ਓਟਸ ਪੋਂਗਲ ਬਹੁਤ ਹੀ ਸੁਆਦ ਜਿਹੀ ਡਿਸ਼ ਹੈ ਜੋ ਸੁਆਦ ਹੋਣ ਦੇ ਨਾਲ ਪੌਸ਼ਟਿਕ ਵੀ ਹੁੰਦੀ ਹੈ। ਓਟਸ ਪੋਂਗਲ ਨੂੰ ਬਣਾਉਣ 'ਚ ਤੁਹਾਨੂੰ ਸਿਰਫ 25 ਮਿੰਟ ਚਾਹੀਦੇ ਹਨ। ਓਟਸ ਪੋਂਗਲ ਨੂੰ ਤੁਸੀਂ ਬ੍ਰੇਕਫਾਸਟ ਜਾਂ ਫਿਰ ਲੰਚ 'ਚ ਵੀ ਖਾ ਸਕਦੇ ਹੋ। ਇਹ ਇਕ ਭਾਰੀ ਬ੍ਰੇਕਫਾਸਟ ਹੈ ਜਿਸ ਨੂੰ ਖਾਣ ਤੋਂ ਬਾਅਦ ਦੁਪਹਿਰ ਤੱਕ ਭੁੱਖ ਨਹੀਂ ਲੱਗਦੀ।
ਸਮੱਗਰੀ:-
ਓਟਸ- 1 ਕੱਪ
ਮੂੰਗ ਦਾਲ- 1/4 ਕੱਪ
ਪਾਣੀ- 1 ਤੋਂ 2 ਕੱਪ
ਕਾਲੀ ਮਿਰਚ ਦੇ ਦਾਣੇ
ਨਮਕ
ਕੜੀ ਪੱਤਾ- 1 ਗੁੱਛਾ
ਅਦਰਕ ਕੱਟਿਆ ਹੋਇਆ- 1/4 ਚਮਚ
ਹਲਦੀ- 1 ਛੋਟਾ ਚਮਚ
ਘਿਓ- 1 ਚਮਚ
ਜੀਰਾ-1/4 ਚਮਚ
ਹੀਂਗ- ਚੁਟਕੀ ਭਰ
ਵਿਧੀ:-
ਸਭ ਤੋਂ ਪਹਿਲਾਂ ਓਟਸ ਨੂੰ ਕੜਾਹੀ ਜਾਂ ਪੈਨ 'ਚ 5 ਮਿੰਟ ਲਈ ਭੁੰਨ ਕੇ ਸਾਈਡ 'ਤੇ ਰੱਖ ਲਓ।
ਦਾਲ ਨੂੰ ਧੋ ਕੇ ਨਮਕ ਅਤੇ ਡੇਢ ਕੱਪ ਪਾਣੀ ਦੇ ਨਾਲ ਪਕਾ ਲਓ। ਹੁਣ ਦਾਲ 'ਚ ਰੋਸਟ ਕੀਤੇ ਓਟਸ ਪਾ ਕੇ ਹਿਲਾਓ। ਜੇਕਰ ਪਾਣੀ ਘੱਟ ਪੈ ਜਾਵੇ ਤਾਂ ਇਸ ਚ ਹੋਰ ਥੋੜ੍ਹਾ ਪਾਣੀ ਪਾ ਲਓ। ਇਕ ਵੱਖਰੇ ਪੈਨ 'ਚ ਘਿਓ ਗਰਮ ਕਰੋ, ਉਸ 'ਚ ਕਾਜੂ ਪਾ ਕੇ ਫਰਾਈ ਕਰੋ। ਫਿਰ ਜੀਰਾ, ਕਾਲੀ ਮਿਰਚ ਦੇ ਦਾਣੇ ਅਤੇ ਅਦਰਕ ਅਤੇ ਕੜੀ ਪੱਤੇ ਪਾ ਕੇ ਹਿਲਾਓ । ਫਿਰ ਹਲਦੀ ਅਤੇ ਹਿੰਗ ਪਾ ਕੇ ਹਿਲਾਓ ਅਤੇ ਉੱਪਰ ਪੱਕਿਆ ਹੋਇਆ ਓਟਸ ਅਤੇ ਦਾਲ ਪਾਓ। ਇਸ ਨੂੰ ਚੰਗੀ ਤਰ੍ਹਾਂ ਰਲਾ ਲਓ। ਮਿਕਸ ਕਰਨ ਤੋਂ ਬਾਅਦ ਇਸ ਨੂੰ ਚਟਨੀ ਜਾਂ ਪਾਪੜ ਦੇ ਨਾਲ ਖਾਓ।
ਮੰਗਲ ਨਾਲ ਜੁੜੇ ਨਵੇਂ ਸਬੂਤ ਬਦਲ ਦੇਣਗੇ ਜਲਵਾਯੂ ਦਾ ਇਤਿਹਾਸ
NEXT STORY 
