ਨਵੀਂ ਦਿੱਲੀ - ਸਪਲਾਈ ਕਮਜ਼ੋਰ ਹੋਣ ਨਾਲ ਬੀਤੇ ਹਫਤੇ ਦੌਰਾਨ ਦਾਲਾਂ 'ਚ ਮਾਂਹ, ਮੂੰਗੀ ਦੀਆਂ ਕੀਮਤਾਂ 'ਚ 250 ਰੁਪਏ ਕੁਇੰਟਲ ਦਾ ਵਾਧਾ ਹੋਇਆ। ਆਟਾ ਮਿੱਲਾਂ ਦੀ ਮੰਗ ਨਾਲ ਕਣਕ 'ਚ ਸਥਿਰਤਾ ਰਹੀ, ਜਦਕਿ ਆਮਦ ਵਧਣ ਅਤੇ ਮੰਗ ਕਮਜ਼ੋਰ ਹੋਣ ਨਾਲ ਬਾਜਰਾ 15 ਰੁਪਏ ਟੁੱਟ ਗਿਆ। ਉਤਪਾਦਨ ਘੱਟ ਹੋਣ ਦੇ ਖਦਸ਼ੇ ਨਾਲ ਬਿਕਵਾਲੀ ਕਮਜ਼ੋਰ ਹੋਣ ਕਾਰਨ ਮੂੰਗੀ ਮੇੜਤਾ 250 ਰੁਪਏ ਵਧ ਕੇ 7850 ਰੁਪਏ ਪ੍ਰਤੀ ਕੁਇੰਟਲ ਹੋ ਗਈ। ਯੂ. ਪੀ. ਅਤੇ ਐੱਮ. ਪੀ. ਮਾਲ ਦੇ ਭਾਅ ਵੀ 7300 ਰੁਪਏ ਪ੍ਰਤੀ ਕੁਇੰਟਲ ਬੋਲੇ ਗਏ। ਬੀਜਾਈ ਕਮਜ਼ੋਰ ਹੋਣ ਦੇ ਖਦਸ਼ੇ ਨਾਲ 50 ਰੁਪਏ ਵਧ ਕੇ ਲਾਰੇਂਸ ਰੋਡ 'ਤੇ ਰਾਜਸਥਾਨੀ ਛੋਲੇ 3150 ਰੁਪਏ ਅਤੇ ਐੱਮ. ਪੀ. ਦੇ ਭਾਅ 3100 ਰੁਪਏ ਹੋ ਗਏ। ਛੋਲਿਆਂ 'ਚ ਤੇਜ਼ੀ ਦਾ ਰੁਖ ਹੋਣ ਅਤੇ ਬਿਕਵਾਲੀ ਘਟਣ ਨਾਲ ਛੋਲਿਆਂ ਦੀ ਦਾਲ ਵੀ 75 ਰੁਪਏ ਵਧ ਕੇ 3500 ਰੁਪਏ ਹੋ ਗਈ। ਇਸ ਦੇ ਸਮਰਥਨ 'ਚ ਬੇਸਣ ਵੀ 1440 ਰੁਪਏ ਪ੍ਰਤੀ 35 ਕਿਲੋ ਮਜ਼ਬੂਤ ਰਿਹਾ। ਦਰਾਮਦਕਾਰਾਂ ਦੀ ਬਿਕਵਾਲੀ ਘਟਣ ਨਾਲ ਮੋਟੇ ਮਸਰ 6 ਹਜ਼ਾਰ ਰੁਪਏ 'ਤੇ 150 ਰੁਪਏ ਸੁਧਰੇ। ਮਹਾਰਾਸ਼ਟਰ ਦੀਆਂ ਮੰਡੀਆਂ 'ਚ ਉੱਚੇ ਭਾਅ ਬੋਲੇ ਗਏ, ਜਿਸ ਕਾਰਨ ਦੇਸੀ ਤੁਅਰ 'ਚ ਵੀ ਮਜ਼ਬੂਤੀ ਦਾ ਰੁੱਖ ਰਿਹਾ ਹੈ। ਦਰਾਮਦਕਾਰਾਂ ਦੀ ਬਿਕਵਾਲੀ ਕਮਜ਼ੋਰ ਹੋਣ ਨਾਲ ਰੰਗੂਨੀ ਤੁਅਰ 175 ਰੁਪਏ ਵਧ ਕੇ 5150 ਰੁਪਏ ਹੋ ਗਏ। ਮੱਧ ਪ੍ਰਦੇਸ਼ 'ਚ ਸਪਲਾਈ ਕਮਜ਼ੋਰ ਹੋਣ ਨਾਲ ਮਾਂਹ 200 ਰੁਪਏ ਵਧ ਕੇ 4800 ਰੁਪਏ ਹੋ ਗਿਆ, ਜਦਕਿ ਦਰਾਮਦਕਾਰਾਂ ਦੀ ਬਿਕਵਾਲੀ ਵਧਣ ਨਾਲ ਚੀਨ ਦਾ ਨਵਾਂ ਰਾਜਮਾਂਹ 600 ਰੁਪਏ ਟੁੱਟ ਕੇ 6000 ਰੁਪਏ ਰਹਿ ਗਿਆ। ਝੋਨੇ ਦੀ ਤੇਜ਼ੀ ਦਾ ਰੁਖ ਹੋਣ ਅਤੇ ਬਰਾਮਦਕਾਰਾਂ ਦੀ ਪੁੱਛ-ਪੜਤਾਲ ਵਧਣ ਨਾਲ 1121 ਚੌਲ 200 ਰੁਪਏ ਵਧ ਕੇ 7100 ਰੁਪਏ ਪ੍ਰਤੀ ਕੁਇੰਟਲ ਹੋ ਗਿਆ। ਮੋਟੇ ਚੌਲਾਂ 'ਚ ਪੀ. ਆਰ-11 ਨੰਬਰ 100 ਰੁਪਏ ਵਧ ਕੇ 2800 ਰੁਪਏ ਪ੍ਰਤੀ ਕੁਇੰਟਲ ਹੋ ਗਿਆ। ਆਟਾ ਮਿੱਲਾਂ ਦੀ ਮੰਗ ਨਿਕਲਣ ਅਤੇ ਸਪਲਾਈ ਕਮਜ਼ੋਰ ਹੋਣ ਨਾਲ ਦਲੀਆ 1620 ਰੁਪਏ ਮਜ਼ਬੂਤ ਰਿਹਾ, ਜਦਕਿ ਸਟਾਕਿਸਟਾਂ ਦੀ ਬਿਕਵਾਲੀ ਆਉਣ ਅਤੇ ਬੀਅਰ ਮਾਲਟ ਵਾਲਿਆਂ ਦੀ ਮੰਗ ਕਮਜ਼ੋਰ ਹੋਣ ਨਾਲ ਜੌਂ 1525 ਰੁਪਏ 'ਤੇ ਸੁਸਤ ਰਿਹਾ।
ਗੁੜ, ਖੰਡ
ਉੱਤਰ ਪ੍ਰਦੇਸ਼ ਦੀਆਂ ਮੰਡੀਆਂ 'ਚ ਆਮਦ ਦਾ ਦਬਾਅ ਵਧਣ ਨਾਲ ਬੀਤੇ ਹਫਤੇ ਗੁੜ 300 ਰੁਪਏ ਪ੍ਰਤੀ ਕੁਇੰਟਲ ਲੁੜਕ ਗਿਆ। ਖੰਡ 'ਚ ਵੀ ਮੰਗ ਕਮਜ਼ੋਰ ਹੋਣ ਨਾਲ 50 ਰੁਪਏ ਦੀ ਨਰਮੀ ਰਹੀ। ਸ਼ੱਕਰ ਦੇ ਭਾਅ ਵੀ 150 ਰੁਪਏ ਡਿੱਗ ਗਏ। ਮੁਜ਼ੱਫਰਨਗਰ, ਮੇਰਠ, ਹਾਪੁੜ, ਬੜੌਤ ਆਦਿ ਉਤਪਾਦਕ ਖੇਤਰਾਂ 'ਚ ਆਮਦ ਵਧਣ ਅਤੇ ਮੰਗ ਕਮਜ਼ੋਰ ਹੋਣ ਨਾਲ ਗੁੜ 300 ਰੁਪਏ ਲੁੜਕ ਕੇ 2700 ਰੁਪਏ 'ਤੇ ਆ ਗਿਆ। ਸ਼ੱਕਰ ਵੀ ਲਿਵਾਲੀ ਕਮਜ਼ੋਰ ਹੋਣ ਨਾਲ 150 ਰੁਪਏ ਡਿੱਗ ਕੇ 2900 ਰੁਪਏ ਕੁਇੰਟਲ ਰਹਿ ਗਈ। ਹਾਪੁੜ ਮੰਡੀ 'ਚ ਗੁੜ ਦੀ ਆਮਦ 30-35 ਮੋਟਰ ਦੇ ਲੱਗਭਗ ਰੋਜ਼ਾਨਾ ਹੋਣ ਅਤੇ ਬਿਹਾਰ, ਬੰਗਾਲ ਦੀ ਮੰਗ ਕਮਜ਼ੋਰ ਹੋਣ ਨਾਲ ਗੁੜ, ਬਾਲਟੀ 80 ਰੁਪਏ ਘਟ ਕੇ 850 ਰੁਪਏ ਪ੍ਰਤੀ 40 ਕਿਲੋ ਰਹਿ ਗਿਆ। ਮੁਜ਼ੱਫਰਨਗਰ ਮੰਡੀ 'ਚ ਵੀ ਮੰਦੀ ਦਾ ਰੁਖ ਰਿਹਾ। ਮਹਾਰਾਸ਼ਟਰ ਅਤੇ ਕਰਨਾਟਕ 'ਚ ਖੰਡ ਪਿੜਾਈ ਸੀਜ਼ਨ ਸ਼ੁਰੂ ਹੋਣ ਅਤੇ ਉੱਤਰ ਪ੍ਰਦੇਸ਼ 'ਚ ਵੀ ਛੇਤੀ ਸ਼ੁਰੂ ਹੋਣ ਦੀ ਆਸ਼ਾ ਨਾਲ ਬਿਕਵਾਲੀ ਦਾ ਦਬਾਅ ਵਧਣ ਨਾਲ ਮਿੱਲ ਡਿਲਵਰੀ ਖੰਡ ਦੇ ਭਾਅ 50 ਰੁਪਏ ਮੁਲਾਇਮ ਹੋ ਕੇ 3100 ਰੁਪਏ ਪ੍ਰਤੀ ਕੁਇੰਟਲ ਰਹਿ ਗਏ। ਹਾਜ਼ਰ ਖੰਡ ਵੀ 3350 ਰੁਪਏ ਦੀ ਬਜਾਏ 3265 ਰੁਪਏ ਰਹਿ ਗਈ। ਸਟਾਕ ਵੱਧ ਹੋਣ ਅਤੇ ਕਿਸਾਨਾਂ ਦੇ ਗੰਨਾ ਭੁਗਤਾਨ ਨੂੰ ਲੈ ਕੇ ਮਿੱਲਾਂ 'ਤੇ ਬਿਕਵਾਲੀ ਦਾ ਦਬਾਅ ਬਣਿਆ ਹੋਇਆ ਹੈ। ਸਟੋਰੀਆਂ ਬਿਕਵਾਲੀ ਕਾਰਨ ਖੰਡ ਵਾਅਦਾ 'ਚ ਵੀ ਨਰਮੀ ਦਾ ਰੁਖ ਰਿਹਾ।
ਬਰਾਮਦਕਾਰਾਂ ਦੀ ਲਿਵਾਲੀ ਵਧਣ ਨਾਲ ਕਲੌਂਜੀ-ਮੇਥੀ 'ਚ ਉਛਾਲ : ਮੇਵੇ 'ਚ ਗਿਰਾਵਟ
ਨਵੀਂ ਦਿੱਲੀ, (ਐੱਨ. ਐੱਨ. ਐੱਸ.)-ਦਰਾਮਦਕਾਰਾਂ ਦੀ ਲਿਵਾਲੀ ਵਧਣ ਅਤੇ ਮਾਲ ਘੱਟ ਆਉਣ ਨਾਲ ਬੀਤੇ ਹਫਤੇ ਸਥਾਨਕ ਕਰਿਆਨਾ ਬਾਜ਼ਾਰ 'ਚ ਕਲੌਂਜੀ 3000 ਰੁਪਏ ਅਤੇ ਮੇਥੀਦਾਣਾ 1000 ਰੁਪਏ ਪ੍ਰਤੀ ਕੁਇੰਟਲ ਉਛਲ ਕੇ ਬਰਾਮਦ ਮੰਗ ਬਣੀ ਰਹੀ ਤੇ ਇਨ੍ਹਾਂ ਦੇ ਭਾਅ ਕੁਝ ਹੋਰ ਵਧ ਸਕਦੇ ਹਨ। ਜੈਫਲ, ਲੌਂਗ, ਦਾਲਚੀਨੀ ਅਤੇ ਚਾਹ ਦੇ ਭਾਅ 12 ਰੁਪਏ ਕਿਲੋ ਉੱਚੇ ਰਹੇ। ਸ਼ੁਰੂਆਤੀ ਕੰਮ ਤੋਂ ਬਾਅਦ ਹਲਦੀ ਅਤੇ ਜ਼ੀਰੇ ਦੇ ਭਾਅ ਫਿਰ 300 ਰੁਪਏ ਵਧ ਗਏ, ਜਦਕਿ ਗਾਹਕੀ ਦੀ ਉਮੀਦ ਨਾਲ ਜੈਫਲ, ਲੌਂਗ, ਜਾਵਿਤਰੀ ਲਾਲ ਅਤੇ ਵੱਡੀ ਇਲਾਇਚੀ ਕੈਂਚੀ ਕੱਟ ਦੇ ਭਾਅ 10 ਤੋਂ 15 ਰੁਪਏ ਟੁੱਟ ਗਏ।
ਕਲੌਂਜੀ, ਮੇਥੀ ਤੇ ਲਾਲ ਮਿਰਚ : ਘਰੇਲੂ ਅਤੇ ਬਰਾਮਦ ਮੰਗ ਵਧਣ ਅਤੇ ਮਾਲ ਘੱਟ ਆਉਣ ਨਾਲ ਕਲੌਂਜੀ 3000 ਰੁਪਏ ਉਛਲ ਕੇ 19000 ਰੁਪਏ ਪ੍ਰਤੀ ਕੁਇੰਟਲ ਦੇ ਪੱਧਰ 'ਤੇ ਜਾ ਪਹੁੰਚੀ। ਮੇਥੀਦਾਣਾ 1000 ਰੁਪਏ ਦਾ ਵਾਧਾ ਲੈ ਕੇ 8000 ਰੁਪਏ ਤਕ ਪਹੁੰਚ ਗਿਆ। ਆਂਧਰਾ ਪ੍ਰਦੇਸ਼ ਅਤੇ ਤੇਲੰਗਾਨਾ ਦੀਆਂ ਮੰਡੀਆਂ 'ਚ ਆਮਦ ਘੱਟਣ ਅਤੇ ਪਿਸਾਈ ਵਾਲਿਆਂ ਦੀ ਮੰਗ ਵਧਣ ਨਾਲ ਲਾਲ ਮਿਰਚ ਪਾਲਾ 200 ਰੁਪਏ ਵਧ ਕੇ 8500 ਰੁਪਏ ਅਤੇ ਫਟਕੀ ਦੇ ਭਾਅ 500 ਰੁਪਏ ਤੇਜ਼ ਹੋ ਕੇ 5500 ਰੁਪਏ ਪ੍ਰਤੀ ਕੁਇੰਟਲ 'ਤੇ ਪਹੁੰਚ ਗਈ।
ਅਮਚੂਰ, ਇਮਲੀ ਅਤੇ ਚਾਹ : ਪਿਸਾਈ ਵਾਲਿਆਂ ਦੀ ਮੰਗ ਚੰਗੀ ਹੋਣ ਨਾਲ ਅਮਚੂਰ ਜਗਦਲਪੁਰ 200 ਰੁਪਏ ਵਧ ਕੇ 12000 ਰੁਪਏ ਅਤੇ ਖਾਪਟਾ ਦੇ ਭਾਅ 500 ਰੁਪਏ ਵਧ ਕੇ 8500 ਰੁਪਏ ਪ੍ਰਤੀ ਕੁਇੰਟਲ 'ਤੇ ਜਾ ਪਹੁੰਚੀ। ਡੰਡੋਯਚਾ ਅਮਚੂਰ 20000 ਰੁਪਏ, ਨਿਜ਼ਾਮਾਬਾਦ 25000 ਅਤੇ ਛਿੰਦਵਾੜਾ ਦੇ ਭਾਅ 22500 ਰੁਪਏ 'ਤੇ ਮਜ਼ਬੂਤ ਰਹੇ। ਇਸ ਦੇ ਉਲਟ ਸਟਾਕ ਵੱਧ ਜਮ੍ਹਾ ਹੋਣ ਅਤੇ ਉਠਾਅ ਕਾਫੀ ਘੱਟ ਰਹਿ ਜਾਣ ਕਾਰਨ ਇਮਲੀ ਦੇ ਭਾਅ 200 ਰੁਪਏ ਟੁੱਟ ਕੇ 2900 ਰੁਪਏ ਰਹਿ ਗਏ। ਬੀਜ ਰਹਿਤ ਇਮਲੀ ਵੀ 200 ਰੁਪਏ ਘੱਟ ਕੇ 8000 ਰੁਪਏ 'ਤੇ ਆ ਗਈ। ਮਾਲ ਘੱਟ ਆਉਣ ਅਤੇ ਸੀਜ਼ਨਲ ਮੰਗ ਵਧਣ ਨਾਲ ਵਧੀਆ ਚਾਹ 10 ਰੁਪਏ ਵਧ ਕੇ ਸਿਲੀਗੁੜੀ 210 ਅਤੇ ਆਸਾਮ ਦੇ ਭਾਅ 235 ਰੁਪਏ ਕਿਲੋ ਹੋ ਗਏ, ਜਦਕਿ ਹਲਕੇ ਮਾਲ ਵਧ ਆਉਣ ਨਾਲ ਇਸ 'ਚ ਕੋਈ ਤੇਜ਼ੀ ਨਹੀਂ ਸੀ।
ਜ਼ੀਰਾ, ਹਲਦੀ ਤੇ ਜਾਵਿਤਰੀ : ਮੁਨਾਫਾ ਵਸੂਲੀ ਬਿਕਵਾਲੀ ਨਾਲ ਜ਼ੀਰਾ ਸ਼ੁਰੂ 'ਚ 300 ਰੁਪਏ ਡਿੱਗ ਕੇ 14200 ਰੁਪਏ ਪ੍ਰਤੀ ਕੁਇੰਟਲ 'ਤੇ ਆ ਗਿਆ ਸੀ ਪਰ ਹਫਤੇ ਦੇ ਅਖੀਰ 'ਚ ਗੁਜਰਾਤ ਦੀ ਉਂਝਾ ਮੰਡੀ 'ਚ ਇਸ ਦੇ ਭਾਅ 50 ਰੁਪਏ ਵਧ ਕੇ 2550 ਰੁਪਏ ਪ੍ਰਤੀ 20 ਕਿਲੋ ਹੋਣ ਨਾਲ ਅਤੇ ਫਿਰ 300 ਰੁਪਏ ਵਧ ਕੇ 14500 ਰੁਪਏ ਪ੍ਰਤੀ ਕੁਇੰਟਲ ਦੇ ਪਹਿਲੇ ਪੱਧਰ 'ਤੇ ਪਹੁੰਚ ਗਈ। ਇਰੋਡ ਏਜਇਟੀਜ਼ ਗੱਠਾ 6900 ਰੁਪਏ ਅਤੇ ਮਿੰਨੀ ਸੇਮਲਫਲੀ ਦੇ ਭਾਅ 8400 ਰੁਪਏ ਹੋ ਗਏ। ਧਨੀਆ, ਜਵੈਣ, ਸੁੰਢ ਅਤੇ ਸੌਂਫ ਦੇ ਭਾਅ ਪਹਿਲੇ ਪੱਧਰ 'ਤੇ ਸਥਿਰ ਰਹੀ। ਜੈਫਲ ਦਾ ਭਾਅ 10 ਰੁਪਏ ਘੱਟ ਕੇ 650 ਰੁਪਏ 'ਤੇ ਆ ਗਿਆ।
ਦੇਸ਼ ਦਾ ਈ-ਕਾਮਰਸ ਬਾਜ਼ਾਰ 20 ਅਰਬ ਡਾਲਰ ਹੋਵੇਗਾ
NEXT STORY 
