ਗੈਜੇਟ ਡੈਸਕ– ਗੂਗਲ ਨੇ ਅਧਿਕਾਰਤ ਤੌਰ ’ਤੇ ਆਪਣੇ ਅਗਲੇ ਆਪਰੇਟਿੰਗ ਸਿਸਟਮ ਦੇ ਨਾਂ ਦਾ ਐਲਾਨ ਕਰ ਦਿੱਤਾ ਹੈ। ਜਿਸ ਆਪਰੇਟਿੰਗ ਸਿਸਟਮ ਦਾ ਨਾਂ ਹੁਣ ਤਕ Android Q ਮੰਨਿਆ ਜਾ ਰਿਹਾ ਹੈ ਕਿ ਪੁਰਾਣੀ ਸਕੀਮ ਤੋਂ ਅਲੱਗ ਹਟਦੇ ਹੋਏ ਇਸ ਵਾਰ ਨਵੇਂ ਆਪਰੇਟਿੰਗ ਸਿਸਟਮ ਦਾ ਨਾਂ Android 10 ਹੋਵੇਗਾ। ਹੁਣਤਕ ਐਂਡਰਾਇਡ ਆਪਰੇਟਿੰਗ ਸਿਸਟਮ ਦੇ ਨਾਂ ਅੰਗਰੇਜੀ ਦੇ ਅਲਫਾਬੈਟਸ ਦੇ ਹਿਸਾਬ ਨਾਲ ਚੱਲਦੇ ਆ ਰਹੇ ਸਨ। ਨਵਾਂ ਐਂਡਰਾਇਡ ਆਪਰੇਟਿੰਗ ਸਿਸਟਮ ਟੈਸਟਿੰਗ ਲਈ ਕੁਝ ਡਿਵੈੱਲਪਰਾਂ ਨੂੰ ਦਿੱਤਾ ਗਿਆ ਹੈ ਅਤੇ ਇਸ ਦੇ ਪਬਲਿਕ ਬੀਟਾ ਵਰਜ਼ਨ ਵੀ ਰਿਲੀਜ਼ ਕੀਤੇ ਗਏ ਹਨ। ਬੀਟਾ ਵਰਜ਼ਨ ’ਚ ਕਈ ਬਿਹਤਰੀਨ ਫੀਚਰਜ਼ ਦੇਖਣ ਨੂੰ ਮਿਲੇ ਹਨ, ਜੋ ਯੂਜ਼ਰਜ਼ ਦਾ ਐਕਸਪੀਰੀਅੰਸ ਪੂਰੀ ਤਰ੍ਹਾਂ ਬਦਲ ਦੇਣਗੇ। ਇਹ ਫੀਰਚਜ਼ ਨਵੇਂ ਓ.ਐੱਸ. ’ਚ ਐਡ ਕੀਤੇ ਗਏ ਹਨ।
ਨਵਾਂ ਐਪ ਅਲਰਟ ਆਪਸ਼ਨ
ਐਂਡਰਾਇਡ 10 ’ਚ ਐਪ ਨੋਟੀਫਿਕੇਸ਼ਨ ’ਤੇ ਲਾਂਗ ਪ੍ਰੈੱਸ ਕਰਨ ’ਤੇ ਯੂਜ਼ਰਜ਼ ਨੂੰ ਉਨ੍ਹਾਂ ਨੂੰ ਬਲਾਕ ਕਰਨ ਵਰਗੇ ਕਈ ਜ਼ਰੂਰੀ ਆਪਸ਼ਨ ਦਿਸਣਗੇ। ਅਜਿਹੇ ’ਚ ਯੂਜ਼ਰਜ਼ ਕਿਸੇ ਨੋਟੀਫਿਕੇਸ਼ਨ ਨੂੰ ਤੁਰੰਤ ਸਾਈਲੈਂਟ ਜਾਂ ਬਲਾਕ ਕਰ ਸਕਣਗੇ।
ਡਾਰਕ ਮੋਡ
ਡਾਰਕ ਮੋਡ ਫੀਚਰ ਦਾ ਯੂਜ਼ਰਜ਼ ਨੂੰ ਲੰਬੇ ਸਮੇਂ ਤੋਂ ਇੰਤਜ਼ਾਰ ਸੀ ਅਤੇ ਆਖਿਰਕਾਰ IO ਡਿਵੈੱਲਪਰ ਕਾਨਫਰੰਸ ’ਚ ਇਸੇ ਕਨਫਰਮ ਕਰ ਦਿੱਤਾ ਗਿਆ ਹੈ। ਡਾਰਕ ਥੀਮ ਨੂੰ ਸੈਟਿੰਗਸ ’ਚ ਜਾ ਕੇ ਬੈਟਰੀ ਟੈਬ ਤੋਂ ਆਨ ਕੀਤਾ ਜਾ ਸਕਦਾ ਹੈ। ਗੂਗਲ ਪਹਿਲਾਂ ਵੀ ਆਪਣੇ ਕਈ ਐਪਸ ’ਚ ਡਾਰਕ ਮੋਡ ਲਿਆ ਚੁੱਕਾ ਹੈ।
ਲੋਕੇਸ਼ਨ ਐਕਸੈਸ ਪਰਮਿਸ਼ਨ
ਐਂਡਰਾਇਡ 10 ’ਚ ਗੂਗਲ ਨੇ ਯੂਜ਼ਰਜ਼ ਦੀ ਪ੍ਰਾਈਵੇਸੀ ਨੂੰ ਬਿਹਤਰ ਕੀਤਾ ਹੈ ਅਤੇ ਇਸ ਲਈ ਯੂਜ਼ਰਜ਼ ਦੇ ਲੋਕੇਸ਼ਨ ਡਾਟਾ ਨਾਲ ਜੁੜੇ ਆਪਸ਼ਨ ਅਤੇ ਪੂਰਾ ਕੰਟਰੋਲ ਯੂਜ਼ਰਜ਼ ਨੂੰ ਮਿਲੇਗਾ। ਹੁਣ ਕਿਹੜੇ ਐਪ ਕਦੋਂ ਤੁਹਾਡਾ ਲੋਕੇਸ਼ਨ ਡਾਟਾ ਐਕਸੈਸ ਕਰ ਸਕਣਗੇ ਇਸ ਲਈ ਅਲੱਗ ਤੋਂ ਪਰਮਿਸ਼ਨ ਲਈ ਜਾਵੇਗੀ। ਯੂਜ਼ਰਜ਼ ਨੂੰ ਪਰਿਮਸ਼ਨ Allow ਕਰਨ ਜਾਂ Deny ਕਰਨ ਤੋਂ ਇਲਾਵਾ ਤੀਜਾ ਆਪਸ਼ਨ 'Allow only when in use' ਵੀ ਮਿਲੇਗਾ।
ਫਾਸਟ ਸ਼ੇਅਰ ਆਪਸ਼ਨ
ਗੂਗਲ ਇਸ ਵਿਚ ਫਾਇਲਾਂ ਅਤੇ ਡਾਟਾ ਸ਼ੇਅਰ ਕਰਨ ਦਾ ਨਵਾਂ ਫੀਚਰ ਵੀ ਦੇ ਸਕਦਾ ਹੈ ਅਤੇ ਕੰਪਨੀ ਇਸ ਨੂੰ ‘ਫਾਸਟ ਸ਼ੇਅਰ’ ਨਾਂ ਦੇ ਸਕਦੀ ਹੈ। ਗੂਗਲ ਕੋਲ ਪਹਿਲਾਂ ਹੀ ਅਜਿਹਾ ਫੀਚਰ ਸੀ, ਜਿਸ ਨੂੰ ਐਂਡਰਾਇਡ ਬੀਮ ਕਿਹਾ ਗਿਆ ਸੀ ਪਰ ਬਾਅਦ ’ਚ ਰਿਲੀਜ਼ ਹੋਏ ਓ.ਐੱਸ. ਵਰਜ਼ਨ ’ਚ ਇਸ ਨੂੰ ਹਟਾ ਦਿੱਤਾ ਗਿਆ ਸੀ।
ਨਵਾਂ ਬੈਟਰੀ ਇੰਡੀਕੇਟਰ
ਬੈਟਰੀ ਪਰਸੈਂਟੇਜ ਦੱਸਣ ਵਾਲਾ ਇੰਡੀਕੇਟਰ ਐਂਡਰਾਇਡ 10 ’ਚ ਨਵਾਂ ਦੇਖਣ ਨੂੰ ਮਿਲ ਸਕਦਾ ਹੈ। ਨਵੇਂ ਓ.ਐੱਸ. ’ਚ ਪਰਸੈਂਟੇਜ ਦੀ ਥਾਂ ਦਿਸੇਗਾ ਕਿ ਡਿਵਾਈਸ ਬਚੀ ਹੋਈ ਬੈਟਰੀ ਪਾਵਰ ’ਤੇ ਕਦੋਂ ਤਕ ਚੱਲ ਸਕਦਾ ਹੈ। ਉਦਾਹਰਣ ਲਈ ਪਰਸੈਂਟੇਜ ਦੀ ਥਾਂ 'Until 11PM' ਦਿਸੇਗਾ। ਕੁਝ ਰਿਪੋਰਟਾਂ ਮੁਤਾਬਕ, ਬੈਟਰੀ ਦੇ ਇਕ ਪਰਸੈਂਟੇਜ ਤੋਂ ਘੱਟ ਹੋਣ ਤੋਂ ਬਾਅਦ ਇਹ ਟੈਕਸਟ ਦਿਸੇਗਾ।
ਕਲਰ ਥੀਮਸ
ਐਂਡਰਾਇਡ 10 ’ਚ ਨਾ ਸਿਰਫ ਯੂ.ਆਈ. ’ਚ ਨਵੇਂ ਬਦਲਾਅ ਦੇਖਣ ਨੂੰ ਮਿਲਣਗੇ ਸਗੋਂ ਯੂਜ਼ਰਜ਼ ਨੂੰ ਕੋਈ ਕਲਰ ਥੀਮਸ ਵੀ ਦਿੱਤੇ ਜਾਣਗੇ। ਫਾਈਨਲ ਵਰਜ਼ਨ ’ਚ ਇਹ ਥੀਮਸ ਲਿਮਟਿਡ ਕਲਰਜ਼ ਦੇ ਨਾਲ ਹੀ ਦੇਖਣ ਨੂੰ ਮਿਲਣਗੇ। ਇਸ ਨੂੰ ਬੀਟਾ ਵਰਜ਼ਨ ਦੇ ਡਿਵੈੱਲਪਰ ਆਪਸ਼ੰਸ ’ਚ ਸਪਾਟ ਕੀਤਾ ਗਿਆ ਹੈ।
QR Code ਫਾਰ ਵਾਈ-ਫਾਈ
ਨਵੇਂ ਐਂਡਰਾਇਡ ਓ.ਐੱਸ. ’ਚ ਵਾਈ-ਫਾਈ ਨਾਲ ਕੁਨੈਕਟ ਹੋਣਾ ਆਸਾਨ ਹੋ ਜਾਵੇਗਾ। ਯੂਜ਼ਰਜ਼ ਨੂੰ ਵਾਰ-ਵਾਰ ਪਾਸਵਰਡ ਨਹੀਂ ਭਰਨਾ ਪਵੇਗਾ ਅਤੇ ਕਿਊ.ਆਰ. ਕੋਡ ਦੀ ਮਦਦ ਨਾਲ ਵਾਈ-ਫਾਈ ਕੁਨੈਕਟੀਵਿਟੀ ਮਿਲ ਸਕੇਗੀ। ਅਜਿਹੇ ’ਚ ਵਾਈ-ਫਾਈ ਓਵਨ ਨੂੰ ਹਰ ਯੂਜ਼ਰ ਨੂੰ ਪਾਸਵਰਡ ਵੀ ਨਹੀਂ ਦੱਸਣਾ ਪਵੇਗਾ।
ਥਰਡ ਪਾਰਟੀ ਕੈਮਰਾ ਐਪਸ
ਥਰਡ ਪਾਰਟੀ ਐਪਸ ਦੀ ਮਦਦ ਨਾਲ ਨਵੇਂ ਓ.ਐੱਸ. ’ਚ ਬਿਹਤਰ ਤਸਵੀਰਾਂ ਕਲਿੱਕ ਕੀਤੀਆਂ ਜਾ ਸਕਣਗੀਆਂ। ਐਪ ਡਿਵੈੱਲਪਰਜ਼ ਨਵੇਂ ਓ.ਐੱਸ. ’ਚ ਤਸਵੀਰਾਂ ਨਾਲ ਜੁੜੀ ਡੈੱਫਥ ਇਨਫਾਰਮੇਸ਼ਨ ਐਕਸੈਸ ਕਰ ਸਕਣਗੇ, ਜਿਸ ਨਾਲ ਕੈਮਰਾ ਨੂੰ ਟਵੀਕ ਕਰਕੇ ਬੈਸਟ ਕੁਆਲਿਟੀ ਦੀਆਂ ਤਸਵੀਰਾਂ ਕਲਿੱਕ ਹੋ ਸਕਣਗੀਆਂ।
ਨਵੇਂ ਆਡੀਓ-ਵੀਡੀਓ ਫਾਰਮੇਟ
ਐਂਡਰਾਇਡ 10 ’ਚ ਯੂਜ਼ਰਜ਼ ਢੇਰਾਂ ਨਵੇਂ ਆਡੀਓ ਅਤੇ ਵੀਡੀਓ ਫਾਰਮੇਟਸ ਵੀ ਪਲੇਅ ਕਰ ਸਕਣਗੇ, ਜੋ ਮੌਜੂਦਾ ਵਰਜ਼ਨ ’ਚ ਪਲੇਅ ਨਹੀਂ ਹੁੰਦੇ। ਫਿਲਹਾਲ ਇਨ੍ਹਾਂ ਨੂੰ ਕਨਵਰਟ ਕਰਨਾ ਪੈਂਦਾ ਹੈ ਜਾਂ ਫਿਰ ਕਿਸੇ ਥਰਡ-ਪਾਰਟੀ ਐਪ ਦੀ ਮਦਦ ਲੈਣੀ ਪੈਂਦੀ ਹੈ।
ਬਿਹਤਰ ਡੈਸਕਟਾਪ ਇੰਟੀਗ੍ਰੇਸ਼ਨ
ਐਂਡਰਾਇਡ 10 ’ਚ ਯੂਜ਼ਰਜ਼ ਨੂੰ ਡੈਸਕਟਾਪ ਮੋਡ ਵੀ ਮਿਲ ਸਕਦਾ ਹੈ, ਜਿਸ ਦੀ ਮਦਦ ਨਾਲ ਸਮਾਰਟਫੋਨ ਨੂੰ ਡੈਸਕਟਾਪ ਨਾਲ ਬਿਹਤਰ ਕੁਨੈਕਟੀਵਿਟੀ ਮਿਲੇਗੀ। ਇਸ ਨਾਲ ਡਿਵਾਈਸ ਦੀ ਪ੍ਰੋਡਕਟੀਵਿਟੀ ਵਧਾਈ ਜਾ ਸਕੇਗੀ।
ਫੋਲਡੇਬਲ ਯੂ.ਆਈ.
ਐਂਡਰਾਇਡ 10 ’ਚ ਫੋਲਡੇਬਲ ਸਮਾਰਟਫੋਨਜ਼ ਨੂੰ ਇਕ ਡੈਡੀਕੇਟਿਡ ਯੂ.ਆਈ. ਮਿਲੇਗਾ। ਇਸ ਦੀ ਮਦਦ ਨਾਲ ਯੂ.ਆਈ. ਨੂੰ ਡਿਊਲ ਡਿਸਪਲੇਅ ਹਾਰਡਵੇਅਰ ਲਈ ਤਿਆਰ ਕਰਦੇ ਹੋਏ ਯੂਜ਼ਰ ਫਰੈਂਡਲੀ ਬਣਾਇਆ ਜਾਵੇਗਾ।
OnePlus 7T ਤੇ 7T Pro ’ਚ ਹੋ ਸਕਦੈ ਸਰਕੁਲਰ ਕੈਮਰਾ ਮਡਿਊਲ
NEXT STORY 
