ਦਿਲ ਸਾਡੇ ਸਰੀਰ ਦਾ ਸਭ ਤੋਂ ਨਾਜ਼ੁਕ ਅਤੇ ਸਭ ਤੋਂ ਅਹਿਮ ਅੰਗ ਹੈ ਕਿਉਂਕਿ ਇਹੀ ਸਾਰੇ ਅੰਗਾਂ ਨੂੰ ਖੂਨ ਦੀ ਸਪਲਾਈ ਕਰਦਾ ਹੈ। ਇਸ ਨਾਜ਼ੁਕ ਅੰਗ ਨੂੰ ਕੋਈ ਵੀ ਚੀਜ਼ ਨੁਕਸਾਨ ਪਹੁੰਚਾ ਸਕਦੀ ਹੈ। ਜ਼ਿਆਦਾਤਰ ਭਾਵਨਾਤਮਕ ਤੌਰ 'ਤੇ ਠੇਸ ਪਹੁੰਚਣ ਦਾ ਅਸਰ ਦਿਲ 'ਤੇ ਬਹੁਤ ਜ਼ਿਆਦਾ ਹੁੰਦਾ ਹੈ। ਇਸ ਕਾਰਨ ਹਾਰਟ ਅਟੈਕ ਦੀ ਨੌਬਤ ਵੀ ਆ ਜਾਂਦੀ ਹੈ। ਇਥੇ ਦੱਸ ਰਹੇ ਹਾਂ ਕੁਝ ਅਜਿਹੇ ਟਿਪਸ, ਜਿਨ੍ਹਾਂ ਨੂੰ ਅਪਣਾ ਕੇ ਤੁਸੀਂ ਹਾਰਟ ਅਟੈਕ ਵਰਗੀ ਸਥਿਤੀ ਤੋਂ ਬੱਚ ਸਕਦੇ ਹੋ।
ਰੋਜ਼ਾਨਾ ਕਸਰਤ ਕਰੋ
ਹਾਰਟ ਅਟੈਕ ਤੋਂ ਬਚਣ ਦਾ ਸਭ ਤੋਂ ਵਧੀਆ ਤਰੀਕਾ ਹੈ ਕਿ ਤੁਸੀਂ ਰੋਜ਼ਾਨਾ ਕਸਰਤ ਕਰੋ। ਤੁਸੀਂ ਘੱਟੋ-ਘੱਟ 15 ਮਿੰਟ ਤੱਕ ਸਰੀਰਕ ਕਸਰਤ ਕਰੋ। ਦਿਲ ਨੂੰ ਤੰਦਰੁਸਤ ਰੱਖਣ ਲਈ ਸੈਰ ਕਰਨੀ ਵੀ ਜ਼ਰੂਰੀ ਹੈ।
ਆਇਲੀ ਭੋਜਨ ਖਾਣ ਤੋਂ ਪਰਹੇਜ਼ ਕਰੋ
ਜੰਕ ਫੂਡ ਬਹੁਤ ਜ਼ਿਆਦਾ ਆਇਲੀ ਹੁੰਦੇ ਹਨ, ਇਸ ਲਈ ਇਹ ਦਿਲ ਲਈ ਸਹੀ ਨਹੀਂ ਹਨ। ਦਿਲ ਦੇ ਦੌਰੇ ਤੋਂ ਬਚਣ ਲਈ ਇਹੋ ਜਿਹੇ ਖਾਣੇ ਤੋਂ ਤੌਬਾ ਹੀ ਕਰੋ।
ਭਾਰ ਘਟਾਓ
ਜੇਕਰ ਤੁਸੀਂ ਮੋਟੇ ਹੋ ਤਾਂ ਤੁਹਾਨੂੰ ਹਾਰਟ ਅਟੈਕ ਹੋਣ ਦਾ ਖਤਰਾ ਵਧੇਰੇ ਹੈ। ਇਸ ਲਈ ਜ਼ਰੂਰੀ ਹੈ ਕਿ ਆਪਣੇ ਭਾਰ 'ਤੇ ਕਾਬੂ ਰੱਖੋ ਕਿਉਂਕਿ ਭਾਰ ਜ਼ਿਆਦਾ ਹੋਣ 'ਤੇ ਦਿਲ ਨੂੰ ਵਧੇਰੇ ਖੂਨ ਅਤੇ ਵਧੇਰੇ ਊਰਜਾ ਪੰਪ ਕਰਨੀ ਪੈਂਦੀ ਹੈ, ਜਿਸ ਨਾਲ ਤੁਹਾਡੇ ਦਿਲ 'ਤੇ ਵਧੇਰੇ ਦਬਾਅ ਪੈਂਦਾ ਹੈ।
ਸੰਤੁਲਿਤ ਭੋਜਨ ਖਾਓ
ਸਹੀ ਖੁਰਾਕ ਸਰੀਰ ਲਈ ਬਹੁਤ ਜ਼ਰੂਰੀ ਹੈ। ਇਸ ਲਈ ਹਾਰਟ ਅਟੈਕ ਤੋਂ ਬਚਣਾ ਹੈ ਤਾਂ ਆਪਣੇ ਖਾਣੇ 'ਚ ਸੰਤੁਲਿਤ ਭੋਜਨ ਸ਼ਾਮਲ ਕਰੋ।
ਪਿਸ਼ਾਬ ਅਤੇ ਪਖਾਨੇ ਨੂੰ ਨਾ ਰੋਕੇ
ਜਦੋਂ ਪਿਸ਼ਾਬ ਜਾਂ ਪਖਾਨੇ ਦਾ ਦਬਾਅ ਪੈਂਦਾ ਹੈ ਤਾਂ ਤੁਹਾਨੂੰ ਤੁਰੰਤ ਜਾਣਾ ਚਾਹੀਦੈ। ਇਸ ਨੂੰ ਰੋਕਣ ਦਾ ਕੋਈ ਫਾਇਦਾ ਨਹੀਂ, ਉਲਟਾ ਨੁਕਸਾਨ ਹੀ ਹੈ। ਇਸ ਨੂੰ ਰੋਕਣ ਨਾਲ ਦਿਲ 'ਤੇ ਦਬਾਅ ਪੈਂਦਾ ਹੈ ਅਤੇ ਇਹ ਇਨਫੈਕਸ਼ਨ ਦਾ ਕਾਰਨ ਵੀ ਬਣਦਾ ਹੈ।
ਰਹੋ ਤਣਾਅ ਮੁਕਤ
ਹਾਰਟ ਅਟੈਕ ਤੋਂ ਬਚਣਾ ਹੈ ਤਾਂ ਤੁਹਾਡਾ ਤਣਾਅ ਮੁਕਤ ਰਹਿਣਾ ਬਹੁਤ ਜ਼ਰੂਰੀ ਹੈ। ਉਦਾਹਰਣ ਲਈ ਜੇਕਰ ਤੁਸੀਂ ਆਪਣੇ ਕਿਸੇ ਪਿਆਰੇ ਨੂੰ ਗੁਆ ਦਿੱਤਾ ਹੈ ਤਾਂ ਇਸ ਦਰਦ ਨੂੰ ਸਹਿਣ ਲਈ ਆਪਣੇ ਦਿਲ ਨੂੰ ਤਿਆਰ ਕਰੋ।
ਕਰਵਾਉਂਦੇ ਰਹੋ ਬਲੱਡ ਪ੍ਰੈਸ਼ਰ ਦੀ ਜਾਂਚ
ਜੇਕਰ ਤੁਸੀਂ ਸਿਹਤਮੰਦ ਦਿਲ ਚਾਹੁੰਦੇ ਹੋ ਤਾਂ ਸਮੇਂ-ਸਮੇਂ 'ਤੇ ਬਲੱਡ ਪ੍ਰੈਸ਼ਰ ਦੀ ਜਾਂਚ ਜ਼ਰੂਰ ਕਰਵਾਓ। ਹਾਈ ਬਲੱਡ ਪ੍ਰੈਸ਼ਰ ਨਾਲ ਹਾਰਟ ਅਟੈਕ ਦਾ ਖਤਰਾ ਵੱਧ ਜਾਂਦਾ ਹੈ।
ਨਫਰਤ ਨੂੰ ਮਨ 'ਚੋਂ ਕੱਢ ਦਿਓ
ਹਮੇਸ਼ਾ ਲੋਕਾਂ ਨਾਲ ਪਿਆਰ ਕਰਨਾ ਸਿੱਖੋ। ਆਪਣੇ ਦਿਲ 'ਚ ਕਿਸੇ ਲਈ ਵੀ ਨਫਰਤ ਨਾ ਰੱਖੋ।
ਇਕ ਕੱਪ ਚਾਹ ਹੈ ਫਾਇਦੇਮੰਦ
ਦਿਲ ਨੂੰ ਖੂਨ ਵਧੇਰੇ ਪਹੁੰਚਾਉਣ ਲਈ ਕੌਫੀ ਦੇ ਮੁਕਾਬਲੇ ਚਾਹ ਦਾ ਇਕ ਕੱਪ ਬਿਹਤਰ ਹੈ। ਇਹ ਦਿਲ ਨੂੰ ਸਿਹਤਮੰਦ ਰੱਖਦੀ ਹੈ। ਇਸੇ ਲਈ ਰੋਜ਼ ਇਕ ਕੱਪ ਚਾਹ ਜ਼ਰੂਰ ਪੀਓ।
ਮੱਛੀ ਦਾ ਸੇਵਨ ਕਰੋ
ਮੱਛੀ ਨਾ ਸਿਰਫ ਅੱਖਾਂ ਲਈ ਚੰਗੀ ਹੈ, ਸਗੋਂ ਦਿਲ ਸੰਬੰਧੀ ਵੀ ਕਈ ਤਰ੍ਹਾਂ ਦੀਆਂ ਬੀਮਾਰੀਆਂ ਦੂਰ ਕਰਦੀ ਹੈ। ਹਫਤੇ 'ਚ ਇਕ ਵਾਰ ਮੱਛੀ ਜ਼ਰੂਰ ਖਾਓ।
ਡਾਇਬਟੀਜ਼ ਦੇ ਮਰੀਜ਼ ਰਹਿਣ ਵਧੇਰੇ ਸਾਵਧਾਨ
ਸ਼ੂਗਰ ਤੋਂ ਪੀੜਤ ਲੋਕ ਜਾਣਦੇ ਹਨ ਕਿ ਉਨ੍ਹਾਂ ਲਈ ਕੀ ਚੰਗਾ ਹੈ ਅਤੇ ਕੀ ਨਹੀਂ। ਜੇਕਰ ਤੁਹਾਨੂੰ ਵੀ ਸ਼ੂਗਰ ਹੈ ਤਾਂ ਜਾਣ ਲਓ ਕਿ ਇਹ ਦਿਲ 'ਤੇ ਬਹੁਤ ਅਸਰ ਪਾਉਂਦੀ ਹੈ। ਜੇਕਰ ਤੁਹਾਨੂੰ ਅਟੈਕ ਆਉਂਦੇ ਰਹਿੰਦੇ ਹਨ ਤਾਂ ਤੁਹਾਨੂੰ ਵਧੇਰੇ ਸਾਵਧਾਨੀ ਦੀ ਲੋੜ ਹੈ।
ਪੂਰੀ ਨੀਂਦ ਲਓ
ਹਾਰਟ ਅਟੈਕ ਤੋਂ ਬਚਣ ਦਾ ਸਿੱਧਾ ਜਿਹਾ ਤਰੀਕਾ ਹੈ ਕਿ ਰੋਜ਼ਾਨਾ 8 ਘੰਟੇ ਜ਼ਰੂਰ ਸੌਂਵੋ। ਦਿਲ ਲਈ ਇਹ ਕਈ ਤਰ੍ਹਾਂ ਫਾਇਦੇਮੰਦ ਹੈ।
ਸਿਗਰਟਨੋਸ਼ੀ ਹੈ ਹਾਨੀਕਾਰਕ
ਸਿਗਰਟਨੋਸ਼ੀ ਤੁਹਾਡੇ ਲਈ ਨੁਕਸਾਨਦਾਇਕ ਹੈ। ਸਮੋਕਿੰਗ ਨਾਲ ਦਿਲ ਅਤੇ ਫੇਫੜਿਆਂ 'ਤੇ ਉਲਟ ਅਸਰ ਪੈਂਦਾ ਹੈ।
ਜਾਣੋ ਫੁੱਲ ਮਖਾਣੇ ਤੁਹਾਡੀ ਸਿਹਤ ਲਈ ਕਿਉਂ ਹਨ ਜ਼ਰੂਰੀ
NEXT STORY 
