ਵਾਸ਼ਿੰਗਟਨ (ਬਿਊਰੋ): ਇਹ ਸੱਚ ਹੈ ਕਿ ਸੰਗੀਤ ਮਨ ਨੂੰ ਸ਼ਾਂਤੀ ਪ੍ਰਦਾਨ ਕਰਦਾ ਹੈ। ਕਈ ਵਾਰ ਗਾਇਕ ਖੁਦ ਵੀ ਇੰਨੇ ਵੀ ਮਸਤ ਹੋ ਜਾਂਦੇ ਹਨ ਕਿ ਉਹਨਾਂ ਨੂੰ ਆਪਣੇ ਆਲੇ-ਦੁਆਲੇ ਦੀ ਹੋਸ਼ ਨਹੀਂ ਰਹਿੰਦੀ। ਇਸ ਤਰ੍ਹਾਂ ਦੀ ਇਕ ਘਟਨਾ ਗਾਇਕ ਬੌਬੀ ਜੈਨਸਨ ਨਾਲ ਵਾਪਰੀ। ਅਮਰੀਕਾ ਦੇ ਲੋਆ ਵਿਚ ਬੌਬੀ ਸਟੇਜ 'ਤੇ ਪ੍ਰਦਰਸ਼ਨ ਕਰਦੇ ਹੋਏ ਆਪਣੇ ਗਾਣੇ ਵਿਚ ਇੰਨੇ ਮਸਤ ਹੋ ਗਏ ਕਿ ਜਦੋਂ ਉਹਨਾਂ ਦੇ ਵਾਲਾਂ ਵਿਚ ਅੱਗ ਲੱਗੀ ਤਾਂ ਉਹਨਾਂ ਨੂੰ ਪਤਾ ਹੀ ਨਹੀਂ ਚੱਲਿਆ।
ਬੌਬੀ ਅੱਗ ਲੱਗਣ ਦੇ ਬਾਅਦ ਵੀ ਆਪਣੀ ਧੁਨ ਵਿਚ ਗਾਉਂਦੇ ਰਹੇ ਅਤੇ ਉਹਨਾਂ ਦੇ ਪਿੱਛੇ ਬੈਂਡ ਵਿਚ ਕੰਮ ਕਰਨ ਵਾਲੇ ਕੁਝ ਲੋਕਾਂ ਨੇ ਵਾਲਾਂ ਵਿਚ ਲੱਗੀ ਅੱਗ ਨੂੰ ਬੁਝਾਇਆ। ਬੌਬੀ ਇਸ ਦੌਰਾਨ ਬਿਲਕੁੱਲ ਵੀ ਨਹੀਂ ਡਰੇ ਅਤੇ ਗਿਟਾਰ ਵਜਾਉਂਦੇ ਰਹੇ।
ਇਹ ਘਟਨਾ ਲੋਆ ਦੇ ਡੇਟ੍ਰੋਇਟ ਰਾਕ ਸਿਟੀ ਦੀ ਹੈ ਜਿੱਥੇ ਹਿਪ ਹਾਪ ਸਿੰਗਰ ਬੌਬੀ ਜੈਨਸਨ ਆਪਣੇ ਬੈਂਡ ਦੇ ਨਾਲ ਕਿੱਸ ਕਲਾਸਿਕ ਸ਼ੋਅ ਕਰ ਰਹੇ ਸਨ। ਇਸ ਦੌਰਾਨ ਗਾਇਕ ਅਤੇ ਗਿਟਾਰਵਾਦਕ ਬੌਬੀ ਪੇਸ਼ਕਾਰੀ ਦੇ ਰਹੇ ਸਨ ਅਤੇ ਉਹਨਾਂ ਦੇ ਗਾਣੇ 'ਤੇ ਦਰਸ਼ਕ ਝੂਮ ਰਹੇ ਸਨ।ਫਿਰ ਸਟੇਜ 'ਤੇ ਪਿੱਛੇ ਚਲਾਏ ਗਏ ਪਟਾਕਿਆਂ ਦੀ ਇਕ ਚੰਗਿਆੜੀ ਬੌਬੀ ਦੇ ਵਾਲਾਂ ਵਿਚ ਪਈ ਅਤੇ ਉਹਨਾਂ ਵਿਚ ਅੱਗ ਲੱਗ ਗਈ।
ਪੇਸ਼ਕਾਰ ਦੇਣ ਵਿਚ ਮਸਤ ਬੌਬੀ ਇਸ ਗੱਲ ਤੋਂ ਅਣਜਾਣ ਸਨ ਕਿ ਉਹਨਾਂ ਦੇ ਵਾਲਾਂ ਵਿਚ ਅੱਗ ਲੱਗ ਗਈ ਹੈ। ਭਾਵੇਂਕਿ ਬੈਂਡ ਵਿਚ ਹੀ ਕੰਮ ਕਰਨ ਵਾਲੇ ਹੋਰ ਲੋਕਾਂ ਨੇ ਭੱਜ ਕੇ ਉਹਨਾਂ ਦੇ ਵਾਲਾਂ ਵਿਚ ਲੱਗੀ ਅੱਗ ਬੁਝਾਈ।ਇਸ ਸਬੰਧੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਪ੍ਰੋਗਰਾਮ ਖਤਮ ਹੋਣ ਦੇ ਬਾਅਦ ਗਾਇਕ ਬੌਬੀ ਨੇ ਦੱਸਿਆ ਕਿ ਉਹਨਾਂ ਦੇ ਕੋਈ ਵਿੱਗ ਨਹੀਂ ਪਹਿਨਿਆ ਸੀ ਸਗੋਂ ਉਹਨਾਂ ਦੇ ਅਸਲੀ ਵਾਲਾਂ ਵਿਚ ਅੱਗ ਲੱਗੀ ਸੀ।
ਮੁੜ ਅਫਗਾਨਿਸਤਾਨ ਦੇ ਰਾਸ਼ਟਰਪਤੀ ਬਣੇ ਅਸ਼ਰਫ ਗਨੀ, 5 ਮਹੀਨਿਆਂ ਬਾਅਦ ਆਏ ਨਤੀਜੇ
NEXT STORY