ਗੈਜੇਟ ਡੈਸਕ– ਫਰਵਰੀ ਦੇ ਪਹਿਲੇ ਹਫਤੇ OnePlus 11 ਦੀ ਭਾਰਤ ’ਚ ਲਾਂਚਿੰਗ ਹੋਣ ਵਾਲੀ ਹੈ। OnePlus 11 ਦੇ ਨਾਲ ਕੰਪਨੀ ਆਪਣਾ ਇਕ ਨਵਾਂ ਈਅਰਬਡਸ ਵੀ ਪੇਸ਼ ਕਰਨ ਵਾਲੀ ਹੈ ਜੋ ਕਿ ਗੂਗਲ ਦੇ ਸਪੈਸ਼ਲ ਆਡੀਓ ਦੇ ਨਾਲ ਆਉਣ ਵਾਲਾ ਪਹਿਲਾ ਈਅਰਬਡਸ ਹੋਵੇਗਾ। OnePlus 11 ਦੀ ਕੀਮਤ ਲਾਂਚਿੰਗ ਤੋਂ ਪਹਿਲਾਂ ਲੀਕ ਹੋ ਗਈ ਹੈ। ਲੀਕ ਕੀਮਤ ਦੇ ਲਿਹਾਜ ਨਾਲ ਕਿਹਾ ਜਾ ਰਿਹਾ ਹੈ ਕਿ OnePlus 11, ਸਨੈਪਡ੍ਰੈਗਨ 8 Gen 1 ਪ੍ਰੋਸੈਸਰ ਵਾਲਾ ਭਾਰਤ ਦਾ ਸਭ ਤੋਂ ਸਸਤਾ ਫੋਨ ਹੋਵੇਗਾ।
OnePlus 11 ਦਾ ਮੁਕਾਬਲਾ iQOO 11 5G ਨਾਲ ਹੋਵੇਗਾ ਜਿਸਨੂੰ ਹਾਲ ਹੀ ’ਚ 59,999 ਰੁਪਏ ਦੀ ਕੀਮਤ ’ਤੇ ਲਾਂਚ ਕੀਤਾ ਗਿਆ ਹੈ। ਵਨਪਲੱਸ 11 ਦੀ ਸ਼ੁਰੂਆਤੀ ਕੀਮਤ 54,999 ਰੁਪਏ ਦੱਸੀ ਜਾ ਰਹੀ ਹੈ। ਕਿਹਾ ਜਾ ਰਿਹਾ ਹੈ ਕਿ ਇਸ ਕੀਮਤ ’ਚ ਬੇਸ ਵੇਰੀਐਂਟ ਯਾਨੀ 12 ਜੀ.ਬੀ. ਰੈਮ ਦੇ ਨਾਲ 256 ਜੀ.ਬੀ. ਸਟੋਰੇਜ ਵਾਲਾ ਵੇਰੀਐਂਟ ਮਿਲੇਗਾ। ਫੋਨ ਨੂੰ 16 ਜੀ.ਬੀ. ਰੈਮ+512 ਜੀ.ਬੀ. ਸਟੋਰੇਜ ’ਚ ਵੀ ਪੇਸ਼ ਕੀਤਾ ਜਾਵੇਗਾ ਜਿਸਦੀ ਕੀਮਤ 66,999 ਰੁਪਏ ਦੇ ਕਰੀਬ ਹੋ ਸਕਦੀ ਹੈ। ਵਨਪਲੱਸ 11 ਨੂੰ ਇਸੇ ਮਹੀਨੇ ਦੀ ਸ਼ੁਰੂਆਤ ’ਚ ਚੀਨ ’ਚ ਲਾਂਚਕੀਤਾ ਗਿਆਸੀ।
OnePlus 11 5G ਦੇ ਫੀਚਰਜ਼
OnePlus 11 5G ਦੇ ਨਾਲ ਸਟੇਨਲੈੱਸ ਸਟੀਲ ਕੈਮਰਾ ਮਾਡਿਊਲ ਦਿੱਤਾ ਗਿਆ ਹੈ। ਪਹਿਲੀ ਵਾਰ ਵਨਪਲੱਸ ਦੇ ਕਿਸੇ ਫੋਨ ’ਚ ਇਸ ਤਰ੍ਹਾਂ ਦਾ ਕੈਮਰਾ ਸੈੱਟਅਪ ਹੈ, ਹਾਲਾਂਕਿ ਇਸਦਾ ਡਿਜ਼ਾਈਨ ਕਾਫੀ ਹੱਦ ਤਕ Vivo X80 Pro ਨਾਲ ਮਿਲਦਾ ਹੈ। ਵਨਪਲੱਸ 11 5ਜੀ ’ਚ 6.7 ਇੰਚ ਦੀ 2ਕੇ ਰੈਜ਼ੋਲਿਊਸ਼ਨ ਵਾਲੀ ਡਿਸਪਲੇਅ ਹੈ ਜਿਸਦਾ ਰਿਫ੍ਰੈਸ਼ ਰੇਟ 120hz ਹੈ। ਡਿਸਪਲੇਅ ਦਾ ਪੈਨਲ ਐਮੋਲੇਡ LTPO 3.0 ਹੈ। ਫੋਨ ’ਚ ਸੈਪਡ੍ਰੈਗਨ 8 Gen 2 ਪ੍ਰੋਸੈਸਰ ਹੈ। ਫੋਨ ’ਚ 16 ਜੀ.ਬੀ. ਤਕ ਰੈਮ ਅਤੇ 256 ਜੀ.ਬੀ. ਤਕ ਦੀ ਸਟੋਰੇਜ ਹੈ।
ਫੋਨ ’ਚ ਤਿੰਨ ਰੀਅਰ ਕੈਮਰੇ ਹਨ ਜਿਨ੍ਹਾਂ ’ਚ ਪ੍ਰਾਈਮਰੀ ਲੈੱਨਜ਼ 50 ਮੈਗਾਪਿਕਸਲ ਦਾ Sony IMX890 ਸੈਂਸਰ ਹੈ। ਦੂਜਾ ਲੈੱਨਜ਼ 32 ਮੈਗਾਪਿਕਸਲ ਦਾ Sony IMX709 ਟੈਲੀਫੋਟੋ ਪੋਟ੍ਰੇਟ ਲੈੱਨਜ਼ ਅਤੇ ਤੀਜਾ ਲੈੱਨਜ਼ 48 ਮੈਗਾਪਿਕਸਲ ਦਾ Sony IMX581 ਅਲਟਰਾ ਵਾਈਡ ਐਂਗਲ ਹੈ। ਫੋਨ ਦੇ ਨਾਲ Hasselblad ਦੀ ਬ੍ਰਾਂਡਿੰਗ ਵੀ ਹੈ। ਫੋਨ ’ਚ ਐਂਡਰਾਇਡ 13 ਦੇ ਨਾਲ ColorOS 13 ਮਿਲੇਗਾ।
ਫੋਨ ਦੇ ਨਾਲ ਵਾਇਰਲੈੱਸ ਚਾਰਜਿੰਗ ਦਾ ਸਪੋਰਟ ਨਹੀਂ ਹੈ। ਵਾਟਰ ਰੈਸਿਸਟੈਂਟ ਲਈ ਇਸਨੂੰ IP68 ਦੀ ਰੇਟਿੰਗ ਮਿਲੀ ਹੈ। ਫੋਨ ’ਚ 5,000mAh ਦੀ ਬੈਟਰੀ ਹੈ ਜਿਸਦੇ ਨਾਲ 100W ਵਾਇਰ ਚਾਰਜਿੰਗ ਦਾ ਸਪੋਰਟ ਹੈ।
ਆਪਣੇ ਹੀ ਜਾਲ ’ਚ ਫਸੇ ‘ਏਲਨ ਮਸਕ’, ਹੁਣ ਟਵਿਟਰ ’ਤੇ ਨਹੀਂ ਬਦਲ ਪਾ ਰਹੇ ਆਪਣਾ ਨਾਂ
NEXT STORY 
