ਸ਼ਿਮਲਾ- ਹਿਮਾਚਲ ਪ੍ਰਦੇਸ਼ ਘੁੰਮਣ ਜਾਣ ਵਾਲੇ ਸੈਲਾਨੀਆਂ ਲਈ ਥੋੜ੍ਹੀ ਝਟਕੇ ਵਾਲੀ ਖ਼ਬਰ ਹੈ। ਹੁਣ ਹਿਮਾਚਲ ਪ੍ਰਦੇਸ਼ ਦੀਆਂ ਵਾਦੀਆਂ 'ਚ ਜਾਣਾ ਸੈਲਾਨੀਆਂ ਨੂੰ ਮਹਿੰਗਾ ਪਵੇਗਾ। ਦਰਅਸਲ ਹਿਮਾਚਲ ਵਿਚ ਹੋਰ ਸੂਬਿਆਂ ਦੇ ਵਾਹਨਾਂ ਦੀ ਐਂਟਰੀ ਫ਼ੀਸ 10 ਤੋਂ 50 ਰੁਪਏ ਤੱਕ ਵਧਾ ਦਿੱਤੀ ਗਈ ਹੈ। ਸੂਬਾ ਸਰਕਾਰ ਨੇ ਵਿੱਤੀ ਸਾਲ 2023-24 ਲਈ ਟੋਲ ਬੈਰੀਅਰ 'ਤੇ ਲਈ ਜਾਣ ਵਾਲੀ ਐਂਟਰੀ ਫ਼ੀਸ ਵਧਾ ਦਿੱਤੀ ਹੈ।
ਇਹ ਵੀ ਪੜ੍ਹੋ- ਇੰਸਟਾਗ੍ਰਾਮ 'ਤੇ ਕਿਸੇ ਹੋਰ ਨਾਲ ਚੈਟ ਰਹੀ ਸੀ ਪ੍ਰੇਮਿਕਾ, ਭੜਕੇ ਪ੍ਰੇਮੀ ਨੇ ਦਿੱਤੀ ਰੂਹ ਕੰਬਾਊ ਮੌਤ
ਨੋਟੀਫ਼ਿਕੇਸ਼ਨ ਮੁਤਾਬਕ ਛੋਟੇ ਵਾਹਨਾਂ ਦਾ 10 ਰੁਪਏ ਤਾਂ ਵੱਡੇ ਵਾਹਨਾਂ ਦੀ ਐਂਟਰੀ ਫ਼ੀਸ 50 ਰੁਪਏ ਵਧਾ ਦਿੱਤੀ ਹੈ। ਇਸ ਨਵੀਂ ਵਿਵਸਥਾ ਤਹਿਤ ਟਰੱਕਾਂ ਤੋਂ ਇਲਾਵਾ ਹੋਰ ਮਾਲ ਢੋਹਣ ਵਾਲੇ ਵਾਹਨਾਂ ਲਈ 450 ਦੀ ਥਾਂ 500 ਰੁਪਏ ਦੇਣੇ ਹੋਣਗੇ, ਜਦਕਿ ਮਲਟੀ ਐਕਸਲ ਟਰੱਕਾਂ ਤੋਂ 600 ਰੁਪਏ ਲਏ ਜਾਣਗੇ। ਖ਼ਾਸ ਗੱਲ ਇਹ ਹੈ ਕਿ ਇਹ ਫ਼ੀਸ ਹੋਰ ਸੂਬਿਆਂ ਤੋਂ ਇਲਾਵਾ ਹਿਮਾਚਲ 'ਚ ਰਜਿਸਟਰਡ ਮਲਟੀ ਅਕਸਲ ਟਰੱਕਾਂ ਤੋਂ ਵੀ ਲਈ ਜਾਵੇਗੀ। ਨਵੀਆਂ ਦਰਾਂ 1 ਅਪ੍ਰੈਲ ਤੋਂ ਲਾਗੂ ਹੋਣਗੀਆਂ।
ਇਹ ਵੀ ਪੜ੍ਹੋ- ਸਾਵਧਾਨ! ਕਈ ਦਿਨਾਂ ਤੋਂ ਹੈ ਬੁਖ਼ਾਰ ਜਾਂ ਖੰਘ, ਹੋ ਸਕਦੈ H3N2 ਵਾਇਰਸ, ਜਾਣੋ ਰੋਕਥਾਮ ਦੇ ਤਰੀਕੇ
ਦਰਅਸਲ ਸੂਬਾ ਸਰਕਾਰ ਨੇ ਟੈਕਸ ਅਤੇ ਆਬਕਾਰੀ ਵਿਭਾਗ ਨੂੰ ਆਗਾਮੀ ਵਿੱਤੀ ਸਾਲ ਲਈ ਟੋਲ ਬੈਰੀਅਰ ਦੀ ਆਮਦਨ 'ਚ 20 ਫ਼ੀਸਦੀ ਦੇ ਵਾਧੇ ਦਾ ਟੀਚਾ ਰੱਖਿਆ ਹੈ। ਪਹਿਲਾਂ ਹਿਮਾਚਲ ਵਿਚ ਸਾਰੇ ਟੋਲ ਬੈਰੀਅਰ ਤੋਂ 100 ਕਰੋੜ ਰੁਪਏ ਦੀ ਆਮਦਨ ਹੁੰਦੀ ਰਹੀ ਹੈ। ਇਸ ਵਾਰ 120 ਕਰੋੜ ਇਕੱਠੇ ਕਰਨ ਦਾ ਟੀਚਾ ਰੱਖਿਆ ਗਿਆ ਹੈ। ਕੈਬਨਿਟ ਵਲੋਂ ਮਨਜ਼ੂਰੀ ਤੋਂ ਬਾਅਦ ਇਸ ਦੀ ਨੋਟੀਫ਼ਿਕੇਸ਼ਨ ਜਾਰੀ ਕੀਤੀ ਗਈ ਹੈ।
ਇਹ ਵੀ ਪੜ੍ਹੋ- ਲਾਲੂ ਪ੍ਰਸਾਦ ਦੇ ਪਰਿਵਾਰ 'ਤੇ ED ਦਾ ਸ਼ਿਕੰਜਾ, ਜ਼ਬਤ ਕੀਤੇ 53 ਲੱਖ ਰੁਪਏ
ਇਹ ਰਹੀਆਂ ਐਂਟਰੀ ਫ਼ੀਸ ਦੀਆਂ ਨਵੀਆਂ ਦਰਾਂ
| ਵਾਹਨ |
ਪੁਰਾਣੀ ਦਰ |
ਨਵੀਂ ਦਰ |
| ਮਲਟੀ ਐਕਸਲ ਟਰੱਕ |
- |
600 ਰੁਪਏ |
| ਭਾਰੀ ਮਾਲ ਢੋਹਣ ਵਾਲੇ ਵਾਹਨ 250 ਕੁਇੰਟਲ ਤੱਕ |
450 ਰੁਪਏ |
500 ਰੁਪਏ |
| ਮਾਲ ਢੋਹਣ ਵਾਲੇ ਛੋਟੇ ਵਾਹਨ 20 ਕੁਇੰਟਲ ਤੋਂ ਘੱਟ |
90 ਰੁਪਏ |
100 ਰੁਪਏ |
| ਯਾਤਰੀ ਵਾਹਨ 12 ਸੀਟਾਂ ਤੋਂ ਵਧ |
120 ਰੁਪਏ |
140 ਰੁਪਏ |
| ਯਾਤਰੀ ਤੇ ਨਿੱਜੀ ਵਾਹਨ 6 ਤੋਂ 12 ਸੀਟਰ |
70 ਰੁਪਏ |
80 ਰੁਪਏ |
| ਨਿੱਜੀ ਜਾਂ ਜਨਤਕ ਵਾਹਨ 5 ਸੀਟਰ |
40 ਰੁਪਏ |
50 ਰੁਪਏ |
| ਟਰੈਕਟਰ |
50 ਰੁਪਏ |
60 ਰੁਪਏ |
ਓਡੀਸ਼ਾ 'ਚ ਮਿਲਿਆ ਜਾਸੂਸ ਕਬੂਤਰ, ਲੱਤਾਂ 'ਤੇ ਲੱਗੀ ਛੋਟੇ ਕੈਮਰੇ ਵਰਗੀ ਮਸ਼ੀਨ
NEXT STORY 
