ਵਾਸ਼ਿੰਗਟਨ (ਏਐਨਆਈ): ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਸਰਕਾਰੀ ਵੀ.ਆਈ.ਪੀ. ਜਹਾਜ਼ 'ਏਅਰ ਫੋਰਸ ਵਨ' (Air Force One) ਚੀਨ ਦੇ ਸ਼ੇਨਜ਼ੇਨ ਸ਼ਹਿਰ ਤੋਂ ਵਾਸ਼ਿੰਗਟਨ ਡੀ.ਸੀ. ਨੇੜੇ ਜੋਇੰਟ ਬੇਸ ਐਂਡਰਿਊਜ਼ ਤੱਕ ਬਿਨਾਂ ਕਿਸੇ ਰੀਫਿਊਲਿੰਗ ਦੇ ਸਿੱਧੀ ਅਤੇ ਰਿਕਾਰਡ ਤੋੜ ਉਡਾਣ ਭਰ ਕੇ ਅਮਰੀਕਾ ਪਹੁੰਚਿਆ। ਅਮਰੀਕੀ ਸਮੇਂ ਅਨੁਸਾਰ ਵੀਰਵਾਰ ਰਾਤ 8:01 ਵਜੇ ਲੈਂਡ ਕਰਨ ਵਾਲੀ ਇਸ ਲਗਭਗ 15 ਘੰਟਿਆਂ ਦੀ ਸਿੱਧੀ ਉਡਾਣ ਨੇ ਰਾਸ਼ਟਰਪਤੀ ਹਵਾਈ ਯਾਤਰਾ ਦੇ ਇਤਿਹਾਸ ਵਿੱਚ ਸਭ ਤੋਂ ਲੰਬੀ ਨਿਰੰਤਰ ਉਡਾਣ ਦਾ ਨਵਾਂ ਰਿਕਾਰਡ ਕਾਇਮ ਕੀਤਾ ਹੈ।
ਯਾਤਰਾ ਦੌਰਾਨ ਜਾਰੀ ਕੀਤੇ ਗਏ ਅਧਿਕਾਰਤ ਫਲਾਈਟ ਕਾਰਡ ਅਨੁਸਾਰ, VC-25B ਜਹਾਜ਼ ਨੇ ਅਮਰੀਕੀ ਏਅਰ ਫੋਰਸ ਦੇ ਇਤਿਹਾਸ ਵਿੱਚ ਸਭ ਤੋਂ ਭਾਰੀ ਟੇਕ-ਆਫ਼ ਕੀਤਾ, ਜਿਸ ਦਾ ਵਜ਼ਨ ਲਗਭਗ 10 ਲੱਖ ਪੌਂਡ ਸੀ। ਇਸ ਦੇ ਨਾਲ ਹੀ ਇਸ ਜਹਾਜ਼ ਨੇ ਲਗਭਗ 15 ਘੰਟਿਆਂ ਦੀ ਸਭ ਤੋਂ ਲੰਬੀ ਨਿਰੰਤਰ 'ਏਅਰ ਫੋਰਸ ਵਨ' ਉਡਾਣ ਦਾ ਰਿਕਾਰਡ ਵੀ ਆਪਣੇ ਨਾਂ ਕੀਤਾ। ਇਹ ਜਹਾਜ਼ 33,000 ਫੁੱਟ ਦੀ ਉੱਚਾਈ ਅਤੇ 500 ਨੌਟਸ ਦੀ ਔਸਤ ਰਫ਼ਤਾਰ ਨਾਲ ਸ਼ੰਘਾਈ (ਚੀਨ), ਟੋਕੀਓ (ਜਾਪਾਨ), ਸ਼ੇਮਯਾ (ਅਲਾਸਕਾ), ਵਿਨੀਪੈਗ (ਕੈਨੇਡਾ) ਅਤੇ ਕਲੀਵਲੈਂਡ (ਓਹੀਓ) ਦੇ ਰੂਟ ਤੋਂ ਹੁੰਦਾ ਹੋਇਆ ਅਮਰੀਕਾ ਪਹੁੰਚਿਆ।

ਪੜ੍ਹੋ ਇਹ ਅਹਿਮ ਖ਼ਬਰ- ਭਾਰਤੀ ਜਹਾਜ਼ਾਂ ਲਈ ਬੰਦ ਰਹਿਣਗੇ ਪਾਕਿ ਹਵਾਈ ਖੇਤਰ ! ਹੋਇਆ ਕਰੋੜਾਂ ਰੁਪਏ ਦਾ ਨੁਕਸਾਨ
ਜਹਾਜ਼ ਵਿੱਚ ਮੌਜੂਦ ਵ੍ਹਾਈਟ ਹਾਊਸ ਦੀ ਸੰਚਾਰ ਸਹਾਇਕ ਮਾਰਗੋ ਮਾਰਟਿਨ ਨੇ ਸਫ਼ਰ ਕਰ ਰਹੇ ਪ੍ਰੈੱਸ ਪੂਲ ਦੇ ਮੈਂਬਰਾਂ ਨੂੰ ਰਾਸ਼ਟਰਪਤੀ ਟਰੰਪ ਦੇ ਸੋਨੇ ਦੇ ਅੱਖਰਾਂ ਵਾਲੇ ਦਸਤਖ਼ਤਾਂ ਵਾਲਾ ਕਾਲਾ ਸ਼ਾਰਪੀ ਪੈੱਨ ਅਤੇ 19 ਨਵੰਬਰ 2026 ਦੀ ਤਾਰੀਖ਼ ਵਾਲਾ ਇੱਕ ਯਾਦਗਾਰੀ ਫਲਾਈਟ ਕਾਰਡ ਭੇਟ ਕੀਤਾ। ਵ੍ਹਾਈਟ ਹਾਊਸ ਦੇ ਸੰਚਾਰ ਨਿਰਦੇਸ਼ਕ ਸਟੀਵਨ ਚੇਂਗ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' (X) 'ਤੇ ਪੋਸਟ ਪਾ ਕੇ ਇਸ ਨੂੰ "ਇੱਕ ਇਤਿਹਾਸਕ ਰਾਸ਼ਟਰਪਤੀ ਲਈ ਇਤਿਹਾਸਕ ਯਾਤਰਾ" ਕਰਾਰ ਦਿੱਤਾ।
'ਏਅਰ ਫੋਰਸ ਵਨ' ਦੀ ਇਹ ਇਤਿਹਾਸਕ ਉਡਾਣ ਸ਼ੇਨਜ਼ੇਨ ਵਿੱਚ ਆਯੋਜਿਤ 'ਏਸ਼ੀਆ-ਪੈਸੀਫਿਕ ਇਕਨਾਮਿਕ ਕਾਰਪੋਰੇਸ਼ਨ' (APEC) ਸ਼ਿਖਰ ਸੰਮੇਲਨ ਦੌਰਾਨ ਅਮਰੀਕਾ, ਰੂਸ ਅਤੇ ਚੀਨ ਦੇ ਨੇਤਾਵਾਂ ਵਿਚਾਲੇ ਹੋਈ ਪਹਿਲੀ ਇਤਿਹਾਸਕ ਤਿਕੋਣੀ ਬੈਠਕ ਤੋਂ ਬਾਅਦ ਹੋਈ ਹੈ। ਇਸ ਸੰਮੇਲਨ ਵਿੱਚ ਪੱਛਮੀ ਏਸ਼ੀਆ ਅਤੇ ਯੂਕਰੇਨ ਦੇ ਸੰਘਰਸ਼ਾਂ, ਪਰਮਾਣੂ ਹਥਿਆਰਾਂ ਦੀ ਕਟੌਤੀ, ਅੰਤਰਰਾਸ਼ਟਰੀ ਸੁਰੱਖਿਆ ਅਤੇ ਊਰਜਾ ਸਹਿਯੋਗ ਵਰਗੇ ਗੰਭੀਰ ਮੁੱਦਿਆਂ 'ਤੇ ਚਰਚਾ ਕੀਤੀ ਗਈ। ਐਲਾਨਨਾਮੇ ਵਿੱਚ ਤਿੰਨਾਂ ਨੇਤਾਵਾਂ ਨੇ ਦੁਹਰਾਇਆ ਕਿ "ਪਰਮਾਣੂ ਯੁੱਧ ਜਿੱਤਿਆ ਨਹੀਂ ਜਾ ਸਕਦਾ ਅਤੇ ਇਹ ਕਦੇ ਨਹੀਂ ਲੜਿਆ ਜਾਣਾ ਚਾਹੀਦਾ"। ਇਸ ਤੋਂ ਇਲਾਵਾ ਪਰਮਾਣੂ ਜੋਖਮਾਂ ਨੂੰ ਘਟਾਉਣ, ਊਰਜਾ ਦੀ ਨਿਰੰਤਰ ਸਪਲਾਈ ਬਣਾਏ ਰੱਖਣ, ਸੰਯੁਕਤ ਰਾਸ਼ਟਰ (UN) ਵਿੱਚ ਸੁਧਾਰ ਕਰਨ ਅਤੇ ਅੰਤਰਰਾਸ਼ਟਰੀ ਅਪਰਾਧਿਕ ਅਦਾਲਤ (ICC) ਵਰਗੀਆਂ ਸੰਸਥਾਵਾਂ ਦੁਆਰਾ ਆਪਣੇ ਅਧਿਕਾਰ ਖੇਤਰ ਦੀ ਦੁਰਵਰਤੋਂ ਨੂੰ ਰੋਕਣ 'ਤੇ ਵੀ ਸਹਿਮਤੀ ਜਤਾਈ ਗਈ। ਰਾਸ਼ਟਰਪਤੀ ਟਰੰਪ ਨੇ ਕਿਹਾ ਕਿ ਅਮਰੀਕਾ, ਰੂਸ ਅਤੇ ਚੀਨ ਦੁਨੀਆ ਦੀਆਂ ਤਿੰਨ ਸਭ ਤੋਂ ਵੱਡੀਆਂ ਪਰਮਾਣੂ ਸ਼ਕਤੀਆਂ ਹੋਣ ਦੇ ਨਾਤੇ ਪਰਮਾਣੂ ਹਥਿਆਰਾਂ ਨੂੰ ਘਟਾਉਣ ਅਤੇ ਉਨ੍ਹਾਂ ਦੀ ਵਰਤੋਂ ਦੇ ਖ਼ਤਰੇ ਨੂੰ ਘੱਟ ਕਰਨ ਲਈ ਸਭ ਤੋਂ ਢੁਕਵੀਂ ਸਥਿਤੀ ਵਿੱਚ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਭਾਰਤੀ ਜਹਾਜ਼ਾਂ ਲਈ ਬੰਦ ਰਹਿਣਗੇ ਪਾਕਿ ਹਵਾਈ ਖੇਤਰ ! ਹੋਇਆ ਕਰੋੜਾਂ ਰੁਪਏ ਦਾ ਨੁਕਸਾਨ
NEXT STORY