ਕਾਠਮੰਡੂ- ਭਾਰਤ-ਨੇਪਾਲ ਸਰਹੱਦ 'ਤੇ ਨੇਪਾਲੀ ਨੀਮ ਫੌਜੀਆਂ ਨੇ ਮੰਗਲਵਾਰ ਨੂੰ ਪੰਜ ਭਾਰਤੀ ਨਾਗਰਿਕਾਂ ਨੂੰ ਕਥਿਤ ਤੌਰ 'ਤੇ ਹਥਿਆਰ ਲਿਜਾਉਂਦੇ ਹੋਏ ਫੜਿਆ ਹੈ। ਹਥਿਆਰਬੰਦ ਪੁਲਸ ਫੋਰਸ ਦੇ ਉਪ ਅਧਿਕਾਰੀ ਅਜੇ ਛਟਕੁਲੇ ਨੇ ਦੱਸਿਆ ਕਿ ਇਕ ਸੂਚਨਾ ਦੇ ਆਧਾਰ 'ਤੇ ਦੱਖਣੀ ਨੇਪਾਲ ਦੇ ਰੌਤਾਹਾਟ ਜ਼ਿਲੇ ਤੋਂ ਦੋਸ਼ੀਆਂ ਨੂੰ ਫੜ ਲਿਆ। ਉਨ੍ਹਾਂ ਨੇ ਕਿਹਾ ਕਿ ਇਨ੍ਹਾਂ ਲੋਕਾਂ ਕੋਲ ਦੋ ਚੀਨੀ ਪਿਸਤੌਲ, ਇਕ ਦੇਸੀ ਬੰਦੂਕ ਅਤੇ ਦੋ ਦਰਜਨ ਕਾਰਤੂਸ ਬਰਾਮਦ ਕੀਤੇ ਗਏ। ਅਧਿਕਾਰੀ ਨੇ ਦੱਸਿਆ ਕਿ ਭਾਰਤੀ ਹਥਿਆਰਬੰਦ ਅਪਰਾਧੀਆਂ ਖਿਲਾਫ ਇਹ ਇਕ ਵੱਡੀ ਕਾਰਵਾਈ ਸੀ ਤਾਂ ਭਾਰਤ-ਨੇਪਾਲ ਸਰਹੱਦ 'ਤੇ ਕਈ ਗਤੀਵਿਧੀਆਂ 'ਚ ਸ਼ਾਮਲ ਹਨ। ਗ੍ਰਿਫਤਾਰ ਕੀਤੇ ਗਏ ਲੋਕਾਂ 'ਚ ਤਿੰਨ ਦਾ ਸਬੰਧ ਬਿਹਾਰ ਦੇ ਸੀਤਾਮੜੀ ਅਤੇ ਦੋ ਦਾ ਸਬੰਧ ਮੋਤੀਹਾਰੀ ਨਾਲ ਹੈ। ਇਨ੍ਹਾਂ ਦੀ ਪਛਾਣ ਸੁਨੀਲ ਕੁਮਾਰ ਰਾਜਪੂਤ (35), ਕਨੱਈਆ ਕੁਮਾਰ ਸਿੰਘ (21), ਵਿਕਾਸ ਸਿੰਘ (20) ਅਤੇ ਛੋਟੂ ਸਿੰਘ (22) ਦੇ ਰੂਪ 'ਚ ਹੋਈ ਹੈ।
ਸ਼੍ਰੀਲੰਕਾ : ਸਰਵ ਪਾਰਟੀ ਸਰਕਾਰ ਬਣਾਏਗੀ ਵਿਰੋਧੀ ਧਿਰ
NEXT STORY 
