ਵਾਸ਼ਿੰਗਟਨ— ਅਮਰੀਕੀ ਏਅਰਲਾਈਨ ਵਿਚ ਉਸ ਸਮੇਂ ਤੜਥੱਲੀ ਮਚ ਗਈ ਜਦੋਂ ਫਲਾਈਟ ਵਿਚ ਮੌਜੂਦ ਸੂਰ ਕਾਰਨ ਮੁਸਾਫਰਾਂ ਨੂੰ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ। ਅਸਲ ਵਿਚ 29 ਸਾਲਾ ਰੇਚੇਲ ਆਪਣੇ ਇਕ ਪਾਲਤੂ ਸੂਰ ਹੋਬੇ ਦੇ ਨਾਲ ਜਹਾਜ਼ ਵਿਚ ਸਵਾਰ ਹੋ ਗਈ। ਰੇਚੇਲ ਮੁਤਾਬਕ ਹੋਬੇ ਉਸ ਦੇ ਲਈ ਇਕ ਵੱਡਾ ਇਮੋਸ਼ਨਲ ਸਪੋਰਟ ਸਿਸਟਮ ਹੈ ਅਤੇ ਅਜਿਹੇ ਵਿਚ ਉਹ ਇਸ ਦੇ ਬਿਨਾਂ ਨਹੀਂ ਰਹਿ ਸਕਦੀ ਪਰ ਜਹਾਜ਼ ਦੇ ਟੇਕ ਆਫ ਦੀ ਤਿਆਰੀ ਕਰਦੇ ਹੀ ਹੋਬੇ ਨੇ ਰੌਲਾ ਪਾਉਣਾ ਸ਼ੁਰੂ ਕਰ ਦਿੱਤਾ ਅਤੇ ਉਹ ਇੱਧਰ-ਉਧਰ ਭੱਜਣ ਲੱਗ ਗਿਆ।
ਇਸ 'ਤੇ ਰੇਚੇਲ ਅਤੇ ਉਸ ਦੇ ਪਾਲਤੂ ਸੂਰ ਹੋਬੇ ਨੂੰ ਕਰੀਬ 10 ਮਿੰਟਾਂ ਬਾਅਦ ਜਹਾਜ਼ ਤੋਂ ਉਤਾਰ ਦਿੱਤਾ ਗਿਆ। ਇਸ ਘਟਨਾ ਤੋਂ ਉਦਾਸ ਰੇਚੇਲ ਦਾ ਕਹਿਣਾ ਹੈ ਕਿ ਉਹ ਥੈਂਕਸਗਿਵਿੰਗ ਮੌਕੇ 'ਤੇ ਆਪਣੇ ਪਰਿਵਾਰ ਦੇ ਕੋਲ ਜਾ ਰਹੀ ਸੀ ਅਤੇ ਉਹ ਹੋਬੇ ਨੂੰ ਆਪਣੇ ਨਾਲ ਲੈ ਕੇ ਜਾਣਾ ਚਾਹੁੰਦੀ ਸੀ ਪਰ ਅਜਿਹਾ ਨਾ ਹੋ ਸਕਿਆ। ਕੁਝ ਲੋਕ ਅਮਰੀਕੀ ਏਅਰਲਾਈਨਜ਼ ਦੇ ਰਵੱਈਏ ਦੀ ਜਾਂਚ ਦੀ ਆਲੋਚਨਾ ਕਰ ਰਹੇ ਹਨ, ਜਦੋਂ ਕਿ ਜਹਾਜ਼ ਵਿਚ ਮੌਜੂਦ ਮੁਸਾਫਰਾਂ ਦਾ ਕਹਿਣਾ ਹੈ ਕਿ ਰੇਚੇਲ ਆਪਣੇ ਪਾਲਤੂ ਜਾਨਵਰਾਂ ਨਾਲ ਬਹੁਤ ਬੁਰਾ ਵਰਤਾਅ ਕਰ ਰਹੀ ਸੀ।
ਇਸਲਾਮੀ ਅੱਤਵਾਦੀਆਂ ਨੇ ਪੁਲਸ ਕਰਮਚਾਰੀ ਦਾ ਸਿਰ ਕੀਤਾ ਕਲਮ
NEXT STORY 
