ਨਵੀਂ ਦਿੱਲੀ- ਭਾਰਤੀ ਅਰਥਵਿਵਸਥਾ ਜਿਸ ਰਫਤਾਰ ਨਾਲ ਵੱਧ ਰਹੀ ਹੈ ਉਸ ਹਿਸਾਬ ਨਾਲ ਅਗਲੇ ਚਾਰ ਸਾਲਾਂ 'ਚ ਉਸ ਦਾ ਸਰਬ ਘਰੇਲੂ ਉਤਪਾਦ (ਜੀ.ਡੀ.ਪੀ.) ਜਾਪਾਨ ਅਤੇ ਜਰਮਨੀ ਦੇ ਸਾਂਝੇ ਜੀ.ਡੀ.ਪੀ. ਤੋਂ ਜ਼ਿਆਦਾ ਹੋ ਜਾਵੇਗਾ। ਕੌਮਾਂਤਰੀ ਮੁਦਰਾ ਫੰਡ ਦੇ ਅੰਕੜਿਆਂ ਦੇ ਮੁਤਾਬਕ ਭਾਰਤੀ ਅਰਥਵਿਵਸਥਾ ਚਾਲੂ ਮਾਲੀ ਸਾਲ 'ਚ 7.2 ਫੀਸਦੀ ਦੀ ਦਰ ਨਾਲ ਵੱਧ ਰਹੀ ਹੈ। ਜਦੋਂਕਿ ਅਗਲੇ ਸਾਲ ਇਸ ਦੀ ਵਿਕਾਸ ਦਰ 7.5 ਫੀਸਦੀ ਰਹੇਗੀ। ਇਸ ਦੇ ਮੁਤਾਬਕ ਸਾਲ 2019 ਤੱਕ ਇਹ ਸਾਲ 2000 ਦੇ ਮੁਕਾਬਲੇ ਦੁਗਣੀ ਹੋ ਜਾਵੇਗੀ ਅਤੇ ਇਸ ਦਾ ਆਕਾਰ ਜਾਪਾਨ ਅਤੇ ਜਰਮਨੀ ਦੀਆਂ ਅਰਥਵਿਵਸਥਾਵਾਂ ਦੇ ਸਾਂਝੇ ਆਕਾਰ ਤੋਂ ਵੀ ਵੱਧ ਹੋ ਜਾਵੇਗਾ।
ਜ਼ਿਕਰਯੋਗ ਹੈ ਕਿ ਵਰਤਮਾਨ 'ਚ ਅਮਰੀਕਾ ਦੁਨੀਆ ਦੀ ਸਭ ਤੋਂ ਵੱਡੀ ਅਰਥਵਿਵਸਥਾ ਹੈ ਜਦੋਂਕਿ ਚੀਨ ਦੂਜੇ ਸਥਾਨ 'ਤੇ ਹੈ। ਇਸ ਤੋਂ ਬਾਅਦ ਕ੍ਰਮਵਾਰ ਜਾਪਾਨ ਅਤੇ ਜਰਮਨੀ ਦਾ ਸਥਾਨ ਹੈ। ਆਈ.ਐੱਫ.ਐੱਫ. ਦੇ ਮੁਤਾਬਕ ਸਾਲ 201 ਤੱਕ ਦੇਸ਼ ਦਾ ਕੁਲ ਉਤਪਾਦਨ ਸਭ ਤੋਂ ਤੇਜ਼ੀ ਨਾਲ ਉਭਰ ਰਹੀਆਂ ਤਿੰਨ ਅਰਥਵਿਵਸਥਾਵਾਂ ਰੂਸ, ਬ੍ਰਾਜ਼ੀਲ, ਇੰਡੋਨੇਸ਼ੀਆ ਦੇ ਸਾਂਝੇ ਉਤਪਾਦਨ ਤੋਂ ਵੀ ਜ਼ਿਆਦਾ ਹੋ ਜਾਵੇਗਾ। ਇਸ ਤੋਂ ਪਿੱਛੇ ਸਭ ਤੋਂ ਵੱਡਾ ਕਾਰਨ ਦੇਸ਼ ਦੀ ਨੌਜਵਾਨ ਆਬਾਦੀ ਹੈ। ਵਰਤਮਾਨ 'ਚ ਦੇਸ਼ ਦੀ 50 ਫੀਸਦੀ ਤੋਂ ਜ਼ਿਆਦਾ ਦੀ ਆਬਾਦੀ 25 ਸਾਲ ਤੋਂ ਘੱਟ ਉਮਰ ਦੀ ਹੈ ਅਤੇ ਹਰ ਸਾਲ ਕਿਰਤ ਬਲ 'ਚ ਇਕ ਕਰੋੜ 20 ਲੱਖ ਲੋਕ ਜੁੜ ਰਹੇ ਹਨ।
ਭਾਰਤ 'ਚ ਹਰ 3 ਮਿੰਟ 'ਚ ਹੈਕ ਹੋ ਜਾਂਦੀ ਹੈ ਇਕ ਵੈੱਬਸਾਈਟ
NEXT STORY 
