ਵਾਸ਼ਿੰਗਟਨ-ਅਮਰੀਕਾ ਦੇ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਪੁਲਸ ਕਰਮਚਾਰੀਆਂ ਲਈ ਬਾਡੀ ਕੈਮਰਾ ਸਮੇਤ ਪੁਲਸ ਵਿਵਸਥਾ 'ਚ ਸੁਧਾਰ ਲਈ ਅਮਰੀਕੀ ਕਾਂਗਰਸ ਤੋਂ 26.3 ਕਰੋੜ ਡਾਲਰ ਜਾਰੀ ਕਰਨ ਦੀ ਮੰਗ ਕੀਤੀ ਹੈ। ਫਰਗਿਊਸਨ 'ਚ ਹੋਏ ਕਥਿਤ ਪੁਲਸੀਆ ਅਨਿਆਂ ਤੋਂ ਬਾਅਦ ਇਕ ਹਫਤੇ ਤੱਕ ਚੱਲੇ ਰਾਸ਼ਟਰ-ਵਿਆਪੀ ਵਿਰੋਧੀ ਪ੍ਰਦਰਸ਼ਨ ਤੋਂ ਬਾਅਦ ਓਬਾਮਾ ਨੇ ਕਾਂਗਰਸ ਦੇ ਸਾਹਮਣੇ ਇਹ ਪ੍ਰਸਤਾਵ ਰੱਖਿਆ। ਇਕ ਨਿਹੱਥੇ ਕਾਲੇ ਵਿਅਕਤੀ ਨੂੰ ਗੋਲੀ ਮਾਰਨ ਵਾਲੇ ਗੋਰੇ ਪੁਲਸ ਅਧਿਕਾਰੀ 'ਤੇ ਦੋਸ਼ ਤੈਅ ਕਰਨ 'ਚ ਅਸਫਲ ਗ੍ਰਾਂਡ ਜਿਊਰੀ ਤੋਂ ਬਾਅਦ ਮਿਜੂਰੀ ਦੇ ਫਰਗਿਊਸਨ 'ਚ ਦੰਗਿਆ ਫੈਲ ਗਿਆ ਸੀ।
ਓਬਾਮਾ ਨੇ ਕਿਹਾ ਕਿ ਇਹ ਸਿਰਫ ਫਰਗਿਊਸਨ ਦੀ ਸਮੱਸਿਆ ਨਹੀਂ ਹੈ। ਇਹ ਰਾਸ਼ਟਰੀ ਸਮੱਸਿਆ ਹੈ ਪਰ ਇਸ ਨੂੰ ਹੱਲ ਕੀਤਾ ਜਾ ਸਕਦਾ ਹੈ। ਰਾਸ਼ਟਰਪਤੀ ਨੇ ਵ੍ਹਾਈਟ ਹਾਊਸ 'ਚ ਮੇਅਰਾਂ, ਨਾਗਰਿਕ ਅਧਿਕਾਰ ਲਈ ਕੰਮ ਕਰਨ ਵਾਲੇ ਨੇਤਾਵਾਂ ਅਤੇ ਕਾਨੂੰਨ ਬਦਲਾਅ ਅਧਿਕਾਰੀਆਂ ਨਾਲ ਬੈਠ ਕੇ ਇਕ ਦਿਨ ਬਾਅਦ ਇਹ ਗੱਲ ਆਖੀ। ਉਨ੍ਹਾਂ ਨੇ ਸੰਘੀ ਏਜੰਸੀਆਂ ਤੋਂ ਘਰੇਲੂ ਪੁਲਸ ਬਲਾਂ 'ਚ ਫੌਜੀ ਸੰਸਕ੍ਰਿਤੀ ਨੂੰ ਫੈਲਾਉਣ ਤੋਂ ਰੋਕਣ ਲਈ ਸੁਝਾਅ ਮੰਗੇ ਹਨ। ਓਬਾਮਾ ਵਲੋਂ ਸੁਝਾਏ ਗਏ ਫੰਡ 'ਚੋਂ ਪੁਲਸ ਅਧਿਕਾਰੀਆਂ ਲਈ 50,000 ਬਾਡੀ ਕੈਮਰਾ ਖਰੀਦੇ ਜਾਣਗੇ। ਬਾਡੀ ਕੈਮਰਾ ਫਰਗਿਊਸਨ ਸ਼ੂਟਿੰਗ ਵਰਗੇ ਮਾਮਲਿਆਂ 'ਚ ਪੁਲਸ ਅਤੇ ਨਾਗਰਿਕਾਂ ਵਿਚਾਲੇ ਕਿਸੇ ਮੁਕਾਬਲੇ 'ਚ ਸਬੂਤ ਦਾ ਕੰਮ ਕਰ ਸਕਦਾ ਹੈ। ਆਧੁਨਿਕ ਪੁਲਿਸਿੰਗ 'ਤੇ ਉਨ੍ਹਾਂ ਨੇ ਫਿਲਾਡੈਲੀਫੀਆ ਪੁਲਸ ਕਮਿਸ਼ਨਰ ਚਾਰਲਸ ਰਾਮਸੇ ਦੀ ਅਗਵਾਈ 'ਚ ਇਕ ਟਾਸਕਫੋਰਸ ਦਾ ਵੀ ਗਠਨ ਕੀਤਾ ਹੈ।
ਨਿਊਯਾਰਕ 'ਚ ਵੀ ਚੱਲਿਆ ਮੋਦੀ ਦਾ 'ਝਾੜੂ'
NEXT STORY 
