ਕਿਫਾਇਤੀ ਕੀਮਤਾਂ 'ਚ ਵਧੀਆ ਫੀਚਰ ਦੇਣ ਵਾਲੀ ਸਮੀਰਟਫੋਨ ਕੰਪਨੀ ਜਿਓਮੀ ਇਕ ਵਾਰ ਫਿਰ ਸਾਰਿਆਂ ਨੂੰ ਹੈਰਾਨ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਹਾਲ ਹੀ 'ਚ ਕੰਪਨੀ ਨੇ ਐਂਟਰੀ ਲੇਵਲ ਸਮਾਰਟਫੋਨ ਰੈਡਮੀ 2 ਨੂੰ ਲਾਂਚ ਕੀਤਾ ਹੈ ਪਰ ਰਿਪੋਰਟ ਅਨੁਸਾਰ ਹੁਣ ਇਹ ਕੰਪਨੀ ਆਪਣੇ ਹੀ ਸਮਾਰਟਫੋਨ ਨੂੰ ਟੱਕਰ ਦੇਣ ਲਈ ਇਸ ਤੋਂ ਵੀ ਸਸਤਾ ਸਮਾਰਟਫੋਨ ਲੈ ਕੇ ਆਉਣ ਵਾਲੀ ਹੈ। ਹਾਲਾਂਕਿ ਅਜੇ ਤਕ ਇਹ ਨਹੀਂ ਕਿਹਾ ਜਾ ਸਕਦਾ ਕਿ ਕੰਪਨੀ ਇਸ ਸਮਾਰਟਫੋਨ ਦਾ ਨਾਮ ਕੀ ਰੱਖੇਗੀ।
ਫੀਚਰਸ- ਰਿਪੋਰਟ ਅਨੁਸਾਰ ਇਸ ਸਮਾਰਟਫੋਨ 'ਚ 4.7 ਇੰਚ ਦੀ 720 ਪਿਕਸਲ ਡਿਸਪਲੇ, 1 ਜੀ.ਬੀ. ਦੀ ਰੈਮ, 8 ਜੀ.ਬੀ. ਦੀ ਇੰਟਰਨਲ ਸਟੋਰੇਜ, 8 ਮੈਗਾਪਿਕਸਲ ਦਾ ਰਿਅਰ ਕੈਮਰਾ ਅਤੇ 2 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਹੋਵੇਗਾ। ਇਸ ਦੇ ਇਲਾਵਾ ਇਹ ਫੋਨ ਐਂਡਰਾਇਡ ਦੇ 4.4.4 ਕਿਟਕੈਟ ਵਰਜ਼ਨ 'ਤੇ ਚੱਲੇਗਾ।
ਨਿਊਜ਼ ਰਿਪੋਰਟ ਦੀ ਮੰਨਿਏ ਤਾਂ ਜਿਓਮੀ ਦੇ ਇਸ ਸਮਾਰਟਫੋਨ ਦੀ ਕੀਮਤ 399 cny ਯਾਨੀ 65 ਡਾਲਰ ਦੇ ਲੱਗਭਗ ਹੋਵੇਗੀ। ਭਾਰਤੀ ਕੀਮਤ ਦੇ ਹਿਸਾਬ ਨਾਲ ਇਸ ਸਮਾਰਟਫੋਨ ਦੀ ਕੀਮਤ 4051 ਰੁਪਏ ਬਣਦੀ ਹੈ। ਹੁਣ ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਘੱਟ ਕੀਮਤ 'ਚ ਇੰਨੇ ਸਾਰੇ ਫੀਚਰਸ ਵਾਲਾ ਇਹ ਸਮਾਰਟਫੋਨ ਕਈ ਸਾਰੇ ਸਮਾਰਟਫੋਨਸ ਨੂੰ ਟੱਕਰ ਦੇਵੇਗਾ।
ਇਨ੍ਹਾਂ ਦਿਨਾਂ 'ਚ ਬੰਦ ਰਹਿਣਗੇ ਬੈਂਕ, ATM ਮਸ਼ੀਨ 'ਚ ਵੀ ਖਤਮ ਹੋ ਸਕਦੇ ਹਨ ਪੈਸੇ
NEXT STORY 
