ਲੰਡਨ (ਭਾਸ਼ਾ)- ਗਲਾਸਗੋ ਦੀ ਜੰਮਪਲ ਕਲਾਕਾਰ ਜਸਲੀਨ ਕੌਰ ਦੀਆਂ ਕਲਾਕ੍ਰਿਤੀਆਂ ਦੀ ਪ੍ਰਦਰਸ਼ਨੀ ਬੁੱਧਵਾਰ ਨੂੰ ਲੰਡਨ ਦੇ ਮਸ਼ਹੂਰ ਆਰਟ ਮਿਊਜ਼ੀਅਮ ‘ਟੇਟ ਬ੍ਰਿਟੇਨ’ ਵਿੱਚ ਆਮ ਲੋਕਾਂ ਲਈ ਖੁੱਲ੍ਹ ਗਈ। ਜਸਲੀਨ ਕੌਰ ਦੀਆਂ ਕਲਾਕ੍ਰਿਤੀਆਂ ਸਕਾਟਲੈਂਡ ਦੇ ਸਿੱਖ ਭਾਈਚਾਰੇ ਵਿੱਚ ਉਸਦੇ ਜੀਵਨ ਤੋਂ ਪ੍ਰੇਰਿਤ ਹਨ ਅਤੇ ਇਸ ਨੂੰ ਵੱਕਾਰੀ ਟਰਨਰ ਇਨਾਮ (Turner Prize) ਲਈ ਚੁਣਿਆ ਗਿਆ ਹੈ। ਲੰਡਨ ਵਿੱਚ ਰਹਿ ਰਹੀ ਕੌਰ ਨੇ ਇਕੱਠੀਆਂ ਕੀਤੀਆਂ ਅਤੇ ਦੁਬਾਰਾ ਤਿਆਰ ਕੀਤੀਆਂ ਵਸਤੂਆਂ ਤੋਂ ਆਪਣੀਆਂ ਕਲਾਕ੍ਰਿਤੀਆਂ ਬਣਾਈਆਂ ਹਨ।
ਪੜ੍ਹੋ ਇਹ ਅਹਿਮ ਖ਼ਬਰ- 5 ਸਾਲ 'ਚ ਇਟਲੀ ਦੀ ਨਾਗਰਿਕਤਾ! 25 ਲੱਖ ਤੋਂ ਵੱਧ ਪ੍ਰਵਾਸੀਆਂ ਦੀ ਆਸ ਨੂੰ ਪਿਆ ਬੂਰ
ਅਪ੍ਰੈਲ ਵਿੱਚ ਕੌਰ ਅਤੇ ਬ੍ਰਿਟੇਨ ਤਿੰਨ ਹੋਰ ਕਲਾਕਾਰਾਂ ਨੂੰ ਪੁਰਸਕਾਰ ਲਈ ਫਾਈਨਲਿਸਟ ਵਜੋਂ ਨਾਮਜ਼ਦ ਕੀਤਾ ਗਿਆ ਸੀ। ਇਸ ਅਵਾਰਡ ਦੇ ਜੇਤੂ ਨੂੰ 25,000 ਪੌਂਡ ਪ੍ਰਾਪਤ ਹੋਣਗੇ ਜਦੋਂ ਕਿ ਨਾਮਜ਼ਦ ਕਲਾਕਾਰਾਂ ਵਿੱਚੋਂ ਹਰੇਕ ਨੂੰ 10,000 ਪੌਂਡ ਦਿੱਤੇ ਜਾਣਗੇ। ਇਨਾਮ ਦੇ ਜੇਤੂ ਦਾ ਐਲਾਨ 3 ਦਸੰਬਰ ਨੂੰ ਟੈਟ ਬ੍ਰਿਟੇਨ ਵਿਖੇ ਇੱਕ ਸਮਾਰੋਹ ਵਿੱਚ ਕੀਤਾ ਜਾਵੇਗਾ, ਜਦੋਂ ਕਿ ਕਲਾਕਾਰਾਂ ਦੀਆਂ ਕਲਾਕ੍ਰਿਤੀਆਂ ਦੀ ਪ੍ਰਦਰਸ਼ਨੀ ਫਰਵਰੀ 2025 ਦੇ ਮੱਧ ਤੱਕ ਟੇਮਜ਼ ਨਦੀ ਦੇ ਕਿਨਾਰੇ ਅਜਾਇਬ ਘਰ ਵਿੱਚ ਪ੍ਰਦਰਸ਼ਿਤ ਕੀਤਾ ਜਾਵੇਗੀ।
ਪੜ੍ਹੋ ਇਹ ਅਹਿਮ ਖ਼ਬਰ- ਬੰਗਲਾਦੇਸ਼ ਛੇਤੀ ਸਰਹੱਦ ਪਾਰ ਦਰਿਆਵਾਂ ਦੇ ਪਾਣੀ ਦੀ ਵੰਡ 'ਤੇ ਭਾਰਤ ਨਾਲ ਕਰੇਗਾ ਗੱਲਬਾਤ
ਟੇਟ ਬ੍ਰਿਟੇਨ ਦੇ ਅਜਾਇਬ ਘਰ ਵਿੱਚ ਖੁਲ੍ਹੀ ਇਸ ਪ੍ਰਦਰਸ਼ਨੀ ਦੇ ਪ੍ਰਬੰਧਕਾਂ ਵਿੱਚੋਂ ਇੱਕ ਲਿੰਸੀ ਯੰਗ ਨੇ ਕਿਹਾ, "ਜਸਲੀਨ ਨੇ ਗਹਿਣੇ ਬਣਾਉਣ ਅਤੇ ਫਿਰ ਕਲਾ ਦਾ ਅਧਿਐਨ ਕੀਤਾ... ਉਸ ਦੀ ਦਿਲਚਸਪੀ ਅਜਿਹੀਆਂ ਕਲਾਕ੍ਰਿਤੀਆਂ ਬਣਾਉਣ ਵਿਚ ਹੈ ਜੋ ਕੁਝ ਕਹਿ ਸਕਦੀਆਂ ਹਨ। ਉਸ ਨੇ ਦੱਸਿਆ ਕਿ ਕੌਰ ਦੀਆਂ ਕਲਾਕ੍ਰਿਤੀਆਂ ਉਸ ਦੇ ਜੀਵਨ ਦੇ ਅਨੁਭਵ, ਉਸ ਦੇ ਪਰਿਵਾਰ ਦੇ ਪਾਲਣ-ਪੋਸ਼ਣ 'ਤੇ ਕੇਂਦਰਿਤ ਹਨ।ਉਸ ਨੇ ਅੱਗੇ ਦੱਸਿਆ ਕਿ ਕੌਰ ਦੇ ਪਿਤਾ ਦਾ ਸੁਫ਼ਨਾ ਇਕ ਫੌਰਡ ਕਾਰ ਦਾ ਸੀ ਅਤੇ ਇਹ ਉਸ ਦੀ ਕਲਾ ਵਿੱਚ ਝਲਕਦਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਕੋਲੇ ਦੀ ਖਾਨ ’ਚ ਹੋਏ ਧਮਾਕੇ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ ’ਚ ਵਾਧਾ
NEXT STORY 
