ਚਿੱਲੀ— ਇਕ ਚੋਰ ਨੂੰ ਲੋਕਾਂ ਨੇ ਅਜਿਹੀ ਸ਼ਰਮਨਾਕ ਸਜ਼ਾ ਦਿੱਤੀ ਕਿ ਹੁਣ ਉਹ ਦੁਬਾਰਾ ਚੋਰੀ ਕਰਨ ਬਾਰੇ ਸੋਚੇਗਾ ਨਹੀਂ। ਅਸਲ ਵਿਚ ਚਿੱਲੀ ਦੀ ਰਾਜਧਾਨੀ ਸੈਂਟਿਆਗੋ ਵਿਚ ਇਕ ਸੀਨੀਅਰ ਨਾਗਰਿਕ ਨੂੰ ਚਾਕੂ ਦਿਖਾ ਕੇ ਲੁੱਟ ਰਹੇ ਬਦਮਾਸ਼ ਨੂੰ ਲੋਕਾਂ ਨੇ ਫੜ ਲਿਆ ਅਤੇ ਉਸ ਨੂੰ ਅਜਿਹੀ ਸਜ਼ਾ ਦਿੱਤੀ ਕਿ ਉਹ ਕਿਸੇ ਨੂੰ ਮੂੰਹ ਦਿਖਾਉਣ ਦੇ ਕਾਬਲ ਨਹੀਂ ਰਿਹਾ। ਲੋਕਾਂ ਨੇ ਉਸ ਨੂੰ ਕੁੱਟਿਆ ਨਹੀਂ ਪਰ ਉਸ ਦੇ ਕੱਪੜੇ ਫਾੜ ਕੇ ਉਸ ਦੇ ਸਰੀਰ ਦੇ ਚਾਰੇਂ ਪਾਸੇ ਟੇਪ ਲਪੇਟ ਕੇ ਚਿਪਕਾ ਕੇ ਉਸ ਨੂੰ ਬਿਜਲੀ ਦੇ ਖੰਭੇ ਨਾਲ ਬੰਨ੍ਹ ਦਿੱਤਾ।
ਲੋਕਾਂ ਨੇ ਉਸ ਦੀਆਂ ਕਈ ਤਸਵੀਰਾਂ ਖਿੱਚ ਲਈਆਂ। ਪੁਲਸ ਨੇ ਜਦੋਂ ਉਕਤ ਵਿਅਕਤੀ ਨੂੰ ਇਸ ਹਾਲਤ ਵਿਚ ਦੇਖਿਆ ਤਾਂ ਉਹ ਹੈਰਾਨ ਰਹਿ ਗਈ। ਪੁਲਸ ਦੇ ਸਾਹਮਣੇ ਦੋਸ਼ੀ ਗਿੜਗਿੜਾਉਣ ਲੱਗਿਆ ਅਤੇ ਉਸ ਨੇ ਪੁਲਸ ਕਰਮੀਆਂ ਤੋਂ ਉਸ ਨੂੰ ਬੰਧਨ ਤੋਂ ਮੁਕਤ ਕਰਨ ਦੀ ਅਪੀਲ ਕੀਤੀ।
ਪੁਲਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਸ ਮਾਮਲੇ ਵਿਚ ਉਹ ਉਦੋਂ ਤੱਕ ਕੁਝ ਵੀ ਨਹੀਂ ਕਰ ਸਕਦੇ ਜਦੋਂ ਤੱਕ ਕੋਈ ਇਸ ਦੀ ਸ਼ਿਕਾਇਤ ਨਹੀਂ ਕਰਵਾਉਂਦਾ। ਉਨ੍ਹਾਂ ਨੇ ਕਿਹਾ ਕਿ ਜਿਸ ਵਿਅਕਤੀ 'ਤੇ ਚੋਰੀ ਦਾ ਦੋਸ਼ ਲੱਗਾ ਹੈ ਜੇ ਉਹ ਵਿਅਕਤੀ ਵੀ ਲੋਕਾਂ ਦੇ ਖਿਲਾਫ ਸ਼ਿਕਾਇਤ ਦਰਜ ਕਰਵਾਉਂਦਾ ਹੈ ਤਾਂ ਮਾਮਲੇ ਦੀ ਜਾਂਚ ਕੀਤੀ ਜਾਵੇਗੀ।
ਆਸਟ੍ਰੇਲੀਆ ਨੇ ਦੇਸ਼ 'ਚ ਸ਼ਰਨ ਲੈਣ ਵਾਲੇ ਸ਼੍ਰੀਲੰਕਾਈਆਂ ਨੂੰ ਭੇਜਿਆ ਵਾਪਸ
NEXT STORY 
