ਇੰਟਰਨੈਸ਼ਨਲ ਡੈਸਕ- ਚੀਨ ਨੇ ਆਪਣੇ ਸਪੇਸ ਪ੍ਰੋਗਰਾਮ 'ਚ ਇਤਿਹਾਸਕ ਪੁਲਾਂਘ ਪੁੱਟਦੇ ਹੋਏ ਪਹਿਲੀ ਵਾਰ ਧਰਤੀ 'ਤੇ ਲੈਂਡ ਹੋਣ ਵਾਲੇ ਰਾਕੇਟ ਦੇ ਪਹਿਲੇ ਹਿੱਸੇ ਨੂੰ ਸਫਲਤਾਪੂਰਵਕ ਲੈਂਡ ਕਰਵਾ ਲਿਆ ਹੈ। ਚੀਨ ਦੀ ਸਰਕਾਰੀ ਨਿਊਜ਼ ਏਜੰਸੀ 'ਸ਼ਿਨਹੂਆ' ਅਨੁਸਾਰ, ਇਹ ਸਫਲਤਾ ਮੁੜ ਵਰਤੇ ਜਾ ਸਕਣ ਵਾਲੇ 'ਜ਼ੁਕੇ-3' ਰਾਕੇਟ ਦੀ ਲਾਂਚਿੰਗ ਦੌਰਾਨ ਹਾਸਲ ਹੋਈ। ਬੁੱਧਵਾਰ ਸਵੇਰੇ ਲਾਂਚਿੰਗ ਤੋਂ ਬਾਅਦ ਰਾਕੇਟ ਦਾ ਪਹਿਲਾ ਹਿੱਸਾ ਸਫਲਤਾਪੂਰਵਕ ਧਰਤੀ 'ਤੇ ਵਾਪਸ ਲੈਂਡ ਕਰ ਗਿਆ।
ਚੀਨ ਵੱਲੋਂ ਰਾਕੇਟ ਸਟੇਜ ਨੂੰ ਸਫ਼ਲਤਾਪੂਰਵਕ ਰਿਕਵਰ ਕਰਨ ਦੀ ਇਹ ਦੂਜੀ ਸਫਲ ਕੋਸ਼ਿਸ਼ ਹੈ। ਇਸ ਤੋਂ ਪਹਿਲਾਂ ਜੁਲਾਈ 'ਚ 'ਲੌਂਗ ਮਾਰਚ-10B' ਰਾਕੇਟ ਦੇ ਪਹਿਲੇ ਹਿੱਸੇ ਨੂੰ ਸਮੁੰਦਰ 'ਚ ਬਣੇ ਇੱਕ ਪਲੇਟਫਾਰਮ 'ਤੇ ਨੈੱਟ-ਕੈਪਚਰ ਸਿਸਟਮ ਰਾਹੀਂ ਸਫਲਤਾਪੂਰਵਕ ਲੈਂਡ ਕਰਵਾਇਆ ਗਿਆ ਸੀ। ਮੀਡੀਆ ਰਿਪੋਰਟਾਂ ਅਨੁਸਾਰ, ਚੀਨ ਨੇ ਪਹਿਲੀ ਵਾਰ ਰਾਕੇਟ ਲੈਂਡਿੰਗ ਲਈ ਖੁੱਲ੍ਹਣ ਵਾਲੇ 'ਲੈਂਡਿੰਗ ਲੈੱਗਜ਼' ਦੀ ਵਰਤੋਂ ਕੀਤੀ ਹੈ, ਜਿਸ ਨੂੰ ਚੀਨ ਦੀ ਰੀਯੂਜ਼ੇਬਲ ਰਾਕੇਟ ਤਕਨਾਲੋਜੀ ਵਿੱਚ ਇੱਕ ਵੱਡੀ ਕ੍ਰਾਂਤੀ ਮੰਨਿਆ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ- ''7,000 ਮੀਲ ਦੂਰੋਂ ਹੀ ਕਰੀ ਜਾਂਦੇ ਹੋਰਮੁਜ਼ 'ਤੇ ਦਾਅਵੇ..!'', ਇਰਾਨ ਨੇ ਟਰੰਪ ਨੂੰ ਦਿੱਤਾ ਠੋਕਵਾਂ ਜਵਾਬ
ਕਰਯੋਗ ਹੈ ਕਿ ਐਲਨ ਮਸਕ ਦੀ 'SpaceX' ਅਤੇ ਜੈੱਫ ਬੇਜ਼ੋਸ ਦੀ 'Blue Origin' ਕੰਪਨੀਆਂ 2015 ਤੋਂ ਅਜਿਹੇ ਰੀਯੂਜ਼ੇਬਲ ਰਾਕੇਟਾਂ ਦੀ ਵਰਤੋਂ ਕਰ ਰਹੀਆਂ ਹਨ, ਜਿਸ ਨਾਲ ਹਰ ਵਾਰ ਨਵੇਂ ਰਾਕੇਟ ਵਰਤਣ ਦਾ ਝੰਜਟ ਖ਼ਤਮ ਹੋ ਜਾਂਦਾ ਹੈ ਤੇ ਲਾਂਚਿੰਗ ਲਾਗਤ ਕਾਫ਼ੀ ਘਟ ਜਾਂਦੀ ਹੈ। ਚੀਨ ਤੋਂ ਇਲਾਵਾ ਜਾਪਾਨ ਨੇ ਵੀ ਜੁਲਾਈ ਵਿੱਚ ਆਪਣੇ ਪਹਿਲੇ ਰੀਯੂਜ਼ੇਬਲ ਰਾਕੇਟ ਦਾ ਸਫਲ ਪ੍ਰੀਖਣ ਕੀਤਾ ਸੀ।
ਇਹ ਵੀ ਪੜ੍ਹੋ- ਸਕੂਲ ਨੇੜੇ ਹੋ ਗਿਆ ਧਮਾਕਾ ! ਦਰਜਨਾਂ ਵਿਦਿਆਰਥੀ ਹੋਏ ਫੱਟੜ, ਕਾਬੁਲ 'ਚ ਮਚੀ ਹਾਹਾਕਾਰ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਮਾਸਕੋ ਦੇ ਨੇੜੇ ਇੱਕ ਗੋਦਾਮ 'ਤੇ ਡਰੋਨ ਹਮਲਾ, ਲੱਗੀ ਭਿਆਨਕ ਅੱਗ
NEXT STORY 
