ਆਟੋ ਡੈਸਕ - BYD ਨੇ ਭਾਰਤ ’ਚ Sealion 7 ਇਲੈਕਟ੍ਰਿਕ SUV ਲਾਂਚ ਕਰ ਦਿੱਤੀ ਹੈ। ਇਸਦਾ ਬੇਸ ਪ੍ਰੀਮੀਅਮ ਵੇਰੀਐਂਟ 48.9 ਲੱਖ ਰੁਪਏ ’ਚ ਲਾਂਚ ਕੀਤਾ ਗਿਆ ਹੈ ਅਤੇ ਟਾਪ-ਸਪੈਸੀਫਿਕੇਸ਼ਨ ਪਰਫਾਰਮੈਂਸ ਟ੍ਰਿਮ 54.9 ਲੱਖ ਰੁਪਏ ਵਿੱਚ ਲਿਆਂਦਾ ਗਿਆ ਹੈ। ਸੀਲੀਅਨ 7 ਦੇ ਪਹਿਲੇ 70 ਯੂਨਿਟਾਂ ਦੀ ਡਿਲੀਵਰੀ 7 ਮਾਰਚ ਤੋਂ ਸ਼ੁਰੂ ਹੋਵੇਗੀ।
BYD Sealion 7 ਐਕਸਟੀਰੀਅਰ :-
ਸੀਲੀਅਨ 7 SUV ਦਿੱਖ ’ਚ ਇਕ ਕਰਾਸਓਵਰ ਵਰਗੀ ਹੈ। ਸੀਲੀਅਨ 7 ਪ੍ਰੀਮੀਅਮ ਵੇਰੀਐਂਟ ’ਚ 19-ਇੰਚ ਦੇ ਅਲੌਏ ਵ੍ਹੀਲ ਅਤੇ ਰੇਂਜ-ਟੌਪਿੰਗ ਪਰਫਾਰਮੈਂਸ ਵੇਰੀਐਂਟ ’ਚ 20-ਇੰਚ ਦੇ ਅਲੌਏ ਵ੍ਹੀਲ ਦੇ ਨਾਲ ਆਉਂਦਾ ਹੈ। ਇਹ SUV ਚਾਰ ਰੰਗਾਂ ’ਚ ਉਪਲਬਧ ਹੈ - ਐਟਲਾਂਟਿਸ ਗ੍ਰੇ, ਔਰੋਰਾ ਵ੍ਹਾਈਟ, ਕਾਸਮੌਸ ਬਲੈਕ ਅਤੇ ਸ਼ਾਰਕ ਗ੍ਰੇ।
BYD Sealion 7 ਦਾ ਇੰਟੀਰੀਅਰ :-
ਸੀਲ ਨਾਲ ਸਮਾਨਤਾਵਾਂ ਸੀਲੀਅਨ 7 ਦਾ ਕੈਬਿਨ 15.6-ਇੰਚ ਰੋਟੇਟਿੰਗ ਟੱਚਸਕ੍ਰੀਨ ਇੰਫੋਟੇਨਮੈਂਟ ਸਿਸਟਮ, ਹਵਾਦਾਰ ਫਰੰਟ ਸੀਟਾਂ, ਕਨੈਕਟਡ ਕਾਰ ਤਕਨਾਲੋਜੀ, ਮੈਮੋਰੀ ਫੰਕਸ਼ਨ ਦੇ ਨਾਲ ਇਲੈਕਟ੍ਰਿਕਲੀ ਐਡਜਸਟੇਬਲ ਡਰਾਈਵਰ ਸੀਟ, ਇਕ ਫਲੋਟਿੰਗ ਡਿਜੀਟਲ ਇੰਸਟਰੂਮੈਂਟ ਕਲੱਸਟਰ, ਸਨਸ਼ੇਡ ਦੇ ਨਾਲ ਪੈਨੋਰਾਮਿਕ ਗਲਾਸ ਛੱਤ, 50W ਵਾਇਰਲੈੱਸ ਫੋਨ ਚਾਰਜਰ, ਹੈੱਡ-ਅੱਪ-ਡਿਸਪਲੇ, ਪਾਵਰਡ ਟੇਲਗੇਟ ਵਰਗੇ ਫੀਚਰਜ਼ ਨਾਲ ਆਉਂਦਾ ਹੈ। ਇਸ SUV ’ਚ 520-ਲੀਟਰ ਦੀ ਬੂਟ ਸਪੇਸ ਹੈ। ਸੁਰੱਖਿਆ ਫੀਚਰਜ਼ ਦੀ ਗੱਲ ਕਰੀਏ ਤਾਂ, ਇਹ SUV 11 ਏਅਰਬੈਗ, ਇਕ 360-ਡਿਗਰੀ ਕੈਮਰਾ ਅਤੇ ਕੁਝ ADAS ਫੀਚਰਜ਼ ਜਿਵੇਂ ਕਿ ਬਲਾਇੰਡ ਸਪਾਟ ਡਿਟੈਕਸ਼ਨ, ਅੱਗੇ ਟੱਕਰ ਚੇਤਾਵਨੀ, ਇੰਟੈਲੀਜੈਂਟ ਕਰੂਜ਼ ਕੰਟਰੋਲ, ਆਟੋਮੈਟਿਕ ਐਮਰਜੈਂਸੀ ਬ੍ਰੇਕਿੰਗ ਅਤੇ ਹੋਰ ਬਹੁਤ ਕੁਝ ਦੇ ਨਾਲ ਆਉਂਦੀ ਹੈ।
BYD Sealion 7 ਪਾਵਰਟ੍ਰੇਨ ਅਤੇ ਪਰਫਾਰਮੈਂਸ :-
ਸੀਲੀਅਨ 7 ਦੇ ਦੋਵੇਂ ਵੇਰੀਐਂਟ ਵਿਚ ਇਕੋ ਜਿਹਾ 82.56kWh LFP ਘੱਟ-ਵੋਲਟੇਜ ਬੈਟਰੀ ਪੈਕ ਹੈ। ਇਸ SUV ਦੀ WLTP ਰੇਂਜ 482 ਕਿਲੋਮੀਟਰ ਹੈ ਅਤੇ ਇਹ ਸਿਰਫ 6.7 ਸਕਿੰਟਾਂ ਵਿੱਚ 0 ਤੋਂ 100 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਫੜ ਸਕਦੀ ਹੈ। ਇਸਦਾ ਪ੍ਰਦਰਸ਼ਨ ਵੇਰੀਐਂਟ 530hp ਅਤੇ 690Nm ਆਉਟਪੁੱਟ ਦੇਵੇਗਾ। ਤੁਸੀਂ ਸਿਰਫ਼ 4.5 ਸਕਿੰਟਾਂ ’ਚ 100 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਹਾਸਲ ਕਰ ਸਕਦੇ ਹੋ। ਇਸਦੀ WLTP-ਦਾਅਵਾ ਕੀਤੀ ਗਈ ਰੇਂਜ 456 ਕਿਲੋਮੀਟਰ ਹੈ।
Elon Musk ਨੇ ਲਾਂਚ ਕਰ 'ਤਾ ਦੁਨਿਆਂ ਦਾ ਸਭ ਤੋਂ ਪਾਵਰਫੁੱਲ AI!
NEXT STORY 
