ਨਵੀਂ ਦਿੱਲੀ—ਰੇਲ ਦੇ ਸਫਰ ਕਰਨ 'ਚ ਕਾਫੀ ਆਨੰਦ ਤਾਂ ਮਿਲਦਾ ਹੈ ਪਰ ਇਹ ਆਨੰਦ ਤਾਂ ਅਸੀਂ ਤਾਂ ਹੀ ਲੈ ਸਕਦੇ ਹਾਂ, ਜੇਕਰ ਸਫਰ ਦੌਰਾਨ ਕੋਈ ਪਰੇਸ਼ਾਨੀ ਨਾ ਆਵੇ। ਇਨ੍ਹਾਂ ਪਰੇਸ਼ਾਨੀਆਂ ਨੂੰ ਉਸ ਸਮੇਂ ਘੱਟ ਕੀਤਾ ਜਾ ਸਕਦਾ ਹੈ, ਜੇਕਰ ਤੁਹਾਨੂੰ ਰੇਲਵੇ 'ਚ ਮਿਲਣ ਵਾਲੇ ਸਾਰੇ ਅਧਿਕਾਰਾਂ ਅਤੇ ਸਹੂਲਤਾਂ ਦੀ ਪੂਰੀ ਜਾਣਕਾਰੀ ਹੋਵੇ। ਅਜਿਹੇ ਕਾਫੀ ਸਾਰੇ ਅਧਿਕਾਰ ਹਨ, ਜਿਨ੍ਹਾਂ ਬਾਰੇ 'ਚ ਕਾਫੀ ਪੜ੍ਹੇ-ਲਿਖੇ ਲੋਕਾਂ ਨੂੰ ਵੀ ਪਤਾ ਨਹੀਂ ਹੁੰਦਾ ਹੈ। ਆਓ ਅੱਜ ਇਨ੍ਹਾਂ ਬਾਰੇ ਤੁਹਾਨੂੰ ਵਿਸਥਾਰ ਪੂਰਵਕ ਜਾਣਕਾਰੀ ਦਿੱਤੀ ਜਾਵੇ।
ਟਿਕਟ ਬੁੱਕ ਨਾ ਹੋਣ 'ਤੇ....
ਕਦੀ-ਕਦੀ ਜਲਦੀ 'ਚ ਅਸੀ ਕਿਸੇ ਥਾਂ 'ਤੇ ਜਾਣਾ ਹੋਵੇ ਤਾਂ ਟਿਕਟ ਬੁੱਕ ਨਾ ਹੋ ਸਕੇ ਤਾਂ ਸਿਰਫ ਪਲੇਟਫਾਰਮ ਟਿਕਟ ਦੇ ਨਾਲ ਟ੍ਰੇਨ 'ਚ ਚੜ੍ਹਾ ਸਕਦੇ ਹੋ। ਇਸ ਤੋਂ ਬਾਅਦ ਟ੍ਰੇਨ ਟਿਕਟ ਇਗਜੈਮਨਰ (ਟੀ.ਟੀ.ਆਈ.) ਦੇ ਕੋਲ ਜਾ ਕੇ ਟਿਕਟ ਬਣਵਾ ਲਉ। ਸੀਟ ਖਾਲੀ ਹੋਣ 'ਤੇ ਤੁਹਾਨੂੰ ਸਿਰਫ ਰਿਜ਼ਰਵਡ ਟਿਕਟ ਲੈਣ ਲਈ ਪੈਸੇ ਦੇਣੇ ਪੈਂਦੇ ਹਨ ਪਰ ਇਹ ਵੀ ਧਿਆਨ ਰੱਖੋ ਕਿ ਸੀਟ ਖਾਲੀ ਨਾ ਹੋਣ 'ਤੇ ਜੇਕਰ ਤੁਸੀਂ ਬੈਠਦੇ ਹੋ ਤਾਂ ਪੈਨਲਟੀ ਵਸੂਲੀ ਜਾਵੇਗੀ।
ਇਹ ਕੰਮ ਟੀ.ਟੀ.ਆਈ. ਦੇ ਜ਼ਿੰਮੇ ਹੁੰਦੇ ਹਨ...
- ਲੰਬੀ ਯਾਤਰਾ ਦੌਰਾਨ ਕਿਸੇ ਸੁਪਰਫਾਸਟ ਟ੍ਰੇਨ 'ਚ ਲਗਾਤਾਰ ਗੇਟ ਖੁੱਲ੍ਹਾ ਹੋਵੇ ਤਾਂ ਉਸ ਨੂੰ ਬੰਦ ਕਰਵਾਉਣਾ।
-ਜੇਕਰ ਟ੍ਰੇਨ 'ਚ ਕੋਈ ਔਰਤ ਇਕੱਲੀ ਯਾਤਰਾ ਕਰ ਰਹੀ ਹੈ ਤਾਂ ਖਾਲੀ ਹੋਣ 'ਤੇ ਉਸ ਦੇ ਨਾਲ ਸਿਰਫ ਕਿਸੇ ਔਰਤ ਨੂੰ ਹੀ ਸੀਟ ਦੇਣਾ।
-ਟ੍ਰੇਨ 'ਚ ਪਾਣੀ ਖਤਮ ਹੋ ਜਾਣ 'ਤੇ ਅਗਲੇ ਸਟੇਸ਼ਨ 'ਤੇ ਟ੍ਰੇਨ 'ਚ ਪਾਣੀ ਭਰਵਾਉਣਾ।
-ਟਾਇਲਟ ਗੰਦਾ ਹੋਣ ਦੀ ਸਥਿਤੀ 'ਚ ਉਸ ਨੂੰ ਸਾਫ ਕਰਵਾਉਣਾ।
-ਟ੍ਰੇਨ 'ਚ ਪੱਖੇ ਅਤੇ ਲਾਈਟ ਖਰਾਬ ਹੋਣ 'ਤੇ ਉਨ੍ਹਾਂ ਨੂੰ ਠੀਕ ਕਰਵਾਉਣਾ।
-ਏ. ਸੀ ਸਹੀ ਤਰੀਕੇ ਨਾਲ ਕੰਮ ਨਹੀਂ ਕਰ ਰਿਹਾ ਹੈ ਤਾਂ ਉਸ ਨੂੰ ਠੀਕ ਕਰਵਾਉਣਾ।
ਇੰਝ ਮਿਲੇਗਾ ਤਰੁੰਤ ਰਿਫੰਡ-
ਇਸ ਸੰਬੰਧੀ ਬਹੁਤ ਘੱਟ ਲੋਕ ਜਾਣਦੇ ਹਨ ਜਦਕਿ ਨੁਕਸਾਨ ਬਹੁਤ ਜ਼ਿਆਦਾ ਲੋਕਾਂ ਦਾ ਹੁੰਦਾ ਹੈ। ਤਤਕਾਲ ਟਿਕਟ ਦੀ ਪੁਸ਼ਟੀ ਨੂੰ ਤੁਸੀਂ ਉਂਝ ਰੱਦ ਨਹੀਂ ਕਰ ਸਕਦੇ ਪਰ ਕੁਝ ਖਾਸ ਸਥਿਤੀ 'ਚ ਇਸ ਦੇ ਬਦਲੇ ਰਿਫੰਡ ਲੈ ਸਕਦੇ ਹੋ।
-ਟ੍ਰੇਨ 'ਚ ਜੇਕਰ 3 ਘੰਟੇ ਤੋਂ ਜ਼ਿਆਦਾ ਸਮਾਂ ਲੇਟ ਹੁੰਦੀ ਹੈ ਅਤੇ ਇਸ ਕਾਰਨ ਤੁਸੀਂ ਇਸ 'ਚ ਸਫਰ ਨਹੀਂ ਕਰ ਸਕਦੇ।
-ਬੰਦ ਹੋਣ ਕਾਰਨ, ਰੇਲ ਰੋਕਣ ਅਤੇ ਹੜ੍ਹ ਸਮੇਤ ਹੋਰ ਕਈ ਕਾਰਨਾਂ ਕਰਕੇ ਜੇਕਰ ਟ੍ਰੇਨ ਰੱਦ ਹੋ ਜਾਵੇ।
-ਟ੍ਰੇਨ ਨੂੰ ਜੇਕਰ ਮਿੱਥੇ ਰੂਟ 'ਤੇ ਨਾ, ਸਗੋਂ ਦੂਜੇ ਰੂਟ 'ਤੇ ਚਲਾਇਆ ਜਾਵੇ ਅਤੇ ਯਾਤਰੀ ਦਾ ਸਟੇਸ਼ਨ ਉਸ ਰੂਟ 'ਤੇ ਨਾ ਹੋਵੇ।
ਇਨ੍ਹਾਂ ਖਾਸ ਸਥਿਤੀਆਂ 'ਚ ਤਰੁੰਤ ਟਿਕਟ ਦਾ ਰਿਫੰਡ ਮਿਲ ਸਕਦਾ ਹੈ।
ਕੁਝ ਹੋਰ ਖਾਸ ਗੱਲਾਂ—
-ਈ ਟਿਕਟ ਬੁੱਕ ਕਰਵਾਉਣ ਵਾਲੇ ਯਾਤਰੀ 24 ਘੰਟੇ ਪਹਿਲਾਂ ਤੱਕ ਬੋਰਡਿੰਗ ਸਟੇਸ਼ਨ ਬਦਲ ਸਕਦੇ ਹਨ। ਇਹ ਵੀ ਧਿਆਨ ਰਹੇ ਕਿ ਇਸ ਨੂੰ ਇੱਕ ਵਾਰ ਹੀ ਕੀਤਾ ਜਾ ਸਕਦਾ ਹੈ।
-ਜੇਕਰ ਟਿਕਟ ਏ.ਸੀ. ਕਲਾਸ ਦਾ ਹੋਵੇ ਤਾਂ ਰੇਲਵੇ ਦੇ ਕਾਰਨ ਸਲੀਪਰ 'ਚ ਸਫਰ ਕਰਨਾ ਪੈ ਰਿਹਾ ਤਾਂ ਰਿਫੰਡ ਕਲੇਮ ਕੀਤਾ ਜਾ ਸਕਦਾ ਹੈ। ਜੇਕਰ ਏ.ਸੀ. ਕੋਚ 'ਚ ਏ. ਸੀ. ਖਰਾਬ ਹੁੰਦਾ ਹੈ ਤਾਂ ਰਿਫੰਡ ਕਲੇਮ ਕੀਤਾ ਜਾ ਸਕਦਾ ਹੈ।
-ਤੁਹਾਡੇ ਨਾਂ ਰਾਹੀਂ ਜਾਰੀ ਕਨਫਰਮ ਟਿਕਟ 'ਤੇ ਤੁਹਾਡੇ ਮਾਤਾ-ਪਿਤਾ, ਭਰਾ-ਭੈਣ, ਬੇਟਾ-ਬੇਟੀ, ਅਤੇ ਤੁਹਾਡੀ ਪਤਨੀ ਸਫਰ ਕਰ ਸਕਦੇ ਹਨ। ਇਸ ਦੇ ਲਈ ਤੁਹਾਨੂੰ ਟ੍ਰਾਂਸਫਰ ਕਰਵਾਉਣਾ ਹੋਵੇਗਾ। ਜਿੱਥੋ ਟ੍ਰੇਨ ਚੱਲੇਗੀ ਉਸ ਸਟੇਸ਼ਨ 'ਤੇ ਤੁਹਾਨੂੰ 24 ਘੰਟੇ ਪਹਿਲਾਂ ਚੀਫ ਰਿਜ਼ਰਵੇਸ਼ਨ ਸੁਪਰਵਾਇਜ਼ਰ ਕੋਲ ਰਿਕਵੈਸਟ ਦੇਣੀ ਪੈਵੇਗੀ। ਯਾਤਰੀ ਇਸ ਦਾ ਫਾਇਦਾ ਤਾਂ ਲੈ ਸਕਦੇ ਹਨ ਜਦੋਂ ਉਸ ਦੇ ਸਟੇਸ਼ਨ ਤੋਂ ਹੀ ਟ੍ਰੇਨ ਸ਼ੁਰੂ ਹੁੰਦੀ ਹੋਵੇ ਜਾਂ ਮੂਲ ਸਟੇਸ਼ਨ ਉਸ ਦੇ ਸ਼ਹਿਰ ਦੇ ਨੇੜੇ ਹੀ ਹੋਵੇ।
-ਹਰ ਟ੍ਰੇਨ 'ਚ 'ਫਸਟ ਏਡ ਬਾਕਸ' ਦੀ ਸਹੂਲਤ ਹੁੰਦੀ ਹੈ। ਅਜਿਹੇ 'ਚ ਸਰੀਰਕ ਰੂਪ ਤੋਂ ਕੋਈ ਪਰੇਸ਼ਾਨੀ ਹੋਣ 'ਤੇ ਤੁਸੀ ਫਸਟ ਏਡ ਬਾਕਸ ਮੰਗ ਸਕਦੇ ਹੋ। ਇਹ ਬਾਕਸ ਤੁਹਾਨੂੰ ਟੀ.ਟੀ.ਆਈ ਜਾਂ ਟ੍ਰੇਨ 'ਚ ਮੌਜੂਦ ਰੇਲਵੇ ਕਰਮਚਾਰੀ ਤੋਂ ਮਿਲ ਸਕਦਾ ਹੈ। ਇਹ ਸਹੂਲਤ ਫ੍ਰੀ ਹੈ।
-ਜੇਕਰ ਟਿਕਟ ਆਨਲਾਈਨ ਲਈ ਹੈ ਤਾਂ ਤੁਹਾਡੇ ਕੋਲ ਨਾ ਟਿਕਟ ਹੋਵੇ ਅਤੇ ਨਾ ਹੀ ਮੈਸੇਜ ਹੋਵੇ ਤਾਂ ਵੀ ਤੁਸੀਂ ਸਫਰ ਕਰ ਸਕਦੇ ਹੋ। ਤੁਹਾਡੇ ਕੋਲ ਬੱਸ ਵੈਲਿਡ ਆਈ. ਕਾਰਡ (ਆਧਾਰ, ਪੈਨ ਕਾਰਡ, ਡੀ.ਐੱਲ. ਆਦਿ) ਹੋਣਾ ਚਾਹੀਦਾ ਹੈ ਅਤੇ ਤੁਹਾਡੀ ਸੀਟ ਅਤੇ ਬੋਗੀ ਨੰਬਰ ਪਤਾ ਹੋਣੀ ਚਾਹੀਦੀ ਹੈ।
ਜਾਣੋ NRI ਕਿਵੇਂ ਕਰ ਸਕਦੇ ਹਨ ਭਾਰਤ 'ਚ ਨਿਵੇਸ਼
NEXT STORY 
