ਜਲੰਧਰ-ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਭਾਵੇਂ ਹੀ 'ਮੇਕ ਇਨ ਇੰਡੀਆ' ਦਾ ਨਾਅਰਾ ਦੇ ਕੇ ਸਥਾਨਕ ਉਦਯੋਗਾਂ ਨੂੰ ਉਤਸ਼ਾਹ ਕਰਨ ਦੀ ਗੱਲ ਕਰ ਰਹੇ ਹਨ ਪਰ ਕੇਂਦਰੀ ਮਾਈਕਰੋ, ਲਘੂ ਤੇ ਮੱਧ ਉਦਯੋਗ ਮੰਤਰਾਲੇ ਦੀ ਵੈਬਸਾਈਟ 'ਤੇ ਵਿਦੇਸ਼ੀ ਕੰਪਨੀਆਂ ਐਪਲ ਅਤੇ ਫਿਲੀਪਸ ਦਾ ਸਮਾਨ ਵੇਚਿਆ ਜਾ ਰਿਹਾ ਹੈ। ਇਸ ਵੈਬਸਾਈਟ ਦਾ ਉਦਘਾਟਨ ਕੇਂਦਰੀ ਮਾਈਕਰੋ, ਲਘੂ ਉਦਯੋਗ ਮੰਤਰੀ ਕਲਰਾਜ ਮਿਸ਼ਰ ਨੇ 9 ਅਗਸਤ ਨੂੰ ਕੀਤਾ ਸੀ। ਇਸ ਵੈਬਸਾਈਟ ਦੇ ਉਦਘਾਟਨ ਦੇ ਸਮੇਂ ਸਥਾਨਕ ਉਦਯੋਗਾਂ ਨੂੰ ਇਸ ਮੰਚ 'ਤੇ ਥਾਂ ਦੇਣ ਦੀ ਗੱਲ ਆਖੀ ਗਈ ਸੀ। ਇਸ ਵੈਬਸਾਈਟ ਦਾ ਮਕਸਦ ਛੋਟੇ ਉਦਯੋਗਪਤੀਆਂ ਦੇ ਸਮਾਨ ਨੂੰ ਵੈਬਸਾਈਟ 'ਤੇ ਦਿਖਾਉਣ ਸੀ ਤਾਂ ਜੋ ਭਾਰਤ ਦੇ ਛੋਟੇ ਬ੍ਰਾਂਡਜ਼ ਨੂੰ ਆਨਲਾਈਨ ਗ੍ਰਾਹਕ ਮਿਲ ਸਕੇ ਪਰ ਪਿਛਲੇ 3 ਮਹੀਨਿਆਂ 'ਚ ਇਸ ਵੈਬਸਾਈਟ 'ਤੇ ਸਥਾਨਕ ਬ੍ਰਾਂਡਜ਼ ਨੂੰ ਜੋੜਨ ਦੀ ਪਹਿਲ ਨਹੀਂ ਕੀਤੀ ਗਈ ਹੈ।
ਜਲੰਧਰ ਖੇਡ ਉਦਯੋਗ ਦਾ ਵੱਡਾ ਕੇਂਦਰ ਹੈ ਪਰ ਵੈਬਸਾਈਟ ਦੇ ਕੰਜ਼ਿਊਮਰ ਕਾਲਮ 'ਚ ਜਾਣ 'ਚੇ ਜਲੰਧਰ ਦਾ ਸਿਰਫ ਇਕ ਹੀ ਬ੍ਰਾਡ ਨਜ਼ਰ ਆਉਂਦਾ ਹੈ। ਐਮ.ਐਸ.ਐਮ.ਈ.ਮੰਤਰਾਲੇ ਦੀ ਇਸ ਵੈਬਸਾਈਟ ਨੂੰ ਨੈਸ਼ਨਲ ਸਮਾਲ ਇੰਡਸਟਰੀਜ਼ ਕਾਰਪੋਰੇਸ਼ਨ ਲਿਮੀ.(ਐਨ.ਐਸ.ਆਈ.ਸੀ.) ਚਲਾਉਂਦਾ ਹੈ। ਇਸ ਵੈਬਸਾਈਟ ਦਾ ਪ੍ਰਚਾਰ ਨਾ ਕੀਤੇ ਜਾਣ ਕਾਰਨ ਛੋਟੇ ਉਦਯੋਗਪਤੀਆਂ ਨੂੰ ਉਸਦੀ ਜਾਣਕਾਰੀ ਵੀ ਨਹੀਂ ਹੈ। ਸਪੋਰਟਸ ਦੇ ਮੁੱਖ ਬ੍ਰਾਂਡ ਡਿਕਸਨ ਦੇ ਮਾਲਕ ਅਤੇ ਵਪਾਰ ਖੇਡ ਦੇ ਪ੍ਰਧਾਨ ਰਵਿੰਦਰ ਧੀਰ ਨੇ ਕਿਹਾ ਕਿ ਉਨ੍ਹਾਂ ਨੇ ਇਸ ਵੈਬਸਾਈਟ ਬਾਰੇ ਜਾਣਕਾਰੀ ਨਹੀ ਹੈ ਅਤੇ ਜਦੋਂ ਤੱਕ ਸਰਕਾਰ ਇਸ ਵੈਬਸਾਈਟ ਦਾ ਪ੍ਰਚਾਰ ਨਹੀਂ ਕਰਦੀ ਉੱਦਮੀਆਂ ਦਾ ਇਸ ਨਾਲ ਜੁੜਨਾ ਮੁਸ਼ਕਿਲ ਹੈ। ਸਾਨੂੰ ਤਾਂ ਸਰਕਾਰ ਨਾਲ ਜੁੜੀ ਕਿਸੇ ਸੰਸਥਾ ਨਾਲ ਵੀ ਇਸ ਬਾਰੇ ਪਤਾ ਨਹੀਂ ਚੱਲਿਆ ਹੈ। ਹੁਣ ਅਸੀਂ ਆਪ ਇਸ ਵੈਬਸਾਈਟ 'ਤੇ ਜਾ ਕੇ ਆਪਣੇ ਸਮਾਨ ਦੀ ਪੇਸ਼ਕਾਰੀ ਕਰਨ ਦਾ ਰਸਤਾ ਲੱਭਣਗੇ।
ਦੂਜੇ ਪਾਸੇ ਕੇਂਦਰ ਸਰਕਾਰ ਨੇ ਇਹ ਵੈਬਸਾਈਟ ਤਾਂ ਸ਼ੁਰੂ ਕਰ ਦਿੱਤੀ ਹੈ ਪਰ ਇਸ ਵੈਬਸਾਈਟ ਨੂੰ ਉੱਦਮੀਆਂ ਨੂੰ ਜੋੜਨ 'ਚ ਅਹਿਮ ਭੂਮਿਕਾ ਅਦਾ ਕਰਨ ਵਾਲੇ ਵਿਭਾਗਾਂ 'ਚ ਤਾਲਮੇਲ ਦੀ ਕਮੀ ਸਾਫ ਨਜ਼ਰ ਆ ਰਹੀ ਹੈ। ਇੰਜੀਨੀਅਰ ਐਕਸਪਰਟ ਪ੍ਰੋਮੋਸ਼ਨ ਕੌਂਸਲ ਨਾਲ ਈ.ਈ.ਪੀ.ਸੀ. ਨੂੰ ਇਸ ਪੋਰਟਲ ਬਾਰੇ ਜਾਣਕਾਰੀ ਵੀ ਨਹੀਂ ਹੈ। ਈ.ਈ.ਪੀ.ਸੀ. ਦੇ ਰਿਜ਼ਨਲ ਡਾਇਰੈਕਟਰ ਉਪਿੰਦਰ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਸ ਵੈਬਸਾਈਟ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ ਪਰ ਜੇਕਰ ਸਰਕਾਰ ਦੀ ਕੋਈ ਅਜਿਹੀ ਵੈਬਸਾਈਟ ਹੈ ਤਾਂ ਇਸਦੇ ਪ੍ਰਚਾਰ ਦੀ ਲੋੜ ਹੈ। ਈ.ਈ.ਪੀ.ਸੀ. ਦਾ ਛੋਟੇ ਉਦਯੋਗੀਪਤੀਆਂ ਨਾਲ ਸਿੱਧਾ ਸੰਬੰਧ ਹੈ ਅਤੇ ਜੇਕਰ ਐਮ.ਐਸ.ਐਮ.ਈ. ਵਿਭਾਗ ਈ.ਈ.ਪੀ.ਸੀ. ਨੂੰ ਲੈ ਕੇ ਚੱਲਦਾ ਹੈ ਤਾਂ ਇਸ ਨਾਲ ਉਦਯੋਗੀਪਤੀਆਂ ਨੂੰ ਵੀ ਫਾਇਦਾ ਹੋਵੇਗਾ।
ਆਪਣੀ ਆਖਰੀ ਬੈਠਕ ਤੋਂ ਬਾਅਦ ਭਾਵੁਕ ਹੋ ਗਏ ਮਨੋਹਰ ਪਾਰੀਕਰ
NEXT STORY 
