ਮੁੰਬਈ- ਦਿੱਲੀ 'ਚ ਵਿਧਾਨਸਭਾ ਚੋਣਾਂ ਤੋਂ ਪਹਿਲਾਂ ਨਿਵੇਸ਼ਕਾਂ 'ਚ ਚੌਕਸ ਰੁਖ ਅਤੇ ਪ੍ਰਮੁੱਖ ਕੰਪਨੀਆਂ ਦੇ ਕਮਜ਼ੋਰ ਨਤੀਜਿਆਂ ਕਾਰਨ ਘਰੇਲੂ ਸ਼ੇਅਰ ਬਾਜ਼ਾਰਾਂ 'ਚ ਗਿਰਾਵਟ ਅੱਜ ਛੇਵੇਂ ਦਿਨ ਵੀ ਜਾਰੀ ਰਹੀ ਜਿੱਥੇ ਸੈਂਸੈਕਸ 133.06 ਅੰਕ ਹੋਰ ਟੁੱਟਿਆ। ਸੈਂਸੈਕਸ 'ਚ ਇਸ ਹਫ਼ਤੇ ਕੁਲ ਮਿਲਾ ਕੇ 465 ਅੰਕ ਦੀ ਗਿਰਾਵਟ ਦਰਜ ਕੀਤੀ ਗਈ ਜੋ 2 ਮਹੀਨਿਆਂ ਦੀ ਸਭ ਤੋਂ ਵੱਡੀ ਹਫਤਾਵਾਰੀ ਗਿਰਾਵਟ ਹੈ।
ਅੱਜ ਵਾਹਨ, ਹੈਲਥਕੇਅਰ, ਬੈਂਕਿੰਗ, ਪਾਵਰ, ਤੇਲ ਅਤੇ ਗੈਸ, ਟਿਕਾਊ ਖਪਤਕਾਰ ਸਾਮਾਨ ਖੰਡ ਦੇ ਸ਼ੇਅਰਾਂ 'ਚ ਬਿਕਵਾਲੀ ਦਬਾਅ ਦੇਖਣ ਨੂੰ ਮਿਲਿਆ। ਸੈਂਸੈਕਸ ਸਵੇਰੇ 28,892.21 ਅੰਕ 'ਤੇ ਸਾਕਾਰਾਤਮਕ ਖੁੱਲ੍ਹਿਆ। ਕਾਰੋਬਾਰ ਦੌਰਾਨ ਇਹ 28,647.14 ਅੰਕ ਤਕ ਡਿੱਗਣ ਦੇ ਬਾਅਦ ਅੰਤ 'ਚ 133.06 ਅੰਕ ਦੀ ਗਿਰਾਵਟ ਵਿਖਉਂਦਾ ਹੋਇਆ 28,717.91 ਅੰਕ 'ਤੇ ਬੰਦ ਹੋਇਆ। ਇਸੇ ਤਰ੍ਹਾਂ ਲਗਾਤਾਰ 6 ਕਾਰੋਬਾਰੀ ਇਜਲਾਸਾਂ 'ਚ ਸੈਂਸੈਕਸ 963.86 ਅੰਕ ਟੁੱਟ ਚੁੱਕਾ ਹੈ। ਹਫਤੇ ਦੌਰਾਨ ਸੈਂਸੈਕਸ 465.04 ਅੰਕ ਟੁੱਟਿਆ। ਇਸ ਤਰ੍ਹਾਂ 12 ਦਸੰਬਰ 2014 ਦੇ ਬਾਅਦ ਇਸ 'ਚ ਇਹ ਸਭ ਤੋਂ ਵੱਡੀ ਹਫਤਾਵਾਰੀ ਗਿਰਾਵਟ ਹੈ ਜਦੋਂ ਇਹ 1,107.42 ਅੰਕ 'ਤੇ ਬੰਦ ਹੋਇਆ ਸੀ ।
ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 50.65 ਅੰਕ ਟੁੱਟਕੇ 8,661.05 ਅੰਕ 'ਤੇ ਬੰਦ ਹੋਇਆ। ਬਿਕਵਾਲੀ ਦਬਾਅ ਦੇ ਕਾਰਨ ਟਾਟਾ ਮੋਟਰਸ, ਭੇਲ, ਸਨ ਫਾਰਮਾ, ਟਾਟਾ ਸਟੀਲ, ਮਹਿੰਦਰਾ ਐਂਡ ਮਹਿੰਦਰਾ, ਹੀਰੋ ਮੋਟੋਕਾਰਪ, ਐਚ.ਡੀ.ਐਫ.ਸੀ. ਬੈਂਕ, ਆਈ.ਸੀ.ਆਈ.ਸੀ.ਆਈ. ਬੈਂਕ, ਟਾਟਾ ਪਾਵਰ, ਸੀ.ਆਈ.ਐਲ., ਓ.ਐਨ.ਜੀ.ਸੀ., ਆਰ.ਆਈ.ਐਲ. ਅਤੇ ਸਿਪਲਾ ਦਾ ਸ਼ੇਅਰ ਗਿਰਾਵਟ ਨਾਲ ਬੰਦ ਹੋਇਆ । ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ ਨੇ ਕੱਲ 72.43 ਕਰੋੜ ਰੁਪਏ ਦੇ ਸ਼ੇਅਰਾਂ ਦੀ ਸ਼ੁੱਧ ਬਿਕਵਾਲੀ ਕੀਤੀ ਸੀ।
ਕੱਚੇ ਤੇਲ 'ਚ ਲਗਾਤਾਰ ਦੂਜੇ ਦਿਨ ਵੀ ਤੇਜ਼ੀ
NEXT STORY 
