ਜਲੰਧਰ (ਸ਼ੋਰੀ)-ਸ਼ਹਿਰ ਦੇ ਬਰਲਟਨ ਪਾਰਕ 'ਚ ਵੀਰਵਾਰ ਦੀ ਸ਼ਾਮ ਨੂੰ ਝਾੜੀਆਂ ਪਿੱਛੇ ਰੋਮਾਂਸ ਕਰ ਰਿਹਾ ਪ੍ਰੇਮੀ ਜੋੜਾ ਅਚਾਨਕ ਛਿੱਤਰੋ-ਛਿੱਤਰੀ ਹੋ ਗਿਆ ਅਤੇ ਇਕ-ਦੂਜੇ ਨੂੰ ਕੁੱਟਣ ਲੱਗਾ। ਇਸ ਤੋਂ ਬਾਅਦ ਮੁੰਡੇ ਨੇ ਗੁੱਸੇ 'ਚ ਆ ਕੇ ਬਲੇਡ ਨਾਲ ਆਪਣੇ ਗੁੱਟ ਦੀਆਂ ਨਸਾਂ ਕੱਟ ਲਈਆਂ।
ਜਾਣਕਾਰੀ ਮੁਤਾਬਕ ਭਾਰਗੋ ਕੈਂਪ ਸਥਿਤ ਗਰਾਊਂਡ ਦੇ ਕੋਲ ਰਹਿਣ ਵਾਲੇ 24 ਸਾਲਾਂ ਦੇ ਨੌਜਵਾਨ ਦਾ ਪਿਛਲੇ ਕਈ ਸਾਲਾਂ ਤੋਂ ਇਲਾਕੇ ਦੀ ਹੀ ਰਹਿਣ ਵਾਲੀ ਇਕ ਕੁੜੀ ਨਾਲ ਪ੍ਰੇਮ ਪ੍ਰਸੰਗ ਚੱਲ ਰਿਹਾ ਸੀ। ਵੀਰਵਾਰ ਨੂੰ ਉਕਤ ਨੌਜਵਾਨ ਆਪਣੀ ਪ੍ਰੇਮਿਕਾ ਨੂੰ ਮੋਟਰਸਾਈਕਲ 'ਤੇ ਬਿਠਾ ਕੇ ਡੇਟ 'ਤੇ ਬਰਲਟਨ ਪਾਰਕ ਲੈ ਗਿਆ।
ਪਾਰਕ 'ਚ ਝਾੜੀਆਂ ਪਿੱਛੋ ਦੋਵੇਂ ਰੋਮਾਂਸ ਕਰ ਰਹੇ ਸਨ ਕਿ ਕੁੜੀ ਨੇ ਮੁੰਡੇ ਨੂੰ ਕਿਸੇ ਗੱਲ ਕਾਰਨ ਧੱਕਾ ਮਾਰ ਦਿੱਤਾ। ਇਸ ਤੋਂ ਬਾਅਦ ਮੁੰਡੇ ਨੂੰ ਗੁੱਸਾ ਆਇਆ ਤਾਂ ਉਸ ਨੇ ਕੁੜੀ ਨੂੰ ਥੱਪੜ ਮਾਰ ਦਿੱਤਾ, ਜਿਸ ਤੋਂ ਬਾਅਦ ਦੋਹਾਂ 'ਚ ਹੱਥੋਪਾਈ ਹੋ ਗਈ। ਮੁੰਡਾ ਉਥੇ ਨੇੜੇ ਹੀ ਦੁਕਾਨ 'ਤੇ ਚਲਾ ਗਿਆ ਤੇ ਬਲੇਡ ਲੈ ਕੇ ਵਾਪਸ ਆਇਆ।
ਫਿਰ ਉਸ ਨੇ ਕੁੜੀ ਦੇ ਸਾਹਮਣੇ ਹੀ ਆਪਣੇ ਗੁੱਟ ਦੀ ਨਸ ਕੱਟਣੀ ਸ਼ੁਰੂ ਕਰ ਦਿੱਤੀ। ਮੁੰਡੇ ਨੇ ਆਪਣੇ ਗੁੱਟ 'ਤੇ ਕਰੀਬ 7-8 ਵਾਰ ਕੀਤੇ, ਜਿਸਦੇ ਨਿਸ਼ਾਨ ਵੀ ਉਸਦੇ ਹੱਥ 'ਚ ਪੈ ਗਏ। ਇਸ ਤੋਂ ਬਾਅਦ ਨੌਜਵਾਨ ਨੇ ਆਪਣਾ ਮੋਟਰਸਾਈਕਲ ਸਟਾਰਟ ਕੀਤਾ ਤੇ ਕੁੜੀ ਨੂੰ ਘਰ ਛੱਡ ਕੇ ਸਿਵਲ ਹਸਪਤਾਲ ਇਲਾਜ ਕਰਵਾਉਣ ਲਈ ਪਹੁੰਚਿਆ।
ਇਲਾਜ ਕਰਵਾਉਣ ਤੋਂ ਬਾਅਦ ਉਹ ਵਾਪਸ ਘਰ ਗਿਆ। ਹਾਲਾਂਕਿ ਨੌਜਵਾਨ ਹਸਪਤਾਲ 'ਚ ਸਾਰਿਆਂ ਨੂੰ ਆਪਣੀ ਬੀਤੀ ਕਹਾਣੀ ਸੁਣਾ ਰਿਹਾ ਸੀ ਤੇ ਲੱਗਾਤਾਰ ਫੋਨ 'ਤੇ ਆਪਣੀ ਪ੍ਰੇਮਿਕਾ ਨਾਲ ਵਿਵਾਦ ਕਰ ਰਿਹਾ ਸੀ। ਉਥੇ ਡਿਊਟੀ 'ਤੇ ਤਾਇਨਾਤ ਡਾ. ਰਾਜ ਕੁਮਾਰ ਦਾ ਕਹਿਣਾ ਹੈ ਕਿ ਨੌਜਵਾਨ ਦੇ ਗੁੱਟ 'ਤੇ ਡੂੰਘੇ ਜ਼ਖਮ ਸੀ ਤੇ ਉਸਨੇ ਕਾਨੂੰਨੀ ਕਾਰਵਾਈ ਕਰਵਾਉਣ ਤੋਂ ਮਨ੍ਹਾ ਕਰ ਦਿੱਤਾ, ਜਿਸ ਕਾਰਨ ਪੁਲਸ ਨੂੰ ਸੂਚਿਤ ਨਹੀਂ ਕੀਤਾ ਗਿਆ।
ਕੈ. ਅਮਰਿੰਦਰ ਦੀ ਤੀਜੀ ਲੰਚ ਬੈਠਕ 'ਚ 150 ਤੋਂ ਵੱਧ ਨੇਤਾ ਪਹੁੰਚੇ
NEXT STORY