ਗੈਜੇਟ ਡੈਸਕ- ਐਪਲ ਦੇ ਈਵੈਂਟ ਦੀ ਸ਼ੁਰੂਆਤ ਕੰਪਨੀ ਦੇ ਸੀ.ਈ.ਓ. ਟਿਪ ਕੁੱਕ ਨੇ ਕੀਨੋਟ ਦੇ ਨਾਲ ਹੋਈ। ਟਿਮ ਕੁੱਟ ਨੇ ਕਿਹਾ ਕਿ iphone 16 ਸੀਰੀਜ਼ ਦੇ ਸਾਰੇ ਮਾਡਲਾਂ 'ਚ ਐਪਲ ਇੰਟੈਲੀਜੈਂਸ ਯਾਨੀ ਐਪਲ ਏ.ਆਈ. ਦਾ ਸਪੋਰਟ ਮਿਲੇਗਾ। ਐਪਲ ਈਵੈਂਟ 'ਚ ਪਹਿਲਾ ਪ੍ਰੋਡਕਟ ਐਪਲ ਵਾਚ ਲਾਂਚ ਹੋਇਆ।
ਐਪਲ ਵਾਚ ਦੇ ਨਾਲ ਨਵੀਂ ਡਿਜ਼ਾਈਨ ਦਿੱਤਾ ਗਿਆ ਹੈ। Apple Watch Series 10 'ਚ ਹੁਣ ਤਕ ਦੀ ਸਭ ਤੋਂ ਵੱਡੀ ਡਿਸਪਲੇਅ ਦਿੱਤੀ ਗਈ ਹੈ। ਡਿਸਪਲੇਅ ਅਤੇ ਕਾਰਨਰ ਦਾ ਡਿਜ਼ਾਈਨ ਕਰਵਡ ਹੈ। ਇਸ ਵਿਚ OLED ਡਿਸਪਲੇਅ ਦਿੱਤੀ ਗਈ ਹੈ। ਐਪਲ ਨੇ ਕਿਹਾ ਹੈ ਕਿ ਤੁਸੀਂ ਕਿਸੇ ਵੀ ਐਂਗਲ ਤੋਂ ਐਪਲ ਵਾਚ ਦੀ ਡਿਸਪਲੇਅ ਨੂੰ ਦੇਖ ਸਕਦੇ ਹੋ। ਇਸ ਵਿਚ ਆਲਵੇਜ ਆਨ ਡਿਸਪਲੇਅ ਦਾ ਸਪੋਰਟ ਹੈ। Apple Watch Series 10 ਦੇ ਨਾਲ ਪਹਿਲੀ ਵਾਰ ਫਾਸਟ ਚਾਰਜਿੰਗ ਦਾ ਸਪੋਰਟ ਦਿੱਤਾ ਗਿਆ ਹੈ। ਵਾਚ ਦੇ ਨਾਲ ਕ੍ਰੈਸ਼ ਡਿਟੈਕਸ਼ਨ ਅਤੇ ਫਾਲ ਡਿਟੈਕਸ਼ਨ ਵੀ ਦਿੱਤਾ ਗਿਆ ਹੈ।
Apple Watch Series 10, Watch Ultra 2 ਦੀ ਕੀਮਤ
Apple Watch Series 10 ਦੀ ਸ਼ੁਰੂਆਤੀ ਕੀਮਤ 399 ਡਾਲਰ (ਕਰੀਬ 33,000 ਰੁਪਏ) ਹੈ। ਇਹ ਕੀਮਤ ਅਮਰੀਕੀ ਬਾਜ਼ਾਰ ਲਈ ਹੈ। ਭਾਰਤੀ ਕੀਮਤ ਬਾਰੇ ਫਿਲਹਾਲ ਜਾਣਕਾਰੀ ਨਹੀਂ ਹੈ। ਇਸ ਨੂੰ ਜੀ.ਪੀ.ਐੱਸ. ਅਤੇ ਐੱਲ.ਟੀ.ਈ. ਦੋ ਵਰਜ਼ਨ 'ਚ ਪੇਸ਼ ਕੀਤਾ ਗਿਆ ਹੈ। ਐੱਲ.ਟੀ.ਈ. ਵਰਜ਼ਨ ਦੀ ਕੀਮਤ 499 ਡਾਲਰ ਹੈ। Apple Watch Ultra 2 ਦੀ ਸ਼ੁਰੂਆਤੀ ਕੀਮਤ 799 ਡਾਲਰ (ਕਰੀਬ 67,000 ਰੁਪਏ ਹੈ। ਵਾਚ ਦੀ ਵਿਕਰੀ 20 ਸਤੰਬਰ ਤੋਂ ਸ਼ੁਰੂ ਹੋਵੇਗੀ।
Apple Watch Series 10 ਦੇ ਫੀਚਰਜ਼
ਐਪਲ ਵਾਚ ਸੀਰੀਜ਼ 10 ਗੋਲ ਕੋਨਿਆਂ ਦੇ ਨਾਲ ਇੱਕ ਨਵੇਂ ਵਾਈਡ ਐਂਗਲ OLED ਡਿਸਪਲੇ ਦੇ ਨਾਲ ਆਉਂਦੀ ਹੈ। ਐਪਲ ਦੇ ਮੁਤਾਬਕ ਐਪਲ ਵਾਚ ਸੀਰੀਜ਼ 10 'ਚ ਹੁਣ ਤੱਕ ਦੀ ਸਭ ਤੋਂ ਵੱਡੀ ਡਿਸਪਲੇ ਹੈ। ਐਪਲ ਵਾਚ ਸੀਰੀਜ਼ 10 9.7mm ਪਤਲੀ ਹੈ, ਜਿਸ ਨੂੰ ਐਪਲ ਨੇ ਕਿਹਾ ਹੈ ਕਿ ਇਹ ਹੁਣ ਤੱਕ ਦੀ ਸਭ ਤੋਂ ਪਤਲੀ ਐਪਲ ਵਾਚ ਹੈ। ਇਸ ਦੇ ਨਾਲ ਐਲੂਮੀਨੀਅਮ ਫਰੇਮ ਮਿਲੇਗਾ।
ਵਾਚ ਵਿੱਚ 4 ਕੋਰ ਨਿਊਰਲ ਇੰਜਣ ਵਾਲਾ S10 ਚਿਪਸੈੱਟ ਹੈ ਜੋ ਕਿ 30 ਫੀਸਦੀ ਛੋਟਾ ਵੀ ਹੈ। ਐਪਲ ਵਾਚ ਸੀਰੀਜ਼ 10 50 ਮੀਟਰ ਵਾਟਰ ਰੈਸਿਸਟੈਂਟ ਵੀ ਹੈ। ਇਸ ਦੇ ਨਾਲ ਫਾਸਟ ਚਾਰਜਿੰਗ ਦਿੱਤੀ ਗਈ ਹੈ, ਜਿਸ ਨਾਲ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ 30 ਮਿੰਟਾਂ 'ਚ 80 ਫੀਸਦੀ ਚਾਰਜ ਹੋ ਜਾਵੇਗੀ। ਐਪਲ ਵਾਚ ਸੀਰੀਜ਼ 10 ਸਲੀਪ ਐਪਨੀਆ ਡਿਟੈਕਸ਼ਨ ਦੇ ਨਾਲ ਆਉਂਦੀ ਹੈ। ਇਸ ਤੋਂ ਇਲਾਵਾ ਇਸ ਵਾਚ ਦਾ ਐਕਸਲਰੋਮੀਟਰ ਸਾਹ ਲੈਣ 'ਚ ਕਿਸੇ ਵੀ ਸਮੱਸਿਆ ਦੀ ਪਛਾਣ ਕਰ ਸਕਦਾ ਹੈ।
Apple Event: ਸ਼ੁਰੂ ਹੋਇਆ ਐਪਲ ਈਵੈਂਟ, ਕੁਝ ਹੀ ਦੇਰ 'ਚ ਲਾਂਚ ਹੋਵੇਗਾ iPhone 16
NEXT STORY 
