਆਦਮੀ ਨੇ ਜੋ ਵੀ ਕੀਤਾ, ਤੁਹਾਡੇ ਸਭ ਤੋਂ ਮਹਾਨ ਕਪਤਾਨ ਸ਼੍ਰੀ ਕਪਿਲ ਦੇਵ, ਮੈਂ ਉਸ ਨੂੰ ਕਿਹਾ ਸੀ ਕਿ ਮੈਂ ਤੇਰਾ ਇਹ ਹਾਲ ਕਰਾਂਗਾ ਕਿ ਦੁਨੀਆ ਤੇਰੇ 'ਤੇ ਥੁੱਕੇਗੀ। ਅੱਜ ਯੁਵਰਾਜ ਸਿੰਘ ਕੋਲ 13 ਟਰਾਫੀਆਂ ਹਨ ਅਤੇ ਤੁਹਾਡੇ ਕੋਲ ਸਿਰਫ ਇੱਕ ਹੈ, ਵਿਸ਼ਵ ਕੱਪ।
ਇਹ ਖ਼ਬਰ ਵੀ ਪੜ੍ਹੋ -ਪਤਨੀ ਨਾਲ ਰਿਸ਼ਤਾ ਖ਼ਰਾਬ ਹੋਣ 'ਤੇ ਬੋਲੇ ਹਨੀ ਸਿੰਘ, ਦੱਸਿਆ ਇਹ ਕਾਰਨ
ਯੋਗਰਾਜ ਸਿੰਘ ਨੇ ਇਸ ਇੰਟਰਵਿਊ ਦੌਰਾਨ ਮਹਿੰਦਰ ਸਿੰਘ ਧੋਨੀ ਬਾਰੇ ਕਈ ਕੌੜੀਆਂ ਗੱਲਾਂ ਵੀ ਕਹੀਆਂ। ਉਸ ਨੇ ਕਿਹਾ, "ਮੈਂ ਐਮ ਐਸ ਧੋਨੀ ਨੂੰ ਮਾਫ ਨਹੀਂ ਕਰਾਂਗਾ। ਉਸ ਨੂੰ ਸ਼ੀਸ਼ੇ 'ਚ ਆਪਣਾ ਚਿਹਰਾ ਦੇਖਣਾ ਚਾਹੀਦਾ ਹੈ। ਉਹ ਮਹਾਨ ਕ੍ਰਿਕਟਰ ਹੈ ਪਰ ਉਸ ਨੇ ਮੇਰੇ ਬੇਟੇ ਦੇ ਖਿਲਾਫ ਜੋ ਵੀ ਕੀਤਾ, ਉਹ ਹੁਣ ਸਾਹਮਣੇ ਆ ਰਿਹਾ ਹੈ। ਮੈਂ ਉਸ ਨੂੰ ਆਪਣੀ ਜ਼ਿੰਦਗੀ 'ਚ ਕਦੇ ਮੁਆਫ ਨਹੀਂ ਕੀਤਾ।" ਜ਼ਿੰਦਗੀ ਵਿੱਚ ਕਦੇ ਵੀ ਦੋ ਕੰਮ ਨਹੀਂ ਕੀਤੇ, ਜਿਨ੍ਹਾਂ ਨੇ ਮੇਰੇ ਨਾਲ ਗ਼ਲਤ ਕੀਤਾ, ਭਾਵੇਂ ਉਹ ਮੇਰੇ ਪਰਿਵਾਰ ਦੇ ਮੈਂਬਰ ਹੋਣ ਜਾਂ ਮੇਰੇ ਬੱਚੇ।ਉਨ੍ਹਾਂ ਨੇ ਅੱਗੇ ਕਿਹਾ, “ਉਸ ਵਿਅਕਤੀ (ਧੋਨੀ) ਨੇ ਮੇਰੇ ਬੇਟੇ ਦੀ ਜ਼ਿੰਦਗੀ ਬਰਬਾਦ ਕਰ ਦਿੱਤੀ ਹੈ। ਯੁਵਰਾਜ ਚਾਰ-ਪੰਜ ਸਾਲ ਹੋਰ ਕ੍ਰਿਕਟ ਖੇਡ ਸਕਦਾ ਸੀ। ਉਸ ਦੇ ਨਾਲ ਰਹਿਣ ਵਾਲਿਆਂ ਨੂੰ ਸਲਾਮ ਪਰ ਤੁਹਾਨੂੰ ਦੱਸ ਦੇਈਏ ਕਿ ਕਿਸੇ ਨੂੰ ਯੁਵਰਾਜ ਵਰਗਾ ਪੁੱਤਰ ਪੈਦਾ ਕਰਨਾ ਚਾਹੀਦਾ ਹੈ। ਗੌਤਮ ਗੰਭੀਰ ਅਤੇ ਵਰਿੰਦਰ ਸਹਿਵਾਗ ਨੇ ਕਿਹਾ ਹੈ ਕਿ ਯੁਵਰਾਜ ਸਿੰਘ ਵਰਗਾ ਖਿਡਾਰੀ ਕਦੇ ਪੈਦਾ ਨਹੀਂ ਹੋਇਆ ਅਤੇ ਨਾ ਹੀ ਹੋਵੇਗਾ। ਇਹ ਮੈਂ ਨਹੀਂ ਕਹਿ ਰਿਹਾ ਸਗੋਂ ਦੁਨੀਆ ਕਹਿ ਰਹੀ ਹੈ। ਯੁਵਰਾਜ ਸਿੰਘ ਨੂੰ ਭਾਰਤ ਰਤਨ ਨਾਲ ਸਨਮਾਨਿਤ ਕੀਤਾ ਜਾਣਾ ਚਾਹੀਦਾ ਹੈ। ਉਸਨੇ ਕੈਂਸਰ ਨਾਲ ਜੂਝਦੇ ਹੋਏ ਆਪਣੇ ਦੇਸ਼ ਲਈ ਵਿਸ਼ਵ ਕੱਪ ਜਿੱਤਿਆ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਇਸ ਅਦਾਕਾਰ ਨੇ ਨਿਭਾਇਆ ਹੈ ਫ਼ਿਲਮ 'ਬੀਬੀ ਰਜਨੀ' 'ਚ 'ਪਿੰਗਲੇ' ਦਾ ਕਿਰਦਾਰ
NEXT STORY 
