ਜਲੰਧਰ (ਸ਼ੋਰੀ) - ਗੁਰੂ ਰਵਿਦਾਸ ਚੌਕ ਨੇੜੇ ਸਥਿਤ ਇਕ ਰੈਸਟੋਰੈਂਟ ਵਿਚ ਖਰਾਬ ਚਿਕਨ ਖਾਣ ਨਾਲ ਬਸਤੀ ਦਾਨਿਸ਼ਮੰਦਾਂ ਨਿਵਾਸੀ ਨੌਜਵਾਨ ਦੀ ਹਾਲਤ ਵਿਗੜਨੀ ਸ਼ੁਰੂ ਹੋ ਗਈ। ਨੌਜਵਾਨ ਦੇ ਸਮਰਥਕਾਂ ਨੇ ਜਿਵੇਂ ਹੀ ਰੈਸਟੋਰੈਂਟ ਦੇ ਮਾਲਕ ਤੋਂ ਇਸ ਸਬੰਧੀ ਪੁੱਛਿਆ ਤਾਂ ਕਥਿਤ ਤੌਰ 'ਤੇ ਮਾਲਕ ਨੇ ਉਨ੍ਹਾਂ ਨਾਲ ਝਗੜਾ ਕੀਤਾ। ਇਸ ਸਬੰਧੀ ਪੀੜਤ ਪੱਖ ਨੇ ਪਹਿਲਾਂ ਤਾਂ ਥਾਣਾ ਨੰ. 5 ਵਿਚ ਜਾ ਕੇ ਜਾਣਕਾਰੀ ਦਿੱਤੀ ਪਰ ਥਾਣਾ ਭਾਰਗੋ ਕੈਂਪ ਦਾ ਹੋਣ ਕਾਰਨ ਪੀੜਤ ਪੱਖ ਨੇ ਥਾਣਾ ਭਾਰਗੋ ਕੈਂਪ ਜਾ ਕੇ ਪੁਲਸ ਨੂੰ ਸ਼ਿਕਾਇਤ ਦਰਜ ਕਰਵਾਈ ਪਰ ਪੁਲਸ ਵਾਲਿਆਂ ਨੇ ਉਨ੍ਹਾਂ ਨੂੰ ਸਵੇਰੇ ਆਉਣ ਲਈ ਕਿਹਾ। ਇਸ ਦੇ ਬਾਅਦ ਵਿਗੜੀ ਹਾਲਤ ਵਿਚ ਅਮਿਤ ਪੁੱਤਰ ਸੁਰਿੰਦਰਪਾਲ ਨਿਵਾਸੀ ਕਟੜਾ ਮੁਹੱਲਾ ਬਸਤੀ ਦਾਨਿਸ਼ਮੰਦਾਂ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਦਾਖਲ ਕਰਵਾਇਆ ਗਿਆ। ਅਮਿਤ ਨੇ ਦੱਸਿਆ ਕਿ ਉਹ ਆਪਣੇ ਦੋਸਤਾਂ ਨਾਲ ਉਕਤ ਰੈਸਟੋਰੈਂਟ ਵਿਚ ਚਿਕਨ ਖਾਣ ਗਿਆ ਸੀ। ਜਿਵੇਂ ਹੀ ਉਨ੍ਹਾਂ ਦਾ 'ਆਰਡਰ' ਆਇਆ ਅਤੇ ਉਸ ਨੇ ਚਿਕਨ ਦਾ ਇਕ ਪੀਸ ਖਾਧਾ ਤਾਂ ਪਤਾ ਲੱਗਾ ਕਿ ਚਿਕਨ ਖਰਾਬ ਹੋਣ ਦੇ ਨਾਲ-ਨਾਲ ਉਸ ਵਿਚੋਂ ਬਦਬੂ ਆ ਰਹੀ ਸੀ। ਉਸ ਦੀ ਤਬੀਅਤ ਵਿਗੜਨ ਲੱਗੀ ਤੇ ਉਲਟੀਆਂ ਆਉਣ ਲੱਗੀਆਂ। ਰੈਸਟੋਰੈਂਟ ਦੇ ਮਾਲਿਕ ਨੂੰ ਮੇਰੇ ਦੋਸਤਾਂ ਨੇ ਸ਼ਿਕਾਇਤ ਕੀਤੀ ਤਾਂ ਉਸਨੇ ਉਨ੍ਹਾਂ ਨਾਲ ਦੁਰਵਿਵਹਾਰ ਕੀਤਾ। ਪੀੜਤ ਅਮਿਤ ਨੇ ੇਦੱਸਿਆ ਕਿ ਕਿਸੇ ਕੋਲੋਂ ਉਸ ਨੇ ਸਿਵਲ ਸਰਜਨ ਦਫਤਰ ਵਿਚ ਇਕ ਸੀਨੀਅਰ ਡਾਕਟਰ ਦਾ ਨੰਬਰ ਲਿਆ, ਤਾਂ ਕਿ ਮੌਕੇ 'ਤੇ ਸਿਹਤ ਵਿਭਾਗ ਦੀ ਟੀਮ ਨੂੰ ਬੁਲਾ ਕੇ ਸੈਂਪਲ ਭਰਵਾਏ ਜਾ ਸਕਣ ਪਰ ਉਕਤ ਡਾਕਟਰ ਨੇ ਵੀ ਫੋਨ ਨਹੀਂ ਚੁੱਕਿਆ। ਇਸ ਦੇ ਬਾਅਦ ਉਹ ਥਾਣਾ ਭਾਰਗੋ ਕੈਂਪ ਪਹੁੰਚੇ ਤਾਂ ਪੁਲਸ ਵਾਲਿਆਂ ਨੇ ਸਵੇਰੇ ਆਉਣ ਨੂੰ ਕਿਹਾ। ਉਸ ਦੀ ਵਿਗੜਦੀ ਹਾਲਤ ਨੂੰ ਦੇਖਦਿਆਂ ਉਸ ਦੇ ਦੋਸਤਾਂ ਨੇ ਉਸ ਨੂੰ ਸਿਵਲ ਹਪਸਤਾਲ ਪਹੁੰਚਾਇਆ। ਉਥੇ ਡਿਊਟੀ 'ਤੇ ਤਾਇਨਾਤ ਡਾਕਟਰ ਸੁਰਿੰਦਰਪਾਲ ਨੇ ਅਮਿਤ ਨੂੰ ਦਾਖਲ ਕਰਨ ਦੇ ਨਾਲ ਇਸ ਬਾਰੇ ਪੁਲਸ ਨੂੰ ਵੀ ਸੂਚਿਤ ਕਰ ਦਿੱਤਾ ਹੈ।
OMG : ਬੱਬੂ ਮਾਨ ਨੇ ਮਖੌਲ ਭਰੇ ਅੰਦਾਜ਼ 'ਚ ਦਿੱਤੀਆਂ ਬਦਅਸੀਸਾਂ (ਵੀਡੀਓ)
NEXT STORY 
