ਗੈਜੇਟ ਡੈਸਕ-ਪਿਛਲੇ ਕੁਝ ਸਾਲਾਂ ਤੋਂ ਫੇਸਬੁੱਕ ਅਤੇ ਵਟਸਐਪ ਰਾਹੀਂ ਫੇਕ ਨਿਊਜ਼ ਫੈਲਾਉਣ ਕਾਰਨ ਮਾਬ ਲਿੰਚਿੰਗ ਵਰਗੀਆਂ ਕਾਫੀ ਘਟਨਾਵਾਂ ਹੋਈਆਂ ਹਨ। ਇਸ ਨੂੰ ਦੂਰ ਕਰਨ ਲਈ ਫੇਸਬੁੱਕ 'ਤੇ ਲਗਾਤਾਰ ਦਬਾਅ ਬਣਿਆ ਰਹਿੰਦਾ ਸੀ। ਹੁਣ ਫੇਸਬੁੱਕ ਨੇ ਭਾਰਤ 'ਚ ਫੇਕ ਨਿਊਜ਼ ਨੂੰ ਪਛਾਣਨ ਅਤੇ ਹਟਾਊਣ ਲਈ ਨਵਾਂ ਆਪਸ਼ਨ ਸ਼ੁਰੂ ਕੀਤਾ ਹੈ। ਇਸ ਨਵੇਂ ਫੀਚਰ ਦੇ ਆਉਣ ਨਾਲ ਹੁਣ ਜੇਕਰ ਕੋਈ ਵੀ ਯੂਜ਼ਰ ਫੇਸਬੁੱਕ 'ਤੇ ਕੋਈ ਫੇਕ ਨਿਊਜ਼ ਜਾਂ ਕੋਈ ਗਲਤ ਫੈਕਟ ਪੋਸਟ ਕਰੇਗਾ ਤਾਂ ਉਸ ਪੋਸਟ 'ਤੇ ਫਾਲਸ ਇਨਫਾਰਮੇਸ਼ਨ ਭਾਵ ਗਲਤ ਜਾਣਕਾਰੀ ਲਿਖਿਆ ਹੋਇਆ ਅਲਰਟ ਮਿਲ ਸਕਦਾ ਹੈ। ਇਹ ਜਾਣਕਾਰੀ ਇਕ ਫ੍ਰੀਲਾਂਸ ਸਕਿਓਰਟੀ ਰਿਸਰਚਰ ਦੇ ਹਵਾਲੇ ਤੋਂ ਮਿਲੀ ਹੈ।
ਫੇਸਬੁੱਕ ਦੇ ਇਸ ਨਵੇਂ ਫੀਚਰ ਨੂੰ ਫ੍ਰੀਲਾਂਸ ਸਕਿਓਰਟੀ ਰਿਸਰਚਰ ਰਾਜਸ਼ੇਖਰ ਰਾਜਹਰਿਆ ਨੇ ਸਭ ਤੋਂ ਪਹਿਲਾਂ ਸਪਾਟ ਕੀਤਾ ਅਤੇ ਇਹ ਜਾਣਕਾਰੀ ਉਨ੍ਹਾਂ ਨੇ ਸਾਂਝੀ ਕੀਤੀ ਹੈ। ਰਿਸਰਚਰ ਨੇ ਕਿਹਾ ਕਿ ਫੇਸਬੁੱਕ ਅਤੇ ਵਟਸਐਪ ਵਰਗੇ ਪਲੇਟਫਾਰਮ ਰਾਹੀਂ ਫੇਕ ਨਿਊਜ਼ ਫੈਲਣ ਕਾਰਨ ਕਈ ਘਟਨਾਵਾਂ ਹੋਈਆਂ ਹਨ। ਇਸ ਤੋਂ ਬਾਅਦ ਸਰਕਾਰ ਨੇ ਸੋਸ਼ਲ ਮੀਡੀਆ ਦਿੱਗਜ 'ਤੇ ਇਸ ਨੂੰ ਲੈ ਕੇ ਕਾਫੀ ਦਬਾਅ ਬਣਾਇਆ ਸੀ। ਇਕ ਰਿਪੋਰਟ ਮੁਤਾਬਕ ਦੇਸ਼ 'ਚ ਸਾਲ 2017 'ਚ ਫੇਕ ਨਿਊਜ਼ ਦੇ 170 ਮਾਮਲੇ ਦਰਜ ਹੋਏ ਸਨ। ਇਸ ਸੂਚੀ 'ਚ ਹੁਣ ਫੇਸਬੁੱਕ ਨੇ ਇਹ ਨਵਾਂ ਫੀਚਰ ਸ਼ੁਰੂ ਕੀਤਾ ਹੈ। ਰਿਸਰਚਰ ਨੇ ਵੀ ਕਿਹਾ ਹੈ ਕਿ ਇਸ ਫੀਚਰ ਦੀ ਸ਼ੁਰੂਆਤ ਚੋਣਾਂ ਸਮੇਂ ਕੀਤੀ ਗਈ ਸੀ ਅਤੇ ਪਰ ਉਸ ਵੇਲੇ ਇਹ ਅਲਰਟ ਪੋਸਟ ਸ਼ੇਅਰ ਕਰਨ ਵਾਲਿਆਂ ਨੂੰ ਹੀ ਦਿੱਤਾ ਜਾਂਦਾ ਸੀ। ਹਾਲਾਂਕਿ ਹੁਣ ਕੰਪਨੀ ਨੇ ਬਾਕੀ ਯੂਜ਼ਰਸ ਨੂੰ ਵੀ ਸਾਵਧਾਨ ਕਰਨਾ ਸ਼ੁਰੂ ਕੀਤਾ ਹੈ। ਫੇਸਬੁੱਕ ਨੇ ਭਾਰਤ 'ਚ ਇਸ ਦੇ ਲਈ ਕੁਝ ਪਾਰਟਨਰਸ ਵੀ ਬਣਾਏ ਹਨ।
ਰਿਸਰਚਰ ਨੇ ਕਿਹਾ ਕਿ ਫੇਸਬੁੱਕ ਨੇ ਫੇਕ ਨਿਊਜ਼ ਅਤੇ ਗਲਤ ਫੈਕਟ ਨੂੰ ਪਛਾਣ ਕੇ ਉਸ ਨੂੰ ਹਟਾਉਣ ਦਾ ਕੰਮ ਵੀ ਸ਼ੁਰੂ ਕਰ ਦਿੱਤਾ ਸੀ। ਇਸ ਦੇ ਲਈ ਕੰਪਨੀ ਆਰਟੀਫੀਸ਼ੀਅਲ ਇੰਟੈਜੀਲੰਸ ਅਤੇ ਮਸ਼ੀਨ ਲਰਨਿੰਗ ਦੀ ਮਦਦ ਨਾਲ ਅਜਿਹੇ ਪੋਸਟ ਅਤੇ ਫੋਟੋਜ਼ ਦੀ ਪਛਾਣ ਕਰਦੀ ਹੈ। ਇਹ ਉਹ ਪੋਸਟ ਹਨ ਜੋ ਬਹੁਤ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ ਅਤੇ ਲੋਕਾਂ ਨਾਲ ਭਾਵਨਾਤਮਕ ਰੂਪ ਨਾਲ ਜੁੜੀ ਹੋਈ ਹੈ। ਫਿਰ ਫੇਸਬੁੱਕ ਥਰਡ ਪਾਰਟੀ ਭਾਵ ਮੀਡੀਆ ਦੀਆਂ ਅਸਲੀ ਖਬਰਾਂ ਦਾ ਲਿੰਕ ਰਾਹੀਂ ਇਨ੍ਹਾਂ ਦੀ ਜਾਂਚ ਪੜਤਾਲ ਕਰਦੀ ਹੈ। ਇਹ ਸਾਰਾ ਕੁਝ ਰੋਬੋਟਸ ਰਾਹੀਂ ਹੋ ਰਿਹਾ ਹੈ।
ਜੇਕਰ ਪੋਸਟ ਦਾ ਫੈਕਟ ਜਾਂ ਕੋਈ ਖਬਰ ਪਾਈ ਜਾਂਦੀ ਹੈ ਤਾਂ ਉਸ 'ਤੇ ਅਲਰਟ ਦਾ ਨਿਸ਼ਾਨ ਦਿਖੇਗਾ ਅਤੇ ਇਸ 'ਤੇ ਕਲਿੱਕ ਕਰਕੇ ਤੁਸੀਂ ਪੋਸਟ ਜਾਂ ਫੈਕਟ ਦੇ ਬਾਰੇ 'ਚ ਅਸਲੀ ਜਾਣਕਾਰੀ ਪਤਾ ਕਰ ਸਕਣਗੇ। ਕੋਈ ਵੀ ਯੂਜ਼ਰ ਫੇਸਬੁੱਕ ਜਾਂ ਫੇਕ ਨਿਊਜ਼ ਨੂੰ ਪਛਾਣ ਕੇ ਰਿਪੋਰਟ ਕਰ ਸਕਦਾ ਹੈ। ਜੇਕਰ ਕੋਈ ਫੈਕਟਚੇਕਰ ਕਿਸੇ ਖਬਰ ਨੂੰ ਫੇਕ ਦੇ ਤੌਰ 'ਤੇ ਰੇਟ ਕਰਦਾ ਹੈ ਤਾਂ ਉਹ ਨਿਊਜ਼ ਫੀਡ 'ਚ ਹੇਠਾਂ ਦਿਖਾਈ ਦੇਵੇਗਾ। ਇਸ ਨਾਲ ਉਸ ਨੂੰ ਦੇਖਣ ਵਾਲੇ ਲੋਕਾਂ ਦੀ ਗਿਣਤੀ ਬਹੁਤ ਘੱਟ ਹੋ ਜਾਵੇਗੀ। ਫੇਸਬੁੱਕ 'ਤੇ ਹੁਣ ਤੋਂ ਵਾਰ-ਵਾਰ ਗਲਤ ਜਾਣਕਾਰੀ, ਫੇਕ ਨਿਊਜ਼ ਜਾਂ ਗਲਤ ਫੈਕਟ ਪੋਸਟ ਕਰਨ 'ਤੇ ਉਸ ਅਕਾਊਂਟ ਵਿਰੁੱਧ ਕਾਰਵਾਈ ਹੋ ਸਕਦੀ ਹੈ ਜਾਂ ਅਕਾਊਂਟ ਨੂੰ ਬਲਾਕ ਵੀ ਕੀਤਾ ਜਾ ਸਕਦਾ ਹੈ।
ਤੁਹਾਡਾ ਪਾਸਵਰਡ ਹੈਕ ਹੋਣ 'ਤੇ ਹੁਣ ਗੂਗਲ ਕਰੇਗਾ ਅਲਰਟ : ਪਿਚਾਈ
NEXT STORY 
