ਪ੍ਰਯਾਗਰਾਜ : ਸ਼ਹਿਰ ਦੇ ਧੂਮਨਗੰਜ ਥਾਣੇ ਅਧੀਨ ਪੈਂਦੇ ਰਾਮਮਨ ਕਾ ਪੁਰਵਾ ਇਲਾਕੇ ਵਿਚ ਐਤਵਾਰ ਦੁਪਹਿਰ ਨੂੰ ਇਕ ਵਿਅਕਤੀ ਨੇ ਕਥਿਤ ਤੌਰ 'ਤੇ ਤੇਜ਼ਧਾਰ ਹਥਿਆਰਾਂ ਨਾਲ ਆਪਣੀਆਂ ਦੋ ਨਾਬਾਲਗ ਧੀਆਂ ਦਾ ਕਤਲ ਕਰ ਕੇ ਫਾਹਾ ਲਗਾ ਲਿਆ। ਵਧੀਕ ਪੁਲਸ ਕਮਿਸ਼ਨਰ ਐੱਨ ਕੋਲਾਂਚੀ ਨੇ ਦੱਸਿਆ ਕਿ ਅੱਜ ਦੁਪਹਿਰ '112' 'ਤੇ ਸੂਚਨਾ ਦਿੱਤੀ ਗਈ ਕਿ ਧੂਮਨਗੰਜ ਦੇ ਇਕ ਘਰ 'ਚ ਇਕ ਵਿਅਕਤੀ ਨੇ ਫਾਹਾ ਲੈ ਲਿਆ ਹੈ ਅਤੇ ਉਸ ਦੀਆਂ ਦੋ ਬੇਟੀਆਂ ਦੀਆਂ ਲਾਸ਼ਾਂ ਨੇੜੇ ਹੀ ਪਈਆਂ ਹਨ।
ਉਨ੍ਹਾਂ ਦੱਸਿਆ ਕਿ ਇਸ ਸੂਚਨਾ 'ਤੇ ਪੁਲਸ ਨੇ ਫੀਲਡ ਯੂਨਿਟ ਸਮੇਤ ਮੌਕੇ 'ਤੇ ਪਹੁੰਚ ਕੇ ਕਮਰੇ ਦਾ ਦਰਵਾਜ਼ਾ ਖੋਲ੍ਹਿਆ ਜੋ ਅੰਦਰੋਂ ਬੰਦ ਸੀ। ਕੋਲਾਂਚੀ ਨੇ ਦੱਸਿਆ ਕਿ ਮ੍ਰਿਤਕਾਂ ਦੀ ਪਛਾਣ ਮਨੀਸ਼ ਪ੍ਰਜਾਪਤੀ (30), ਉਸ ਦੀ ਬੇਟੀ ਨੈਨਸੀ (5) ਤੇ ਖੁਸ਼ਬੂ (3) ਵਜੋਂ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਪਹਿਲੀ ਨਜ਼ਰੇ ਇਹ ਜਾਪਦਾ ਹੈ ਕਿ ਧੀਆਂ ਦੇ ਪੇਟ ਵਿੱਚ ਛੁਰਾ ਮਾਰਿਆ ਗਿਆ ਹੈ। ਕੋਲਾਂਚੀ ਨੇ ਕਿਹਾ ਕਿ ਮਨੀਸ਼ ਪੇਂਟਿੰਗ ਦਾ ਕੰਮ ਕਰਦਾ ਸੀ ਅਤੇ ਦੁਪਹਿਰ ਨੂੰ ਉਸਨੇ ਆਪਣੀ ਪਤਨੀ ਨੂੰ ਬੁਲਾਇਆ ਅਤੇ ਪੁੱਛਿਆ ਕਿ ਉਹ ਕਿੱਥੇ ਹੈ। ਪਤਨੀ ਨੇ ਦੱਸਿਆ ਕਿ ਉਹ ਬਾਜ਼ਾਰ 'ਚ ਸੀ। ਇਸ ਤੋਂ ਬਾਅਦ ਮਨੀਸ਼ ਨੇ ਇਹ ਕਦਮ ਚੁੱਕਿਆ। ਉਨ੍ਹਾਂ ਕਿਹਾ ਕਿ ਕਤਲ ਅਤੇ ਖੁਦਕੁਸ਼ੀ ਦੇ ਕਾਰਨਾਂ ਦਾ ਪਤਾ ਜਾਂਚ ਤੋਂ ਬਾਅਦ ਹੀ ਲੱਗੇਗਾ। ਕੋਲਾਂਚੀ ਅਨੁਸਾਰ ਮਨੀਸ਼ ਦੀ ਪਤਨੀ ਫਿਲਹਾਲ ਗੱਲ ਕਰਨ ਦੀ ਸਥਿਤੀ ਵਿਚ ਨਹੀਂ ਹੈ ਅਤੇ ਫੋਰੈਂਸਿਕ ਟੀਮ ਸਬੂਤ ਆਦਿ ਇਕੱਠੇ ਕਰ ਰਹੀ ਹੈ।
ਗੂਗਲ ਤੋਂ ਨੰਬਰ ਕੱਢਣਾ ਪਿਆ ਮਹਿੰਗਾ, ਸਾਈਬਰ ਅਪਰਾਧੀ ਨੇ ਸੀਮਿੰਟ ਦੇ ਨਾਂ 'ਤੇ ਠੱਗੇ 1.04 ਲੱਖ ਰੁਪਏ
NEXT STORY 
