ਬ੍ਰਾਸੀਲੀਆ (ਬਿਊਰੋ)— ਬ੍ਰਾਜ਼ੀਲ ਦਾ ਨੌਜਵਾਨ ਕਾਰੀਗਰ ਐਮਾਰਿਲਡੋ ਸਿਲਵਾ ਲੋਕ ਭਲਾਈ ਕੰਮ ਕਰ ਰਿਹਾ ਹੈ। ਉਸ ਦੇ ਕੰਮ ਬਾਰੇ ਜਾਣ ਕੇ ਤੁਸੀਂ ਹੈਰਾਨ ਰਹਿ ਜਾਓਗੇ। ਸਿਲਵਾ ਦੇ ਕੰਮ ਨਾਲ ਨਾ ਸਿਰਫ ਵਾਤਾਵਰਣ ਦੂਸ਼ਿਤ ਹੋਣ ਤੋਂ ਬਚ ਰਿਹਾ ਹੈ ਸਗੋਂ ਜਾਨਵਰਾਂ ਨੂੰ ਵੀ ਫਾਇਦਾ ਪਹੁੰਚ ਰਿਹਾ ਹੈ। ਸਿਲਵਾ ਜਾਨਵਰਾਂ ਲਈ ਆਰਾਮਦਾਇਕ ਅਤੇ ਬਿਹਤਰੀਨ ਬੈੱਡ ਰਹੇ ਹਨ। ਬੀਤੇ ਕਰੀਬ ਡੇਢ ਸਾਲ ਤੋਂ ਉਹ ਸੜਕਾਂ 'ਤੇ ਬੇਕਾਰ ਸੁੱਟੇ ਗਏ ਟਾਇਰਾਂ ਨੂੰ ਇਕੱਠਾ ਕਰ ਕੇ ਇਹ ਨੇਕ ਕੰਮ ਕਰ ਰਹੇ ਹਨ।
ਸਿਲਵਾ ਨੂੰ ਹੁਣ ਉਸ ਦੇ ਕੰਮ ਲਈ ਲੋਕਾਂ ਦਾ ਵੀ ਸਮਰਥਨ ਮਿਲ ਰਿਹਾ ਹੈ। ਇਸ ਕੰਮ ਦੀ ਸ਼ੁਰੂਆਤ ਦੋ ਸਾਲ ਪਹਿਲਾਂ ਹੋਈ ਸੀ ਜਦੋਂ ਸਿਲਵਾ ਨੇ ਵਾਧੂ ਆਮਦਨ ਲਈ ਲੋਕਾਂ ਵੱਲੋਂ ਸੜਕ 'ਤੇ ਸੁੱਟੇ ਗਏ ਕਚਰੇ ਤੋਂ ਪੈਸਾ ਕਮਾਉਣ ਦੇ ਬਾਰੇ ਵਿਚ ਸੋਚਿਆ। ਸਿਲਵਾ ਨੂੰ ਹਮੇਸ਼ਾ ਬੇਕਾਰ ਅਤੇ ਵਰਤੋਂ ਵਿਚ ਨਾ ਆਉਣ ਵਾਲੀਆਂ ਚੀਜ਼ਾਂ 'ਤੇ ਦਸਤਕਾਰੀ ਕਰਨ ਵਿਚ ਮਜ਼ਾ ਆਉਂਦਾ ਸੀ।
ਬੇਕਾਰ ਚੀਜ਼ਾਂ ਨਾਲ ਕੁਝ ਨਵਾਂ ਬਣਾ ਕੇ ਉਹ ਨਾ ਸਿਰਫ ਵਾਤਾਵਰਣ ਦੀ ਭਲਾਈ ਵਿਚ ਯੋਗਦਾਨ ਦੇ ਰਹੇ ਹਨ ਸਗੋਂ ਇਸ ਪ੍ਰਕਿਰਿਆ ਵਿਚ ਉਨ੍ਹਾਂ ਨੇ ਕੁਝ ਵਾਧੂ ਡਾਲਰ ਵੀ ਕਮਾਏ ਹਨ। ਸਿਲਵਾ ਨੇ ਮਹਿਸੂਸ ਕੀਤਾ ਕਿ ਸੜਕ 'ਤੇ ਪਏ ਰਹਿਣ ਵਾਲੇ ਪੁਰਾਣੇ ਟਾਇਰਾਂ ਦੀ ਵਰਤੋਂ ਅਵਾਰਾ ਘੁੰਮਣ ਵਾਲੇ ਕੁੱਤਿਆਂ ਦੇ ਰਹਿਣ ਲਈ ਕੀਤੀ ਜਾ ਸਕਦੀ ਹੈ। ਇਸੇ ਸੋਚ ਨਾਲ ਜਾਨਵਰਾਂ ਨੂੰ ਘਰ ਦਿਵਾਉਣ ਅਤੇ ਇਸ ਨੂੰ ਹੋਰ ਆਰਾਮਦਾਇਕ ਬਣਾਉਣ ਦਾ ਕੰਮ ਸ਼ੁਰੂ ਕੀਤਾ।
ਸਿਲਵਾ ਸੜਕ 'ਤੇ ਪਏ ਬੇਕਾਰ ਟਾਇਰਾਂ ਨੂੰ ਘਰ ਲਿਆਉਂਦੇ ਹਨ ਅਤੇ ਉਨ੍ਹਾਂ ਨੂੰ ਆਪਣੇ ਘਰ ਦੇ ਪਿੱਛੇ ਰੱਖਦੇ ਹਨ। ਇਨ੍ਹਾਂ ਟਾਇਰਾਂ ਨੂੰ ਰੱਖਣ ਲਈ ਉਨ੍ਹਾਂ ਨੇ ਆਪਣੇ ਕਮਰੇ ਨੂੰ ਖਾਲੀ ਕੀਤਾ ਹੋਇਆ ਹੈ। ਟਾਇਰਾਂ ਨੂੰ ਵੱਖ ਕਰਨ ਦੇ ਬਾਅਦ ਉਹ ਉਨ੍ਹਾਂ ਨੂੰ ਧੋਂਦੇ ਹਨ, ਕੱਟਦੇ ਹਨ ਅਤੇ ਪੇਂਟ ਕਰ ਕੇ ਨਵਾਂ ਰੂਪ ਦਿੰਦੇ ਹਨ। ਇਨ੍ਹਾਂ ਟਾਇਰਾਂ 'ਤੇ ਉਹ ਉਨ੍ਹਾਂ ਜਾਨਵਰਾਂ ਦਾ ਨਾਮ ਵੀ ਲਿਖਦੇ ਹਨ, ਜਿਨ੍ਹਾਂ ਲਈ ਉਹ ਬਣਾਏ ਗਏ ਹਨ।
ਸਿਲਵਾ ਮੁਤਾਬਕ ਉਨ੍ਹਾਂ ਨੂੰ ਜਾਨਵਰਾਂ ਦੀ ਮਦਦ ਕਰਨਾ ਅਤੇ ਕ੍ਰਾਫਟ ਬਣਾਉਣਾ ਚੰਗਾ ਲੱਗਦਾ ਹੈ।
ਉਨ੍ਹਾਂ ਨੇ ਆਪਣੀਆਂ ਦੋਹਾਂ ਇੱਛਾਵਾਂ ਨੂੰ ਮਿਲਾਇਆ ਅਤੇ ਸਮਾਜਿਕ ਵਾਤਾਵਰਣੀ ਪ੍ਰਭਾਵ ਦੇਣ ਲਈ ਨਵੇਂ ਆਈਡੀਆਜ਼ ਦੀ ਵਰਤੋਂ ਕੀਤੀ।
ਬਾਈ ਸੁਰਜੀਤ ਦੀ ਆਵਾਜ਼ 'ਚ ਪੁਰਾਣੇ ਪੰਜਾਬ ਦੀ ਯਾਦ ਤਾਜ਼ਾ ਕਰਵਾਉਂਦਾ ਗੀਤ ਰਲੀਜ਼
NEXT STORY 
