ਮੈਕਸੀਕੋ ਸਿਟੀ (ਭਾਸ਼ਾ) : ਪੱਛਮੀ ਮੈਕਸੀਕੋ ਦੀ ਇਕ ਜੇਲ ਵਿਚ ਕੈਦੀਆਂ ਨੇ ਬੰਦੂਕਾਂ ਨਾਲ ਇਕ-ਦੂਜੇ 'ਤੇ ਹਮਲਾ ਕੀਤਾ ਅਤੇ ਕੁੱਟਮਾਰ ਵੀ ਕੀਤੀ ਜਿਸ ਕਾਰਨ 7 ਕੈਦੀਆਂ ਦੀ ਮੌਤ ਹੋ ਗਈ ਅਤੇ 9 ਹੋਰ ਜ਼ਖ਼ਮੀ ਹੋ ਗਏ।
ਜਲਿਸਕੋ ਰਾਜ ਅਧਿਕਾਰੀਆਂ ਨੇ ਪੁਏਂਤੇ ਗਰਾਂਡੇ ਜੇਲ ਕੰਪਲੈਕਸ ਵਿਚ ਹੋਈ ਇਸ ਘਟਨਾ ਨੂੰ ਦੰਗਿਆਂ ਦੀ ਬਜਾਏ ਕੈਦੀਆਂ ਵਿਚਾਲੇ ਲੜਾਈ ਕਰਾਰ ਦਿੱਤਾ। ਜੇਲ ਦੇ ਨਿਦੇਸ਼ਕ ਜੋਸ ਐਨਤੋਨੀਓ ਪੇਰੇਜ ਨੇ ਕਿਹਾ, ਜੇਲ ਵਿਚ ਕੋਈ ਦੰਗਾ ਨਹੀਂ ਹੋਇਆ। ਅਧਿਕਾਰੀਆਂ ਨੇ ਇਹ ਨਹੀਂ ਦੱਸਿਆ ਕਿ ਕੈਦੀਆਂ ਨੇ ਜਿਨ੍ਹਾਂ 2 ਬੰਦੂਕਾਂ ਨਾਲ ਇਕ-ਦੂਜੇ 'ਤੇ ਹਮਲਾ ਕੀਤਾ ਹੈ, ਉਹ ਉਨ੍ਹਾਂ ਕੋਲ ਕਿੱਥੋਂ ਆਈਆਂ। ਪੇਰੇਜ ਨੇ ਕਿਹਾ ਕਿ ਕੈਦੀਆਂ ਦੇ ਇਕ ਸਮੂਹ ਨੇ ਉਨ੍ਹਾਂ ਹੋਰ ਕੈਦੀਆਂ 'ਤੇ ਹਮਲਾ ਕਰਨਾ ਸ਼ੁਰੂ ਕਰ ਦਿੱਤਾ, ਜਿਨ੍ਹਾਂ ਨੇ ਕੁੱਝ ਕੀਤਾ ਹੀ ਨਹੀਂ ਸੀ, ਜਿਸ ਦੇ ਬਾਅਦ ਜੇਲ ਦੇ ਹੋਰ ਕੈਦੀਆਂ ਨੇ ਉਨ੍ਹਾਂ 'ਤੇ ਹਮਲਾ ਕਰ ਦਿੱਤਾ।
ਵਕੀਲਾਂ ਨੇ ਦੱਸਿਆ ਕਿ 5 ਹਮਲਾਵਰਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਇਹ ਲੜਾਈ ਜੇਲ ਵਿਚ ਬੇਸਬਾਲ ਦੇ ਇਕ ਮੈਚ ਬਾਅਦ ਹੋਈ ਸੀ ਪਰ ਇਹ ਸਪੱਸ਼ਟ ਨਹੀਂ ਹੈ ਕਿ ਇਸ ਝਗੜੇ ਦਾ ਸੰਬੰਧ ਉਸ ਮੈਚ ਨਾਲ ਹੈ ਜਾਂ ਨਹੀਂ ਅਤੇ ਨਾ ਹੀ ਇਹ ਗੱਲ ਸਪੱਸ਼ਟ ਹੈ ਕਿ ਇਸ ਝਗੜੇ ਦੇ ਪਿੱਛੇ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਨਾਲ ਜੁੜੇ ਗਿਰੋਹ ਦਾ ਹੱਥ ਹੈ ਜਾਂ ਨਹੀਂ। ਹਮਲੇ ਵਿਚ ਮਾਰੇ ਗਏ 7 ਕੈਦੀਆਂ ਵਿਚੋਂ 3 ਦੀ ਮੌਤ ਗੋਲੀ ਲੱਗਣ ਅਤੇ 4 ਦੀ ਮੌਤ ਕੁੱਟਮਾਰ ਕਾਰਨ ਹੋਈ। 9 ਜਖ਼ਮੀਆਂ ਵਿਚੋਂ 6 ਨੂੰ ਕੁੱਟਮਾਰ ਦੌਰਾਨ ਸੱਟਾਂ ਆਈਆਂ ਹਨ ਅਤੇ 3 ਕੈਦੀ ਗੋਲੀਆਂ ਲੱਗਣ ਨਾਲ ਜਖ਼ਮੀ ਹੋਏ ਹੈ। ਪੁਏਂਤੇ ਗਰਾਂਡੇ ਓਹੀ ਜੇਲ ਹੈ, ਜਿੱਥੋਂ ਨਸ਼ੀਲੇ ਪਦਾਰਥਾਂ ਦਾ ਖਤਰਨਾਕ ਤਸਕਰ ਜੋਕਿਨ ਐਲ ਚਾਪੋ ਗੁਜਮੈਨ 2001 ਵਿਚ ਪਹਿਲੀ ਵਾਰ ਜੇਲ ਚੋਂ ਭੱਜਿਆ ਸੀ।
ਬ੍ਰਾਜ਼ੀਲ ਵਿਚ ਕੋਰੋਨਾ ਪੀੜਤਾਂ ਦੀ ਗਿਣਤੀ 3 ਲੱਖ 30 ਹਜ਼ਾਰ ਤੋਂ ਪਾਰ
NEXT STORY 
