ਮੁੰਬਈ- ਦਿੱਲੀ 'ਚ ਭਾਜਪਾ ਦੀ ਸਰਕਾਰ ਨਹੀਂ ਬਣਨ ਦੇ ਖਦਸ਼ੇ ਦੇ ਵਿਚਾਲੇ ਫੰਡਾਂ ਅਤੇ ਫੁਟਕਰ ਨਿਵੇਸ਼ਕਾਂ ਵੱਲੋਂ ਚੋਣਵੇਂ ਸ਼ੇਅਰਾਂ ਦੀ ਵਿਕਰੀ ਵਧਾਏ ਜਾਣ ਨਾਲ ਬੰਬਈ ਸ਼ੇਅਰ ਬਾਜ਼ਾਰ ਦਾ ਸੈਂਸੈਕਸ ਸੋਮਵਾਰ ਦੇ ਸ਼ੁਰੂਆਤੀ ਕਾਰੋਬਾਰ 'ਚ 286 ਅੰਕ ਕਮਜ਼ੋਰ ਹੋ ਗਿਆ। ਇਸ ਤੋਂ ਇਲਾਵਾ ਬਲਿਊਚਿਪ ਕੰਪਨੀਆਂ ਦੇ ਕਮਜ਼ੋਰ ਤਿਮਾਹੀ ਨਤੀਜਿਆਂ ਅਤੇ ਰੁਪਏ ਦੀ ਕਮਜ਼ੋਰ ਵਟਾਂਦਰਾ ਦਰ ਦੇ ਕਾਰਨ ਵੀ ਬਾਜ਼ਾਰ 'ਚ ਗਿਰਾਵਟ ਦਾ ਰੁਖ ਰਿਹਾ।
ਬੰਬਈ ਸ਼ੇਅਰ ਬਾਜ਼ਾਰ ਦੇ ਪ੍ਰਮੁੱਖ ਸੂਚਕ ਅੰਕ ਬੀ.ਐੱਸ.ਈ.-30 'ਚ ਪਿਛਲੇ 6 ਕਾਰੋਬਾਰੀ ਸੈਸ਼ਨਾਂ ਦੇ ਦੌਰਾਨ 963.86 ਅੰਕ ਦੀ ਗਿਰਾਵਟ ਦਰਜ ਕੀਤੀ ਗਈ ਸੀ, ਜੋ ਸੋਮਵਾਰ ਦੇ ਸ਼ੁਰੂਆਤੀ ਕਾਰੋਬਾਰ 'ਚ 286.49 ਅੰਕ ਜਾਂ 0.99 ਫੀਸਦੀ ਘੱਟ ਕੇ 28,431.42 ਅੰਕ 'ਤੇ ਆ ਗਿਆ। ਇਸੇ ਤਰ੍ਹਾਂ ਨੈਸ਼ਨਲ ਸਟਾਕ ਐੱਕਸਚੇਂਜ ਦਾ ਨਿਫਟੀ-50 ਵੀ 77.85 ਅੰਕ ਜਾਂ 0.99 ਫੀਸਦੀ ਘੱਟ ਕੇ 8,583.20 'ਤੇ ਆ ਗਿਆ। ਬਾਜ਼ਾਰ ਵਿਸ਼ਲੇਸ਼ਕਾਂ ਨੇ ਦੱਸਿਆ ਕਿ ਦਿੱਲੀ 'ਚ ਭਾਜਪਾ ਦੀ ਸਰਕਾਰ ਨਹੀਂ ਬਣਨ ਦੇ ਖਦਸ਼ੇ ਦੇ ਵਿਚਾਲੇ ਫੰਡਾਂ ਅਤੇ ਫੁਟਕਰ ਨਿਵੇਸ਼ਕਾਂ ਵੱਲੋਂ ਰੀਅਲਟੀ, ਵਾਹਨ, ਧਾਤ ਅਤੇ ਬੈਂਕਿੰਗ ਖੇਤਰ ਦੇ ਸ਼ੇਅਰਾਂ ਦੀ ਵਿਕਰੀ ਵਧਾਏ ਜਾਣ ਨਾਲ ਸੈਂਸੈਕਸ 'ਚ ਗਿਰਾਵਟ ਆਈ।
ਸ਼ੁਰੂਆਤੀ ਕਾਰੋਬਾਰ 'ਚ ਰੁਪਿਆ 36 ਪੈਸੇ ਕਮਜ਼ੋਰ
NEXT STORY 
