ਬੇਰੂਤ—ਲੈਬਨਾਨ ਦੀ ਫੌਜ ਨੇ ਅੱਤਵਾਦੀ ਸੰਗਠਨ ਇਸਲਾਮਿਕ ਸਟੇਟ ਯਾਨੀ ਆਈ. ਐੱਸ. ਆਈ. ਐੱਸ. ਦੇ ਨੇਤਾ ਅਬੂ ਬਕਰ ਅਲ ਬਗਦਾਦੀ ਦੀ ਪਤਨੀ ਅਤੇ ਪੁੱਤਰ ਨੂੰ ਗ੍ਰਿਫਤਾਰ ਕਰ ਲਿਆ ਹੈ, ਜੋ ਹਾਲ ਹੀ ਵਿਚ ਸੀਰੀਆ ਪਹੁੰਚੇ ਸਨ।
ਲੈਬਨਾਨ ਦੀਆਂ ਅਖਬਾਰਾਂ ਦੇ ਮੁਤਾਬਕ ਵਿਦੇਸ਼ੀ ਖੁਫੀਆ ਅਧਿਕਾਰੀਆਂ ਦੇ ਤਾਲਮੇਲ ਨਾਲ ਬਗਦਾਦੀ ਦੀ ਪਤਨੀ ਅਤੇ ਪੁੱਤਰ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਹਾਲਾਂਕਿ ਅਧਿਕਾਰੀਆਂ ਨੇ ਇਨ੍ਹਾਂ ਦੋਹਾਂ ਦੇ ਨਾਂ ਅਤੇ ਨਾਗਰਿਕਤਾ ਦੀ ਜਾਣਕਾਰੀ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਰਿਪੋਰਟ ਵਿਚ ਦੱਸਿਆ ਗਿਆ ਕਿ ਬਗਦਾਦੀ ਦੀ ਪਤਨੀ ਆਪਣੇ ਪੁੱਤਰ ਦੇ ਨਾਲ ਫਰਜ਼ੀ ਪਾਸਪੋਰਟ ਦੇ ਰਾਹੀਂ ਯਾਤਰਾ ਕਰਦੀ ਰਹੀ ਹੈ।
ਬਗਦਾਦੀ ਪਿਛਲੇ ਮਹੀਨੇ ਉਸ ਸਮੇਂ ਚਰਚਾ ਵਿਚ ਆਇਆ ਸੀ ਜਦੋਂ ਉਸ ਨੇ ਆਪਣੇ ਨਾਂ ਨਾਲ ਜਾਰੀ ਕਥਿਤ ਭਾਸ਼ਣ ਵਿਚ ਸਾਊਦੀ ਅਰਬ ਦੇ ਸ਼ਾਸ਼ਕਾਂ 'ਤੇ ਹਮਲੇ ਦਾ ਸੱਦਾ ਦਿੱਤਾ ਸੀ। ਪਿਛਲੇ 13 ਨਵੰਬਰ ਨੂੰ ਜਾਰੀ ਆਪਣੇ ਭਾਸ਼ਣ ਵਿਚ ਉਸ ਨੇ ਖੁਦ ਨੂੰ ਸਾਊਦੀ ਅਰਬ ਅਤੇ ਚਾਰ ਹੋਰ ਅਰਬ ਦੇਸ਼ਾਂ ਦੀ ਖਿਲਾਫਤ ਕਰਨ ਵਾਲੇ ਦੱਸਦੇ ਹੋਏ ਸਮੁਚੇ ਸੰਸਾਰ ਵਿਚ ਜੇਹਾਦ ਦਾ ਵੀ ਸੱਦਾ ਦਿੱਤਾ ਸੀ।
ਸਮਰਾਟ ਦੇ ਤਬੂਤਾਂ ਨੂੰ ਹਟਾਏਗਾ ਚੀਨ
NEXT STORY 
