ਜਲੰਧਰ-ਜਲੰਧਰ ਪੁਲਸ ਦੀ ਹਿਰਾਸਤ 'ਚ ਸੁੱਖਾ ਕਾਹਲਵਾਂ ਦੇ ਜਿਗਰੀ ਯਾਰ ਗੈਂਗਸਟਰ ਦਲਜੀਤ ਭਾਨਾ ਨੇ ਸੁੱਖੇ ਦੀ ਜ਼ਿੰਦਗੀ ਨੂੰ ਲੈ ਕੇ ਕਈ ਖੁਲਾਸੇ ਕੀਤੇ ਹਨ ਪਰ ਉਸ ਦੀ ਲਵ ਮੈਰਿਜ ਸੰਬੰਧੀ ਭਾਨੇ ਨੇ ਹੁਣ ਤੱਕ ਦਾ ਸਭ ਤੋਂ ਵੱਡਾ ਖੁਲਾਸਾ ਕੀਤਾ ਹੈ। ਦਲਜੀਤ ਭਾਨਾ ਨੇ ਪੁੱਛਗਿੱਛ ਦੌਰਾਨ ਦੱਸਿਆ ਹੈ ਕਿ ਕਿਵੇਂ ਸੁੱਖਾ ਕਾਹਲਵਾਂ ਦਾ ਵਿਆਹ ਹੋਇਆ ਅਤੇ ਫਿਰ ਉਹ ਆਸਟ੍ਰੇਲੀਆ ਤੋਂ ਭਾਰਤ ਵਾਪਸ ਆ ਗਿਆ।
ਭਾਨਾ ਨੇ ਦੱਸਿਆ ਕਿ ਸੁੱਖਾ ਕਾਹਲਵਾਂ ਇਕ ਕੁੜੀ ਨੂੰ ਪਿਆਰ ਕਰਦਾ ਸੀ ਪਰ ਕੁੜੀ ਦੇ ਘਰ ਵਾਲੇ ਦੋਹਾਂ ਦਾ ਵਿਆਹ ਕਰਨ ਲਈ ਰਾਜ਼ੀ ਨਹੀਂ ਸੀ। ਇਸ ਕਾਰਨ ਪਰਿਵਾਰ ਵਾਲਿਆਂ ਨੇ ਕੁੜੀ ਨੂੰ ਆਸਟ੍ਰੇਲੀਆ ਭੇਜ ਦਿੱਤਾ। ਆਸਟ੍ਰੇਲੀਆ ਜਾ ਕੇ ਵੀ ਕੁੜੀ ਨੇ ਸੁੱਖੇ ਦਾ ਪਿੱਛਾ ਨਾ ਛੱਡਿਆ ਅਤੇ ਉਸ ਨੂੰ ਫੋਨ ਕਰਦੀ ਰਹਿੰਦੀ ਸੀ।
ਫਿਰ ਸੁੱਖਾ ਕਾਹਲਵਾਂ ਦੇ ਦੋਸਤਾਂ ਨੇ ਕੁੜੀ ਨੂੰ ਭਾਰਤ ਬੁਲਾ ਲਿਆ ਅਤੇ ਦੋਹਾਂ ਦਾ ਚੋਰੀ-ਛੁਪੇ ਵਿਆਹ ਕਰਵਾ ਦਿੱਤਾ। ਵਿਆਹ ਤੋਂ ਬਾਅਦ ਕੁੜੀ ਦੇ ਘਰ ਵਾਲੇ ਵੀ ਮੰਨ ਗਏ ਅਤੇ ਸੁੱਖਾ ਆਪਣੀ ਪਤਨੀ ਨਾਲ ਆਸਟ੍ਰੇਲੀਆ ਚਲਾ ਗਿਆ। ਆਸਟ੍ਰੇਲੀਆ 'ਚ ਸੁੱਖੇ 'ਤੇ ਚਾਕੂ ਨਾਲ ਹਮਲਾ ਕੀਤਾ ਗਿਆ। ਸੁੱਖੇ ਨੂੰ ਸ਼ੱਕ ਸੀ ਕਿ ਜਿਸ ਵਿਅਕਤੀ ਨੇ ਉਸ 'ਤੇ ਹਮਲਾ ਕੀਤਾ ਹੈ, ਉਸ ਦੀ ਪਤਨੀ ਦਾ ਉਸ ਨਾਲ ਨਾਜਾਇਜ਼ ਰਿਸ਼ਤਾ ਹੈ।
ਇਸ ਤੋਂ ਬਾਅਦ ਸੁੱਖਾ ਭਾਰਤ ਵਾਪਸ ਆ ਗਿਆ ਅਤੇ ਲਵਲੀ ਬਾਬਾ ਦੇ ਕਤਲ ਤੋਂ ਬਾਅਦ ਉਹ ਫਰਾਰ ਹੋ ਗਿਆ, ਜਿਸ ਤੋਂ ਬਾਅਦ ਫਿਰ ਉਹ ਜ਼ੁਲਮ ਦੀ ਦੁਨੀਆ 'ਚ ਵਧਦਾ ਹੀ ਚਲਾ ਗਿਆ। ਜ਼ਿਕਰਯੋਗ ਹੈ ਕਿ ਸੁੱਖਾ ਕਾਹਲਵਾਂ ਦਾ ਫਗਵਾੜਾ ਨੇੜੇ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ।
ਗਿਆਨੀ ਬਲਵੰਤ ਸਿੰਘ ਹਾਈਕੋਰਟ ਵਲੋਂ ਐੱਸ. ਜੀ. ਪੀ. ਸੀ. ਨੂੰ ਨੋਟਿਸ
NEXT STORY 
