ਗੈਜੇਟ ਡੈਸਕ– ਟੈਲੀਕਾਮ ਕੰਪਨੀ ਵੋਡਾਫੋਨ-ਆਈਡੀਆ ਆਪਣੇ ਗਾਹਕਾਂ ਨੂੰ ਕਈ ਸ਼ਾਨਦਾਰ ਪਲਾਨ ਆਫਰ ਕਰ ਰਹੀ ਹੈ। ਕੰਪਨੀ ਕੋਲ ਕੁਝ ਅਜਿਹੇ ਪਲਾਨ ਵੀ ਹਨ ਜਿਨ੍ਹਾਂ ’ਚ ਗਾਹਕਾਂ ਨੂੰ ਡਬਲ ਡਾਟਾ ਦਾ ਫਾਇਦਾ ਮਿਲਦਾ ਹੈ। ਇਨ੍ਹਾਂ ਪਲਾਨਾਂ ’ਚ ਕੰਪਨੀ ਰੋਜ਼ਾਨਾ 2 ਜੀ.ਬੀ. ਡਾਟਾ ਦੇ ਨਾਲ 2 ਜੀ.ਬੀ. ਵਾਧੂ ਡਾਟਾ ਯਾਨੀ ਕੁਲ 4 ਜੀ.ਬੀ. ਡਾਟਾ ਆਫਰ ਕਰ ਰਹੀ ਹੈ। ਇਸ ਤੋਂ ਇਲਾਵਾ ਇਨ੍ਹਾਂ ਪਲਾਨਾਂ ’ਚ ਅਨਲਿਮਟਿਡ ਕਾਲਿੰਗ, ਰੋਜ਼ਾਨਾ ਮੁਫਤ ਐੱਸ.ਐੱਮ.ਐੱਸ. ਦੇ ਨਾਲ ਕਈ ਐਡੀਸ਼ਨਲ ਫਾਇਦੇ ਵੀ ਦਿੱਤੇ ਜਾ ਰਹੇ ਹਨ। ਆਓ ਵਿਸਤਾਰ ਨਾਲ ਜਾਣਦੇ ਹਾਂ ਇਨ੍ਹਾਂ ਪਲਾਨਾਂ ਬਾਰੇ।
299 ਰੁਪਏ ਵਾਲਾ ਪਲਾਨ
28 ਦਿਨਾਂ ਦੀ ਮਿਆਦ ਨਾਲ ਆਉਣ ਵਾਲੇ ਇਸ ਪਲਾਨ ’ਚ ਤੁਹਾਨੂੰ ਰੋਜ਼ਾਨਾ 4 ਜੀ.ਬੀ. ਡਾਟਾ ਮਿਲੇਗਾ। ਪਲਾਨ ’ਚ ਦੇਸ਼ ਭਰ ’ਚ ਕਿਸੇ ਵੀ ਨੈੱਟਵਰਕ ਲਈ ਅਨਲਿਮਟਿਡ ਕਾਲਿੰਗ ਦਿੱਤੀ ਜਾ ਰਹੀ ਹੈ। ਰੋਜ਼ਾਨਾ 100 ਮੁਫਤ ਐੱਸ.ਐੱਮ.ਐੱਸ. ਆਫਰ ਕਰਨ ਵਾਲੇ ਇਸ ਪਲਾਨ ’ਚ ਤੁਹਾਨੂੰ ਬਿੰਜ਼ ਆਲ ਨਾਈਟ ਅਤੇ ਵੀਕੈਂਡ ਡਾਟਾ ਰੋਲਓਵਰ ਦਾ ਵੀ ਫਾਇਦਾ ਮਿਲਦਾ ਹੈ। ਇਸ ਤੋਂ ਇਲਾਵਾ ਪਲਾਨ ’ਚ Vi Movies & TV ਐਪ ਦਾ ਵੀ ਮੁਫ਼ਤ ਸਬਸਕ੍ਰਿਪਸ਼ਨ ਮਿਲਦਾ ਹੈ।
449 ਰੁਪਏ ਵਾਲਾ ਪਲਾਨ
ਇਸ ਪਲਾਨ ’ਚ ਵੀ ਕੰਪਨੀ ਰੋਜ਼ਾਨਾ 4 ਜੀ.ਬੀ. ਡਾਟਾ ਦਿੰਦੀ ਹੈ. ਪਲਾਨ ਦੀ ਖਾਸੀਅਤ ਹੈ ਕਿ ਇਸ ਵਿਚ 56 ਦਿਨਾਂ ਦੀ ਮਿਆਦ ਅਤੇ ਦੇਸ਼ ਭਰ ’ਚ ਕਿਸੇ ਵੀ ਨੈੱਟਵਰਕ ਲਈ ਅਨਲਿਮਟਿਡ ਕਾਲਿੰਗ ਦੀ ਵੀ ਸੁਵਿਧਾ ਮਿਲ ਜਾਂਦੀ ਹੈ। ਰੋਜ਼ਾਨਾ 100 ਮੁਫਤ ਐੱਸ.ਐੱਮ.ਐੱਸ. ਵਾਲੇ ਇਸ ਪਲਾਨ ’ਚ ਐਡੀਸ਼ਨਲ ਫਾਇਦਿਆਂ ਦੇ ਤੌਰ ’ਤੇ ਬਿੰਜ਼ ਆਲ ਨਾਈਟ ਅਤੇ ਵੀਕੈਂਡ ਡਾਟਾ ਰੋਲਓਵਰ ਵੀ ਦਿੱਤਾ ਜਾ ਰਿਹਾ ਹੈ। ਪਲਾਨ ਦੇ ਸਬਸਕ੍ਰਾਈਬਰਾਂ ਨੂੰ Vi Movies & TV ਐਪ ਦਾ ਮੁਫ਼ਤ ਐਕਸੈਸ ਮਿਲਦਾ ਹੈ।
699 ਰੁਪਏ ਵਾਲਾ ਪਲਾਨ
84 ਦਿਨਾਂ ਦੀ ਮਿਆਦ ਵਾਲੇ ਇਸ ਪਲਾਨ ’ਚ ਵੀ ਤੁਹਾਨੂੰ 2 ਜੀ.ਬੀ. ਰੋਜ਼ਾਨਾ ਡਾਟਾ ਦੇ ਨਾਲ 2 ਜੀ.ਬੀ. ਵਾਧੂ ਡਾਟਾ ਮਿਲੇਗਾ। ਬਿੰਜ਼ ਆਲ ਨਾਈਟ ਅਤੇ ਵੀਕੈਂਡ ਡਾਟਾ ਰੋਲਓਵਰ ਫਾਇਦਿਆਂ ਵਾਲੇ ਇਸ ਪਲਾਨ ’ਚ ਕਿਸੇ ਵੀ ਨੈੱਟਵਰਕ ਲਈ ਅਨਲਿਮਟਿਡ ਕਾਲਿੰਗ ਦਿੱਤੀ ਜਾ ਰਹੀ ਹੈ। ਰੋਜ਼ਾਨਾ 100 ਐੱਸ.ਐੱਮ.ਐੱਸ. ਵਾਲੇ ਇਸ ਪਲਾਨ ’ਚ ਗਾਹਕਾਂ ਨੂੰ Vi Movies & TV ਐਪਸ ਦਾ ਵੀ ਮੁਫਤ ਸਬਸਕ੍ਰਿਪਸ਼ਨ ਮਿਲਦਾ ਹੈ।
20 ਅਪ੍ਰੈਲ ਨੂੰ ਹੋਵੇਗਾ ਐਪਲ ਦਾ ਈਵੈਂਟ, ਲਾਂਚ ਹੋ ਸਕਦੈ ਨਵਾਂ ਆਈਪੈਡ
NEXT STORY 
