ਗੈਜੇਟ ਡੈਸਕ– ਆਮ ਯੂਜ਼ਰਜ਼ ਦੀਆਂ ਨਿੱਜੀ ਜਾਣਕਾਰੀਆਂ ’ਤੇ ਤਾਂ ਹੈਕਰਾਂ ਦੀ ਨਜ਼ਰ ਹਮੇਸ਼ਾ ਬਣੀ ਹੀ ਰਹਿੰਦੀ ਹੈ ਪਰ ਹੁਣ ਵੱਡੀਆਂ ਟੈਕਨਾਲੋਜੀ ਕੰਪਨੀਆਂ ਨੂੰ ਵੀ ਵਾਇਰਸ (ਬਗ) ਅਤੇ ਮਾਲਵੇਅਰ ਅਟੈਕ ਦਾ ਸਾਹਮਣੇ ਕਰਨਾ ਪੈ ਰਿਹਾ ਹੈ। ਮਾਲਵੇਅਰ ਅਤੇ ਵਾਇਰਸ ਤੋਂ ਖੁਦ ਨੂੰ ਬਚਾਉਣ ਲਈ ਕੰਪਨੀਆਂ ਜ਼ਰੂਰੀ ਕਦਮ ਤਾਂ ਚੁੱਕਦੀਆਂ ਹਨ ਪਰ ਹੈਕਰ ਵੀ ਕਾਫੀ ਸਮਾਰਟ ਹੋ ਗਏ ਹਨ ਅਤੇ ਕੰਪਨੀਆਂ ਦੇ ਸਕਿਓਰਿਟੀ ਸਿਸਟਮ ’ਚ ਚੋਰੀ ਕਰ ਲੈਂਦੇ ਹਨ। ਤਾਜ਼ਾ ਮਾਮਲੇ ’ਚ ਪ੍ਰਸਿੱਧ ਇੰਟਰਨੈੱਟ ਬ੍ਰਾਊਜ਼ਰ Mozilla Firefox ਇਕ ਖਤਰਨਾਕ ਬਗ ਦਾ ਸ਼ਿਕਾਰ ਹੋਇਆ ਹੈ। ਇਹ ਬਗ ਮੋਜ਼ਿਲਾ ਫਾਇਰਫਾਕਸ ਇਸਤੇਮਾਲ ਕਰਨ ਵਾਲੇ ਵਿੰਡੋਜ਼ ਜਾਂ ਮੈਕ ਪੀਸੀ ਦੀ ਸਕਰੀਨ ਨੂੰ ਫ੍ਰੀਜ਼ (ਜਾਮ) ਕਰ ਰਿਹਾ ਹੈ।
ਬ੍ਰਾਊਜ਼ਰ ਹੋ ਜਾਂਦਾ ਹੈ ਲੌਕ
Ars Technica ਦੀ ਇਕ ਰਿਪੋਰਟ ਮੁਤਾਬਕ, ਇਹ ਬਗ ਵੈੱਬਸਾਈਟਾਂ ਰਾਹੀਂ ਕੰਪਿਊਟਰ ਤੱਕ ਪਹੁੰਚ ਕੇ ਸਕਰੀਨ ਨੂੰ ਫ੍ਰੀਜ਼ ਕਰ ਰਿਹਾ ਹੈ। ਸਕੈਮਰ ਇਸ ਬਗ ਰਾਹੀਂ ਸਕਰੀਨ ’ਤੇ ਇਕ ਮੈਸੇਜ ਦਿਖਾ ਕੇ ਬ੍ਰਾਊਜ਼ਰ ਨੂੰ ਲੌਕ ਕਰ ਦਿੰਦੇ ਹੋ। ਇਸ ਫਰਜ਼ੀ ਮੈਸੇਜ ’ਚ ਯੂਜ਼ਰਜ਼ ਨੂੰ ਚਿਤਾਵਨੀ ਦਿੱਤੀ ਜਾਂਦੀ ਹੈ ਕਿ ਉਨ੍ਹਾਂ ਨੂੰ ਡਿਵਾਈਸ ਪਾਈਰੇਟਿਡ ਵਰਜ਼ਨ ’ਤੇ ਕੰਮ ਕਰ ਰਿਹਾ ਹੈ। ਓਰਿਜਨਲ ਵਰਜ਼ਨ ਲਈ ਯੂਜ਼ਰਜ਼ ਨੂੰ ਇਕ ਨੰਬਰ ’ਤੇ ਕਾਲ ਕਰਨ ਲਈ ਕਿਹਾ ਜਾਂਦਾ ਹੈ। ਅਜਿਹਾ ਨਾ ਕਰਨ ’ਤੇ ਡਿਵਾਈਸ ਨੂੰ ਰਿਮੋਟਲੀ ਡਿਸੇਬਲ ਕਰਨ ਦੀ ਗੱਲ ਕਹੀ ਜਾ ਰਹੀ ਹੈ।
ਮੈਸੇਜ ’ਚ ਯੂਜ਼ਰਜ਼ ਨੂੰ ਡਰਾਊਨ ਦੀ ਕੋਸ਼ਿਸ਼
ਇਸ ਮੈਸੇਜ ’ਚ ਕਿਹਾ ਜਾਂਦਾ ਹੈ ਕਿ ‘ਕ੍ਰਿਪਾ ਕਰਕੇ ਰੁਕੋ ਅਤੇ ਪੀਸੀ ਨੂੰ ਬੰਦ ਨਾ ਕਰੋ। ਤੁਹਾਡੇ ਕੰਪਿਊਟਰ ਦੀ ਰਜਿਸਟਰੀ ਕੀਅ ਲੌਕ ਹੋ ਚੁੱਕੀ ਹੈ। ਅਸੀਂ ਤੁਹਾਡਾ ਕੰਪਿਊਟਰ ਕਿਊਂ ਬਲੌਕ ਕੀਤਾ? ਤੁਹਾਡੀ ਵਿੰਡੋਜ਼ ਰਜਿਸਟਰੀ ਕੀਅ ਗੈਰਕਾਨੂੰਨੀ ਹੈ। ਇਹ ਵਿੰਡੋਜ਼ ਡੈਸਕਟਾਪ ਪਾਈਰੇਟਿਡ ਸਾਫਟਵੇਅਰ ਦਾ ਇਸਤੇਮਾਲ ਕਰ ਰਿਹਾ ਹੈ। ਇਹ ਵਿੰਡੋਜ਼ ਡੈਸਕਟਾਪ ਇੰਟਰਨੈੱਟ ’ਤੇ ਵਾਇਰਸ ਭੇਜ ਰਿਹਾ ਹੈ। ਇਹ ਵਿੰਡੋ ਡੈਸਕਟਾਪ ਹੈਕ ਹੋ ਚੁੱਕਾ ਹੈ। ਅਸੀਂ ਤੁਹਾਡੀ ਸੁਰੱਖਿਆ ਲਈ ਇਸ ਕੰਪਿਊਟਰ ਨੂੰ ਬਲੌਕ ਕਰ ਰਹੇ ਹਾਂ। ਆਪਣੇ ਕੰਪਿਊਟਰ ਨੂੰ ਬਲੌਕ ਹੋਣ ਤੋਂ ਬਚਾਉਣ ਲਈ ਸਾਨੂੰ 5 ਮਿੰਟ ਦੇ ਅੰਦਰ ਕਾਲ ਕਰੋ।’ ਇਸ ਮੈਸੇਜ ਤੋਂ ਬਾਅਦ ਯੂਜ਼ਰਜ਼ ਨੂੰ ਸਕਰੀਨ ’ਤੇ ਇਕ ਨੰਬਰ ਦਿੱਤਾ ਜਾਂਦਾ ਹੈ ਜਿਸ ’ਤੇ ਉਨ੍ਹਾਂ ਨੂੰ ਕਾਲ ਕਰਨ ਲਈ ਕਿਹਾ ਜਾ ਰਿਹਾ ਹੈ।
ਟੈਬ ਨੂੰ ਨਹੀਂ ਕਰ ਸਕਦੇ ਬੰਦ
ਜੇਕਰ ਤੁਸੀਂ ਇਸ ਬਗ ਨਾਲ ਪ੍ਰਭਾਵਿਤ ਵੈੱਬਸਾਈਟ ’ਤੇ ਹੋ ਅਤੇ ਤੁਹਨੂੰ ਇਹ ਮੈਸੇਜ ਮਿਲਦਾ ਹੈ ਤਾਂ ਤੁਸੀਂ ਇਸ ਨੂੰ ਬੰਦ ਨਹੀਂ ਕਰ ਸਕਦੇ। ਜੇਕਰ ਤੁਸੀਂ ਟੈਬ ਨੂੰ ਹੀ ਬੰਦ ਕਰਨ ਦੀ ਕੋਸ਼ਿਸ਼ ਕਰੋਗੇ ਤਾਂ ਇਕ ਡਾਇਲੌਗ ਬਾਕਸ ਪਾਪ-ਅਪ ਹੋਵੇਗਾ। ਡਾਇਲੌਗ ਬਾਕਸ ’ਚ ਦਿੱਤਾ ਗਿਆ ਮੈਸੇਜ ਇਸ ਤਰ੍ਹਾਂ ਹੈ- ‘ਤੁਸੀਂ xyz ਵੈੱਬਸਾਈਟ ’ਚ ਯੂਜ਼ਰਨੇਮ ਐਡਮਿਨ ਦੇ ਨਾਲ ਲਾਗ ਇਨ ਕਰਨ ਵਾਲੇ ਹੋ ਜਿਥੇ ਤੁਹਾਨੂੰ OK ਅਤੇ Cancel ਦਾ ਆਪਸ਼ਨ ਮਿਲੇਗਾ। ਕੈਂਸਿਲ ’ਤੇ ਕਲਿੱਕ ਕਰਨ ਨਾਲ ਕੁਝ ਨਹੀਂ ਹੋਵੇਗਾ ਅਤੇ OK ’ਤੇ ਕਲਿੱਕ ਕਰਨ ਤੋਂ ਬਾਅਦ ਵੈੱਬਸਾਈਟ ’ਚ ਲਾਗ ਇਨ ਕਰਨ ਲਈ ਤੁਹਾਨੂੰ ਯੂਜ਼ਰਨੇਮ ਅਤੇ ਪਾਸਵਰਡ ਐਂਟਰ ਕਰਨਾ ਹੋਵੇਗਾ।
ਮੋਜ਼ਿਲਾ ਫਾਇਰਫਾਕਸ ਨੇ ਦਿੱਤਾ ਬਿਆਨ
ਮੋਜ਼ਿਲਾ ਫਾਇਰਫਾਕਸ ਦਾ ਕਹਿਣਾ ਹੈ ਕਿ ਜੇਕਰ ਯੂਜ਼ਰਜ਼ ਇਸ ਸਥਿਤੀ ’ਚ ਫੱਸ ਜਾਂਦੇ ਹਨ ਤਾਂ ਉਨ੍ਹਾਂ ਨੂੰ ਤੁਰੰਤ ਆਪਣੇ ਪੀਸੀ ਨੂੰ ਕਲੋਜ਼ ਫੀਚਰ ਰਾਹੀਂ ਬੰਦ ਕਰਨਾ ਹੋਵੇਗਾ। ਯੂਜ਼ਰਜ਼ ਨੂੰ ਧਿਆਨ ਦੇਣਾ ਹੋਵੇਗਾ ਕਿ ਜੇਕਰ ਉਹ ਸਿਸਟਮ ਨੂੰ ਬੰਦ ਕਰ ਦਿੰਦੇ ਹਨ ਤਾਂ ਦੁਬਾਰਾ ਖੋਲਣ ’ਤੇ ਉਨ੍ਹਾਂ ਨੂੰ ਬਗ ਵਾਲਾ ਮੈਸੇਜ ਦਿਖਾਈ ਦੇਵੇਗਾ। ਅਜਿਹਾ ਇਸ ਲਈ ਹੋਵੇਗਾ ਕਿਉਂਕਿ ਯੂਜ਼ਰਜ਼ ਨੇ ਟੈਬ ’ਚ ਰੀਓਪਨ ਟੈਬ ਵਾਲੇ ਫੀਚਰ ਨੂੰ ਐਕਟਿਵੇਟ ਕੀਤਾ ਹੋਵੇਗਾ। ਇਸ ਬਗ ਤੋਂ ਬਚਣ ਲਈ ਰੀਓਪਨ ਵਾਲੇ ਫੀਚਰ ਨੂੰ ਬੰਦ ਰੱਖਣਾ ਪਵੇਗਾ।
ਅੱਜ ਆਏਗੀ PUBG Mobile ਦੀ ਨਵੀਂ ਅਪਡੇਟ, ਮਿਲਣਗੇ ਨਵੇਂ ਹਥਿਆਰ
NEXT STORY 
