ਮੈਲਬੋਰਨ-ਆਸ਼ਰਮ ਦੀ ਆੜ 'ਚ ਮਹਿਲਾਵਾਂ ਦੇ ਯੌਨ ਸੋਸ਼ਣ ਦੀਆਂ ਘਿਨੌਣੀਆਂ ਘਟਨਾਵਾਂ ਸਾਡੇ ਦੇਸ਼ ਤੱਕ ਹੀ ਸੀਮਿਤ ਨਹੀਂ ਹੈ। ਆਪਣੇ-ਆਪ ਨੂੰ ਸਾਧੂ-ਸੰਨਿਆਸੀ ਕਹਿਣ ਵਾਲਿਆਂ ਨੇ ਵਿਦੇਸ਼ਾਂ 'ਚ ਵੀ ਆਸ਼ਰਮ ਖੋਲ੍ਹ ਕੇ ਘਿਨੌਣੀਆਂ ਵਾਰਦਾਤਾਂ ਨੂੰ ਅੰਜ਼ਾਮ ਦਿੱਤਾ ਹੈ। ਆਸਟ੍ਰੇਲੀਆ 'ਚ ਹੋਏ ਯੌਨ ਸੋਸ਼ਣ ਦੇ ਅਜਿਹੀ ਹੀ ਮਾਮਲੇ 'ਚ ਹੋਈ ਜਨ ਸੁਣਵਾਈ 'ਚ ਕਿਹਾ ਗਿਆ ਕਿ ਆਸਟ੍ਰੇਲੀਆ ਦੇ ਸਭ ਤੋਂ ਪੁਰਾਣੇ ਆਸ਼ਰਮ ਦੇ ਭਾਰਤੀ ਮੁਖੀ ਨੇ ਉਥੇ ਤਿੰਨ ਸਾਲ ਦੀ ਬੱਚੀ ਨਾਲ ਵਾਰ-ਵਾਰ ਛੇੜਛਾੜ ਕੀਤੀ ਸੀ ਅਤੇ ਸ਼ਿਕਾਇਤ ਕਰਨ 'ਤੇ ਜਾਨ ਤੋਂ ਮਾਰਨ ਦੀ ਧਮਕੀ ਦਿੱਤੀ ਸੀ। ਇੰਨਾ ਹੀ ਨਹੀਂ ਆਪਣੇ ਗੰਦਾ ਕੰਮਾਂ ਨੂੰ ਸਹੀ ਠਹਿਰਾਉਣ ਲਈ ਸੰਤ ਇਸ ਨੂੰ ਈਸ਼ਵਰ ਦੇ ਨੇੜੇ ਜਾਣ ਦਾ ਜ਼ਰਿਆ ਦੱਸਦਾ ਸੀ।
ਰਾਇਲ ਕਮਿਸ਼ਨ ਇਨ ਟੂ ਇੰਸਟੀਚਿਊਸ਼ਨਲ ਰਿਸਪੌਂਸ ਟੂ ਚਾਇਲਡ ਸੈਕਸੁਅਲ ਏਬਿਊਜ ਨੂੰ ਦੱਸਿਆ ਗਿਆ ਕਿ ਨਿਊ ਸਾਊਥ ਵੇਲਸ ਦੇ ਮੈਂਗ੍ਰੋਵ ਪਰਬਤ 'ਤੇ ਸਥਿਤ ਸਤਿਆਨੰਦ ਯੋਨ ਆਸ਼ਰਮ ਦੇ ਮੁਖੀ ਮਹਾਨ ਅਖੰਡਾਨੰਦ ਸਰਸਵਤੀ ਨੇ 1970 ਅਤੇ 1980 ਦੇ ਦਹਾਕੇ ਦੌਰਾਨ ਬੱਚਿਆਂ ਦਾ ਯੌਨ ਸੋਸ਼ਣ ਕੀਤਾ ਸੀ। ਖਬਰਾਂ ਅਨੁਸਾਰ ਆਸ਼ਰਮ ਅਤੇ ਇਸਦੇ ਮੁਖੀ ਅਖੰਡਾਨੰਦ ਸਰਸਵਤੀ ਖਿਲਾਫ ਕਮਿਸ਼ਨ ਦੀ ਜਾਂਚ 'ਚ ਇਹ ਪਾਇਆ ਗਿਆ ਕਿ ਆਸ਼ਰਮ 'ਚ ਰਹਿਣ ਵਾਲੇ 11 ਬੱਚਿਆਂ ਨਾਲ ਮਾੜਾ ਵਿਵਹਾਰ ਕੀਤਾ ਗਿਆ। ਆਸ਼ਰਮ 'ਚ ਰਹਿਣ ਵਾਲੀ ਮਹਿਲਾ ਨੇ ਦੱਸਿਆ ਕ ਿਉਹ ਉਥੇ ਦਾਸੀ ਅਤੇ ਮਾਸ ਦੇ ਇਕ ਪੁਤਲੇ ਦੀ ਤਰ੍ਹਾਂ ਆਪਣੇ ਆਪ ਨੂੰ ਮਹਿਸੂਸ ਕਰਦੀ ਸੀ। ਜਦੋਂ ਉਹ 16 ਸਾਲ ਦੀ ਸੀ ਉਦੋਂ ਉਸਦੇ ਨਾਲ ਬਲਾਤਕਾਰ ਕੀਤਾ ਗਿਆ।
ਦੋ ਹਫਤਿਆਂ ਦੀ ਸੁਣਵਾਈ ਦੌਰਾਨ 25 ਤੋਂ ਜ਼ਿਆਦਾ ਗਵਾਹਾਂ ਦੇ ਬਿਆਨ ਦੇਣ ਦੀ ਉਮੀਦ ਹੈ। ਜ਼ਿਕਰਯੋਗ ਹੈ ਕਿ ਅਖੰਡਾਨੰਦ ਸਰਸਵਤੀ ਨੂੰ 1987 'ਚ ਉਦੋਂ ਦੋਸ਼ੀ ਬਣਾਇਆ ਗਿਆ ਜਦੋਂ ਇਕ ਪੀੜਤਾ ਪੁਲਸ ਕੋਲ ਗਈ ਸੀ। ਉਨ੍ਹਾਂ ਨੇ 1989 'ਚ ਦੋਸ਼ੀ ਠਹਿਰਾਇਆ ਗਿਆ ਅਤੇ ਜੇਲ ਦੀ ਸਜ਼ਾ ਸੁਣਾਈ ਗਈ ਪਰ 1991 'ਚ ਇਕ ਕਾਨੂੰਨ ਦੀ ਤਕਨੀਕੀ ਬਿਆਨ ਕਾਰਨ ਇਹ ਫੈਸਲਾ ਬਦਲ ਦਿੱਤਾ ਗਿਆ। ਉਨ੍ਹਾਂ ਦਾ 1997 'ਚ ਕ੍ਰੇਂਸ 'ਚ ਦੇਹਾਂਤ ਹੋ ਗਿਆ। ਰਾਇਲ ਕਮਿਸ਼ਨ ਦੇ ਸਾਹਮਣੇ ਪੜ੍ਹੇ ਗਏ ਇਕ ਬਿਆਨ ਅਨੁਸਾਰ ਆਸ਼ਰਮ ਦੇ ਵਕੀਲ ਆਰੋਨ ਕੇਰਨਾਗਨ ਨੇ ਸੰਗਠਨ ਵਲੋਂ ਮੁਆਫੀ ਮੰਗੀ।
C
ਪੌਪ ਗਾਇਕ ਦੇ ਖਿਲਾਫ ਈਸ਼ਨਿੰਦਾ ਦਾ ਮਾਮਲਾ ਦਰਜ
NEXT STORY 
