ਆਟੋ ਡੈਸਕ- ਭਾਰਤ ਦੀ ਸਭ ਤੋਂ ਵੱਡੀ ਕਾਰ ਨਿਰਮਾਤਾ ਕੰਪਨੀ ਮਾਰੂਤੀ ਸੁਜ਼ੂਕੀ ਆਪਣੀ ਪ੍ਰਸਿੱਧ SUV ਬ੍ਰੇਜ਼ਾ ਦਾ ਫੇਸਲਿਫਟ ਮਾਡਲ ਲਾਂਚ ਕਰਨ ਦੀ ਵੱਡੀ ਤਿਆਰੀ ਕਰ ਰਹੀ ਹੈ। ਹਾਲ ਹੀ ਵਿੱਚ ਇਸ ਕਾਰ ਨੂੰ ਭਾਰਤ ਦੀਆਂ ਵੱਖ-ਵੱਖ ਸੜਕਾਂ 'ਤੇ ਟੈਸਟਿੰਗ ਕਰਦੇ ਹੋਏ ਦੇਖਿਆ ਗਿਆ ਹੈ। ਖਾਸ ਗੱਲ ਇਹ ਹੈ ਕਿ ਲੇਟੈਸਟ ਟੈਸਟਿੰਗ ਦੌਰਾਨ ਕਾਰ ਨੂੰ ਐਮੀਸ਼ਨ ਟੈਸਟਿੰਗ ਸੈੱਟਅੱਪ ਦੇ ਨਾਲ ਦੇਖਿਆ ਗਿਆ, ਜੋ ਇਸ ਦੇ ਇੰਜਣ ਵਿੱਚ ਵੱਡੇ ਬਦਲਾਅ ਵੱਲ ਇਸ਼ਾਰਾ ਕਰਦਾ ਹੈ।
ਨਵਾਂ ਇੰਜਣ ਅਤੇ ਪਾਵਰਟ੍ਰੇਨ
ਮੌਜੂਦਾ ਸਮੇਂ ਵਿੱਚ ਬ੍ਰੇਜ਼ਾ 1.5 ਲੀਟਰ ਦੇ ਕੁਦਰਤੀ ਤੌਰ 'ਤੇ ਐਸਪੀਰੇਟਿਡ ਇੰਜਣ ਨਾਲ ਆਉਂਦੀ ਹੈ। ਰਿਪੋਰਟਾਂ ਮੁਤਾਬਕ, ਫੇਸਲਿਫਟ ਮਾਡਲ ਵਿੱਚ ਕੰਪਨੀ 1.2 ਲੀਟਰ ਦਾ ਇੰਜਣ ਜਾਂ 1.0 ਲੀਟਰ ਦਾ ਟਰਬੋ ਪੈਟਰੋਲ ਇੰਜਣ ਦੇ ਸਕਦੀ ਹੈ। ਜੇਕਰ ਕੰਪਨੀ ਇਸ ਵਿੱਚ ਟਰਬੋ ਇੰਜਣ ਸ਼ਾਮਲ ਕਰਦੀ ਹੈ, ਤਾਂ ਇਹ ਸਿੱਧੇ ਤੌਰ 'ਤੇ ਹੁੰਡਈ ਵੇਨਿਊ ਅਤੇ ਟਾਟਾ ਨੈਕਸਨ ਵਰਗੀਆਂ ਕਾਰਾਂ ਨੂੰ ਟੱਕਰ ਦੇਵੇਗੀ। ਇਸ ਤੋਂ ਇਲਾਵਾ, ਨਵੀਂ ਬ੍ਰੇਜ਼ਾ ਵਿੱਚ 6-ਸਪੀਡ ਮੈਨੂਅਲ ਗੀਅਰਬਾਕਸ ਵੀ ਮਿਲਣ ਦੀ ਸੰਭਾਵਨਾ ਹੈ।
ਛੋਟਾ ਇੰਜਣ (1.2 ਲੀਟਰ) ਲਗਾਉਣ ਨਾਲ ਮਾਰੂਤੀ ਨੂੰ ਕਾਰ ਦੀ ਕੀਮਤ ਘੱਟ ਰੱਖਣ ਵਿੱਚ ਮਦਦ ਮਿਲੇਗੀ। ਸਰਕਾਰ ਵੱਲੋਂ 1.2 ਲੀਟਰ ਤੋਂ ਘੱਟ ਇੰਜਣ ਅਤੇ 4 ਮੀਟਰ ਤੋਂ ਛੋਟੀਆਂ ਕਾਰਾਂ 'ਤੇ GST ਦਰਾਂ ਘੱਟ ਰੱਖੀਆਂ ਗਈਆਂ ਹਨ, ਜਿਸ ਦਾ ਸਿੱਧਾ ਫਾਇਦਾ ਗਾਹਕਾਂ ਨੂੰ ਮਿਲ ਸਕਦਾ ਹੈ। ਮੌਜੂਦਾ 1.5 ਲੀਟਰ ਇੰਜਣ ਕਾਰਨ ਇਸ ਕਾਰ 'ਤੇ ਟੈਕਸ ਜ਼ਿਆਦਾ ਲੱਗ ਰਿਹਾ ਹੈ।
ਕਾਰ ਦੇ ਡਿਜ਼ਾਈਨ ਵਿੱਚ ਬਹੁਤ ਜ਼ਿਆਦਾ ਨਹੀਂ ਪਰ ਕੁਝ ਜ਼ਰੂਰੀ ਬਦਲਾਅ ਦੇਖਣ ਨੂੰ ਮਿਲ ਸਕਦੇ ਹਨ। ਸੂਤਰਾਂ ਮੁਤਾਬਕ, 2026 ਤੱਕ ਬ੍ਰੇਜ਼ਾ ਦਾ ਅਜਿਹਾ ਮਾਡਲ ਵੀ ਆ ਸਕਦਾ ਹੈ ਜਿਸ ਵਿੱਚ ਅੰਡਰਬਾਡੀ CNG ਟੈਂਕ ਹੋਵੇਗਾ, ਤਾਂ ਜੋ ਕਾਰ ਦੀ ਡਿੱਗੀ (space) ਵਿੱਚ ਕੋਈ ਕਮੀ ਨਾ ਆਵੇ।
ਮਾਰੂਤੀ ਸੁਜ਼ੂਕੀ ਨੇ ਹਾਲ ਹੀ ਵਿੱਚ 24 ਲੱਖ ਗੱਡੀਆਂ ਵੇਚ ਕੇ ਇੱਕ ਨਵਾਂ ਰਿਕਾਰਡ ਵੀ ਬਣਾਇਆ ਹੈ, ਜਿਸ ਵਿੱਚ ਸਵਿਫਟ ਅਤੇ ਬ੍ਰੇਜ਼ਾ ਵਰਗੀਆਂ ਕਾਰਾਂ ਦਾ ਵੱਡਾ ਯੋਗਦਾਨ ਰਿਹਾ ਹੈ।
Apple ਜਾਣਬੁੱਝ ਕੇ ਸਲੋਅ ਕਰ ਰਿਹਾ ਹੈ ਤੁਹਾਡਾ iPhone ! ਸਾਬਕਾ ਇੰਜੀਨੀਅਰ ਦੇ ਖੁਲਾਸੇ ਨੇ ਮਚਾਇਆ ਹੰਗਾਮਾ
NEXT STORY 
