ਤਹਿਰਾਨ- ਈਰਾਨ ਨੇ ਕਿਹਾ ਕਿ ਉਸ ਨੇ ਇਕ ਪਹਿਲਵਾਨ ਨੂੰ ਫਾਂਸੀ ਦੀ ਸਜ਼ਾ ਸੁਣਾਈ ਕਿਉਂਕਿ ਸਾਲ 2018 ਵਿਚ ਸਰਕਾਰ ਵਿਰੋਧੀ ਪ੍ਰਦਰਸ਼ਨਾਂ ਦੌਰਾਨ ਉਸ ਨੇ ਇਕ ਵਿਅਕਤੀ ਦੀ ਹੱਤਿਆ ਕਰ ਦਿੱਤੀ ਸੀ। ਰਿਪੋਰਟਾਂ ਮੁਤਾਬਕ ਸ਼ਨੀਵਾਰ ਨੂੰ ਉਸ ਨੂੰ ਸਜ਼ਾ ਦਿੱਤੀ ਗਈ ਹੈ। ਪਹਿਲਵਾਨ ਦੀ ਜ਼ਿੰਦਗੀ ਬਚਾਉਣ ਲਈ ਦੁਨੀਆ ਭਰ ਵਿਚ ਵਿਰੋਧ ਪ੍ਰਦਰਸ਼ਨ ਹੋ ਰਹੇ ਸਨ ਪਰ ਇਸ ਵਿਚਕਾਰ ਅੰਤਰਰਾਸ਼ਟਰੀ ਓਲੰਪਿਕ ਕਮੇਟੀ ਵੱਲੋਂ ਈਰਾਨ ਦੇ ਇਸ ਕਦਮ ਦੀ ਨਿਖੇਧੀ ਕੀਤੀ ਗਈ ਹੈ। 27 ਸਾਲਾ ਨਵੀਦ ਅਫਕਾਰੀ ਨੂੰ ਦੱਖਣੀ ਸ਼ਹਿਰ ਸ਼ਿਰਾਜ਼ ਦੀ ਇਕ ਜੇਲ੍ਹ ਵਿੱਚ ਫਾਂਸੀ ਦੀ ਸਜ਼ਾ ਦਿੱਤੀ ਗਈ। ਇਹ ਜਾਣਕਾਰੀ ਇੱਕ ਈਰਾਨੀ ਟੈਲੀਵਿਜ਼ਨ ਦੀ ਵੈਬਸਾਈਟ 'ਤੇ ਵਕੀਲ ਜਨਰਲ ਕਾਜ਼ਮ ਮੌਸਵੀ ਦੇ ਹਵਾਲੇ ਤੋਂ ਦਿੱਤੀ ਗਈ।
ਅਦਾਲਤ ਨੇ 2 ਅਗਸਤ, 2018 ਨੂੰ ਸਕਿਓਰਟੀ ਗਾਰਡ ਹੋਸੀਨ ਟੋਰਕਮੈਨ ਦੀ ਮੌਤ ਲਈ ਨਵੀਦ ਨੂੰ ਦੋਸ਼ੀ ਪਾਇਆ। ਸ਼ੀਰਾਜ਼ ਅਤੇ ਈਰਾਨ ਦੇ ਕਈ ਹੋਰ ਸ਼ਹਿਰੀ ਕੇਂਦਰਾਂ ਵਿੱਚ ਸਰਕਾਰ ਵਿਰੋਧੀ ਪ੍ਰਦਰਸ਼ਨ ਹੋਏ ਸਨ। ਅੰਤਰਰਾਸ਼ਟਰੀ ਓਲੰਪਿਕ ਕਮੇਟੀ ਨੇ ਕਿਹਾ ਕਿ ਇਹ ਹੈਰਾਨੀਜਨਕ ਅਤੇ ਪਰੇਸ਼ਾਨੀ ਵਾਲਾ ਕਦਮ ਹੈ। ਆਈ. ਓ. ਸੀ. ਨੇ ਇਕ ਬਿਆਨ ਵਿੱਚ ਕਿਹਾ, ‘‘ ਸਾਡੀ ਹਮਦਰਦੀ ਨਵੀਦ ਦੇ ਪਰਿਵਾਰ ਅਤੇ ਦੋਸਤਾਂ ਨਾਲ ਹੈ।
ਲੰਡਨ ਅਧਾਰਤ ਅਧਿਕਾਰ ਸਮੂਹ ਐਮਨੇਸਟੀ ਇੰਟਰਨੈਸ਼ਨਲ ਨੇ ਕਿਹਾ ਕਿ ਉਸ ਨੂੰ ਚੋਰੀ-ਚੋਰੀ ਫਾਂਸੀ ਦੇਣਾ ਨਿਆਂ ਦਾ ਇੱਕ ਭਿਆਨਕ ਦੁਖਾਂਤ ਹੈ ਜਿਸ 'ਤੇ ਤੁਰੰਤ ਅੰਤਰਰਾਸ਼ਟਰੀ ਕਾਰਵਾਈ ਦੀ ਲੋੜ ਹੈ। ਵਿਦੇਸ਼ਾਂ ਵਿਚ ਪ੍ਰਕਾਸ਼ਤ ਰਿਪੋਰਟਾਂ ਵਿਚ ਕਿਹਾ ਗਿਆ ਹੈ ਕਿ ਅਫਕਾਰੀ ਨੂੰ ਟੈਲੀਵਿਜ਼ਨ 'ਤੇ ਜਾਰੀ ਕੀਤੇ ਬਿਆਨਾਂ ਦੇ ਅਧਾਰ' ਤੇ ਦੋਸ਼ੀ ਠਹਿਰਾਇਆ ਗਿਆ ਸੀ। ਪੀੜਤ ਪਰਿਵਾਰ ਦੀ ਜ਼ਿੱਦ ਕਾਰਨ ਇਹ ਫੈਸਲਾ ਲਿਆ ਗਿਆ।
6 ਵਿਆਹ ਕਰਨ ਵਾਲੀ ਭੈਣ ਨੂੰ ਭਰਾਵਾਂ ਨੇ ਗੋਲੀਆਂ ਨਾਲ ਭੁੰਨਿਆ
NEXT STORY 
