ਅਲੀਰਾਜਪੁਰ—ਦੇਸ਼ ਆਜ਼ਾਦ ਹੋਣ ਤੋਂ ਬਾਅਦ ਵੀ 72 ਸਾਲਾਂ ਦੇ ਇੰਤਜ਼ਾਰ ਦੀ ਘੜੀ ਉਸ ਸਮੇਂ ਖਤਮ ਹੋਈ ਜਦੋਂ ਬੁੱਧਵਾਰ (30 ਅਕਤੂਬਰ) ਨੂੰ ਮੱਧ ਪ੍ਰਦੇਸ਼ ਦੇ ਅਲੀਰਾਜਪੁਰ 'ਚ ਪਹਿਲੀ ਯਾਤਰੀ ਟ੍ਰੇਨ ਗੁਜਰਾਤ ਦੇ ਛੋਟੇ ਉਦੈਪੁਰ ਤੋਂ ਪਹੁੰਚੀ। ਦੁਪਹਿਰ ਢਾਈ ਵਜੇ ਜਦੋਂ ਅਲੀਰਾਜਪੁਰ ਟ੍ਰੇਨ ਪਹੁੰਚੀ ਤਾਂ ਲੋਕ ਨੇ ਆਤਿਸ਼ਬਾਜੀ ਚਲਾ ਕੇ ਟ੍ਰੇਨ ਦਾ ਸਵਾਗਤ ਕੀਤਾ। ਅੱਜ ਭਾਵ ਵੀਰਵਾਰ ਤੋਂ ਇਹ ਟ੍ਰੇਨ ਨਿਯਮਿਤ ਤੌਰ 'ਤੇ ਅਲੀਰਾਜਪੁਰ ਤੋਂ ਵਡੋਦਰਾ ਦੇ ਪ੍ਰਤਾਪਨਗਰ ਸਟੇਸ਼ਨ ਤੱਕ ਚੱਲੇਗੀ ਫਿਲਹਾਲ ਸ਼ਹਿਰ ਅਤੇ ਜ਼ਿਲਿਆਂ ਦੇ ਲੋਕ ਗੁਜਰਾਤ ਦੇ ਵਡੋਦਰਾ ਤੱਕ ਟ੍ਰੇਨ 'ਚ ਸਫਰ ਕਰ ਸਕਣਗੇ। ਆਮ ਲੋਕਾਂ ਨੂੰ ਤਾਂ ਇਸ ਤੋਂ ਫਾਇਦਾ ਹੋਵੇਗਾ ਪਰ ਇਸ ਦੇ ਨਾਲ ਹੀ ਵਪਾਰ ਅਤੇ ਉਦਯੋਗ ਵੀ ਅੱਗੇ ਵਧੇਗਾ। ਦੱਸ ਦੇਈਏ ਕਿ ਰਾਜ ਸਭਾ ਸੰਸਦ ਮੈਂਬਰ ਨਰਾਇਣਭਾਈ ਰਾਠਵਾ ਅਤੇ ਛੋਟਾ ਉਦੈਪੁਰ ਤੋਂ ਸੰਸਦ ਮੈਂਬਰ ਗੀਤਾਬੇਨ ਰਾਠਵਾ ਨੇ ਟ੍ਰੇਨ ਨੂੰ ਦੁਪਹਿਰ 12 ਵਜੇ ਹਰੀ ਝੰਡੀ ਦਿਖਾ ਕੇ ਆਲੀਰਾਜਪੁਰ ਲਈ ਰਵਾਨਾ ਕੀਤਾ।
ਜ਼ਿਕਰਯੋਗ ਹੈ ਕਿ ਇਸ ਰੇਲ ਲਾਈਨ ਦਾ ਉਦਘਾਟਨ 8 ਫਰਵਰੀ 2008 'ਚ ਹੋਇਆ ਸੀ। ਉਸ ਸਮੇਂ ਇਹ ਉਮੀਦ ਸੀ ਕਿ ਅਲੀਰਾਜਪੁਰ ਟ੍ਰੇਨ ਪਹੁੰਚੇਗੀ ਪਰ ਲੋਕਾਂ ਨੂੰ ਪੂਰੇ 11 ਸਾਲ ਦਾ ਇੰਤਜ਼ਾਰ ਕਰਨਾ ਪਿਆ। ਇੱਥੇ ਇਹ ਵੀ ਦੱਸਿਆ ਜਾਂਦਾ ਹੈ ਕਿ ਸਥਾਨਿਕ ਲੋਕ ਦੱਸਦੇ ਹਨ ਕਿ ਅਲੀਰਾਜਪੁਰ 'ਚ 84 ਸਾਲ ਪਹਿਲਾਂ ਬੱਸ ਸੇਵਾ ਸ਼ੁਰੂ ਹੋਈ ਸੀ। ਇਸ ਤੋਂ ਬਾਅਦ ਕਈ ਸਾਲਾਂ ਤੱਕ ਨੇਤਾਵਾਂ ਨੇ ਟ੍ਰੇਨ ਸੇਵਾ ਸ਼ੁਰੂ ਕਰਨ ਦੇ ਵਾਅਦੇ ਪਰ ਕੋਈ ਵਾਅਦਾ ਜ਼ਮੀਨ 'ਤੇ ਨਹੀਂ ਉਤਰਿਆ ਪਰ ਹੁਣ ਜਾ ਕੇ ਅਲੀਰਾਜਪੁਰ 'ਚ ਪਹਿਲੀ ਯਾਤਰੀ ਟ੍ਰੇਨ ਆਈ ਹੈ। ਫਰਵਰੀ 2008 'ਚ ਉਸ ਸਮੇਂ ਦੇ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਅਤੇ ਉਸ ਸਮੇਂ ਦੇ ਰੇਲ ਮੰਤਰੀ ਲਾਲੂ ਪ੍ਰਸ਼ਾਦ ਯਾਦਵ ਨੇ ਝਾਬੂਆਂ 'ਚ ਛੋਟੇ ਉਦੈਪੁਰ-ਧਾਰ ਰੇਲ ਪ੍ਰੋਜੈਕਟ ਦਾ ਉਦਘਾਟਨ ਕੀਤਾ ਸੀ।
ਪਹਿਲੇ ਪੜਾਅ 'ਚ ਅਲੀਰਾਜਪੁਰ ਤੋਂ ਛੋਟਾ ਉਦੈਪੁਰ ਵਿਚਾਲੇ ਰੇਲ ਲਾਈਨ ਬਿਛਾਈ ਗਈ ਹੈ, ਜਿਸ 'ਤੇ ਹੁਣ ਟ੍ਰੇਨ ਦੌੜੇਗੀ।ਹੁਣ ਅਲੀਰਾਜਪੁਰ 'ਚ ਰੇਲ ਸੇਵਾ ਸ਼ੁਰੂ ਹੋਣ ਦੇ ਨਾਲ ਹੀ ਹੁਣ ਲੋਕਾਂ ਦੀ ਉਮੀਦ ਧਾਰ ਤੱਕ ਜਲਦੀ ਹੀ ਟ੍ਰੇਨ ਸਹੂਲਤ ਸ਼ੁਰੂ ਕਰਨ ਨੂੰ ਲੈ ਕੇ ਵੱਧ ਗਈ ਹੈ ਫਿਲਹਾਲ ਇੰਦੌਰ-ਦਾਹੋਦ ਪ੍ਰੋਜੈਕਟ 'ਚ ਟਿਹੀ ਤੱਕ (22 ਕਿ.ਮੀ) ਦਾ ਕੰਮ ਹੋ ਚੁੱਕਾ ਹੈ। ਇਹ ਦੋਵੇਂ ਕੰਮ ਪੂਰੇ ਹੋਣ 'ਤੇ ਇੰਦੌਰ ਨੂੰ ਗੁਜਰਾਤ ਲਈ ਨਵੀਂ ਕੁਨੈਕਟਵਿਟੀ ਮਿਲ ਜਾਵੇਗੀ।
ਧਾਰਾ 370 ਤੇ 35ਏ ਨੂੰ ਖਤਮ ਕਰ ਕੇ ਮੋਦੀ ਨੇ ਭਾਰਤ 'ਚ ਅੱਤਵਾਦ ਦੇ ਰਾਹ ਕੀਤੇ ਬੰਦ : ਸ਼ਾਹ
NEXT STORY 
