ਰੋਮ-(ਕੈਂਥ)-ਭਾਰਤੀ ਜਨਤਾ ਪਾਰਟੀ ਨੇ ਜਿਸ ਤਰ੍ਹਾਂ ਅਕਾਲੀ ਦਲ ਬਾਦਲ 'ਤੇ ਸ਼ਬਦੀ ਹਮਲੇ ਕਰਨੇ ਸ਼ਰੂ ਕੀਤੇ
ਉਸ ਨਾਲ ਅਕਾਲੀ ਦਲ ਬਾਦਲ ਨੂੰ ਹੱਥਾਂ ਪੈਰਾਂ ਦੀਆਂ ਪੈ ਗਈਆਂ ਹਨ। ਕਿਉਂਕਿ ਅਕਾਲੀ ਦਲ ਦੇ ਵੱਡੇ ਨੇਤਾ ਹਮੇਸ਼ਾ ਇਹ ਹੀ ਕਹਿੰਦੇ ਸਨ ਕਿ ਅਕਾਲੀ ਦਲ ਅਤੇ ਭਾਰਤੀ ਜਨਤਾ ਪਾਰਟੀ ਦਾ ਨੰਹੂ ਮਾਸ ਦਾ ਰਿਸ਼ਤਾ ਹੈ, ਇਹ ਰਿਸ਼ਤਾ ਹੁਣ ਉਨ੍ਹਾਂ ਦੇ ਗਲੇ 'ਚ ਫਸੀ ਹੱਡੀ ਬਣ ਗਿਆ ਹੈ। ਇਹ ਗੱਲ ਕਾਮਰੇਡ ਰਵਿੰਦਰ ਸਿੰਘ ਰਾਣਾ ਨੇ ਪ੍ਰੈਸ ਨੂੰ ਇਕ ਲਿਖਤੀ ਬਿਆਨ ਰਾਹੀਂ ਆਖੀ। ਰਾਣਾ ਨੇ ਕਿਹਾ ਕਿ ਅਕਾਲੀ ਦਲ ਨੂੰ ਹੁਣ ਇਹ ਸਮਝ ਲੈਣਾ ਚਾਹੀਦਾ ਹੈ ਕਿ ਉਨ੍ਹਾਂ ਨਾਲ ਭਾਰਤੀ ਜਨਤਾ ਪਾਰਟੀ ਦੀ ਸਿਧਾਂਤਕ ਸਾਂਝ ਨਹੀਂ ਹੈ। ਭਾਰਤੀ ਜਨਤਾ ਪਾਰਟੀ ਨੇ ਜਿਨ੍ਹਾਂ ਚਿਰ ਲੋੜ ਸਮਝੀ ਅਕਾਲੀ ਦਲ ਸਮੇਤ ਹੋਰਨਾਂ ਖੇਤਰੀ ਪਾਰਟੀਆਂ ਨੂੰ ਵਰਤਦੀ ਰਹੀਂ ਹੁਣ ਜਦੋਂ ਕਿ ਉਸਨੂੰ ਕੇਂਦਰ ਦੀ ਸਤ੍ਹਾ ਹਾਸਲ ਹੋ ਗਈ ਤਾਂ ਉਹ ਹਰ ਹੱਥਕੰਡਾ ਵਰਤ ਕੇ ਸੂਬਿਆਂ 'ਤੇ ਵੀ ਕਬਜ਼ਾ ਹੋਣ ਦੇ ਯਤਨ 'ਚ ਹੈ।
ਇਸ 'ਚ ਉਹ ਲਗਾਤਾਰ ਸਫਲ ਹੋ ਰਹੀ ਹੈ ਅਤੇ ਨਾਲ ਹੀ ਉਹ ਆਉਣ ਵਾਲੇ ਸਮੇਂ 'ਚ ਵਿਰੋਧੀ ਸਰਕਾਰਾਂ ਵਾਲੇ ਸੂਬਿਆਂ 'ਤੇ ਤਰ੍ਹਾਂ-ਤਰ੍ਹਾਂ ਦੇ ਢੰਗਾਂ ਨਾਲ ਸ਼ਕਿੰਜਾ ਵੀ ਕੱਸੇਗੀ। ਭਾਰਤੀ ਜਨਤਾ ਪਾਰਟੀ ਦਾ ਭਾਵ ਪੂਰੇ ਦੇਸ਼ 'ਚ ਸਿਆਸੀ ਏਕਤਾ ਇਕਸਾਰ ਕਾਇਮ ਕਰਨਾ ਹੈ ਜੋ ਕਿ ਭਾਰਤ ਵਾਸੀਆਂ ਲਈ ਕਿਸੇ ਤਰ੍ਹਾਂ ਦੀ ਲਾਭਦਾਇਕ ਨਹੀਂ ਹੋਵੇਗਾ। ਇਸ ਲਈ ਅਕਾਲੀ ਦਲ ਬਾਦਲ ਨੂੰ ਆਪਣੇ ਰਵਾਇਤੀ ਸਰੂਪ 'ਚ ਆ ਕੇ ਦੇਸ਼ ਦੇ ਸੰਘੀ ਢਾਂਚੇ ਤੋਂ ਹੋਣ ਵਾਲੇ ਹਮਲੇ ਲਈ ਮਿਲਦੀ ਵਿਚਾਰਧਾਰਾ ਪਾਰਟੀਆਂ ਨਾਲ ਗਠਜੋੜ ਵਧਾਉਣ ਦੀ ਲੋੜ ਹੈ। ਕਾਮਰੇਡ ਰਾਣਾ ਨੇ ਦੇਸ਼ ਦੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਖੱਬੇ-ਪੱਖੀ ਪਾਰਟੀਆਂ ਨੂੰ ਸਮਰਥਨ ਦੇਣ ਕਿਉਂਕਿ ਖੱਬੇ ਪੱਖੀ ਹੀ ਭਾਰਤੀ ਜਨਤਾ ਪਾਰਟੀ ਦੀਆਂ ਲੋਕ ਉਜਾੜੂ ਨੀਤੀਆਂ ਤੋਂ ਦੇਸ਼ ਨੂੰ ਬਚਾਅ ਸਕਦੀਆਂ ਹਨ।
'ਪਰਸਨ ਆਫ ਦਿ ਈਅਰ' ਦੀ ਦੌੜ 'ਚ ਮੋਦੀ ਸਭ ਤੋਂ ਅੱਗੇ
NEXT STORY 
