ਨਵੀਂ ਦਿੱਲੀ - ਗੂਗਲ ਨੇ ਬੁੱਧਵਾਰ ਨੂੰ ਆਪਣੇ ਨਵੇਂ AI ਮਾਡਲ Gemini 2.0 ਨੂੰ ਲਾਂਚ ਕਰਨ ਦਾ ਐਲਾਨ ਕੀਤਾ ਹੈ। ਇਹ ਗੂਗਲ ਦਾ ਹੁਣ ਤੱਕ ਦਾ ਸਭ ਤੋਂ ਉੱਨਤ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਮਾਡਲ ਹੈ। ਦੁਨੀਆ ਦੇ ਤਕਨੀਕੀ ਦਿੱਗਜ ਤੇਜ਼ੀ ਨਾਲ ਵਿਕਸਤ ਹੋ ਰਹੀ AI ਤਕਨਾਲੋਜੀ ਵਿੱਚ ਆਗੂ ਬਣਨ ਦੀ ਦੌੜ ਵਿੱਚ ਹਨ।
ਗੂਗਲ ਦੇ ਸੀ.ਈ.ਓ. ਸੁੰਦਰ ਪਿਚਾਈ ਨੇ ਕਿਹਾ ਕਿ ਨਵਾਂ ਮਾਡਲ ਏ.ਆਈ. ਦੇ ਵਿਕਾਸ ਵਿੱਚ "ਇੱਕ ਨਵੇਂ ਏਜੰਟਿਕ ਯੁੱਗ" ਦੇ ਰੂਪ ਵਿੱਚ ਪਛਾਣਿਆ ਜਾਵੇਗਾ। ਇਸ ਵਿੱਚ, AI ਮਾਡਲ ਤੁਹਾਡੇ ਆਲੇ ਦੁਆਲੇ ਦੀ ਦੁਨੀਆ ਨੂੰ ਸਮਝਣ ਅਤੇ ਇਸ ਬਾਰੇ ਫੈਸਲੇ ਲੈਣ ਲਈ ਤਿਆਰ ਕੀਤੇ ਗਏ ਹਨ।
ਗੂਗਲ ਨੇ ਦੋ ਮਹੀਨੇ ਪਹਿਲਾਂ ਦਸੰਬਰ 'ਚ ਆਪਣੀ ਅਗਲੀ ਪੀੜ੍ਹੀ ਦੇ ਜੈਮਿਨੀ ਏ.ਆਈ. ਮਾਡਲ ਨੂੰ ਲਾਂਚ ਕਰਨ ਦੀ ਯੋਜਨਾ ਬਣਾਈ ਸੀ। ਗੂਗਲ ਨੇ OpenAI ਨੂੰ ਟੱਕਰ ਦੇਣ ਲਈ Gemini 2.0 ਮਾਡਲ ਲਾਂਚ ਕੀਤਾ ਹੈ। ਗੂਗਲ ਨੇ ਇਹ ਵੀ ਕਿਹਾ ਹੈ ਕਿ ਉਹ ਵੈੱਬ-ਅਧਾਰਿਤ ਕੰਮਾਂ ਨੂੰ ਸਵੈਚਾਲਤ ਕਰਨ ਲਈ "ਪ੍ਰੋਜੈਕਟ ਜਾਰਵਿਸ" ਨਾਮ ਦਾ ਇੱਕ ਏ.ਆਈ.-ਸੰਚਾਲਿਤ ਏਜੰਟ ਵਿਕਸਤ ਕਰ ਰਿਹਾ ਹੈ।
ਸਿਰਫ ਗੂਗਲ ਹੀ ਨਹੀਂ, ਕਿਹਾ ਜਾ ਰਿਹਾ ਹੈ ਕਿ ਮਾਈਕ੍ਰੋਸਾਫਟ ਦੁਆਰਾ ਸਪੋਰਟ ਕਰਨ ਵਾਲਾ OpenAI ਵੀ ਦਸੰਬਰ 'ਚ ਹੀ ਆਪਣਾ ਅਗਲਾ ਵੱਡਾ AI ਮਾਡਲ ਲਾਂਚ ਕਰਨ ਜਾ ਰਿਹਾ ਹੈ। ਇਸ ਦੇ ਨਵੇਂ AI ਮਾਡਲ ਦਾ ਕੋਡਨੇਮ Orion ਹੈ। ਇਸ ਨੂੰ GPT-4 ਮਾਡਲ ਦੀ ਅਗਲੀ ਪੀੜ੍ਹੀ ਦਾ ਮਾਡਲ ਮੰਨਿਆ ਜਾਂਦਾ ਹੈ।
WhatsApp, Facebook ਤੇ Instagram ਦਾ ਸਰਵਰ ਹੋਇਆ ਡਾਊਨ, ਯੂਜ਼ਰਸ ਹੋਏ ਪਰੇਸ਼ਾਨ
NEXT STORY 
