ਲੁਧਿਆਣਾ (ਕੁਲਵੰਤ) : ਨਗਰ 'ਚ ਔਰਤਾਂ ਅਤੇ ਲੜਕੀਆਂ ਦੀ ਇੱਜ਼ਤ ਹੁਣ ਦਾਅ 'ਤੇ ਲੱਗੀ ਹੋਈ ਹੈ। ਪਤਾ ਨਹੀਂ, ਕਦੋਂ ਕੋਈ ਦੋਸ਼ੀ ਉਨ੍ਹਾਂ ਦੀ ਇੱਜ਼ਤ ਨਾਲ ਖਿਲਵਾੜ ਕਰ ਜਾਵੇ। ਇੰਨਾ ਹੀ ਨਹੀਂ, ਥਾਣਾ ਫੋਕਲ ਪੁਆਇੰਟ ਦੇ ਇਲਾਕਿਆਂ ਦੇ ਅੰਦਰ ਇਕ ਹਫਤੇ 'ਚ ਹੋਈਆਂ ਜਬਰ-ਜ਼ਨਾਹ ਦੀਆਂ ਤਿੰਨ ਵਾਰਦਾਤਾਂ ਨੇ ਲੋਕਾਂ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। ਤੀਜੀ ਵਾਰਦਾਤ ਵਿਚ ਇਕ 16 ਸਾਲਾ ਲੜਕੀ ਨੂੰ ਦੋ ਨੌਜਵਾਨਾਂ ਨੇ ਆਪਣੀ ਹਵਸ ਦਾ ਸ਼ਿਕਾਰ ਬਣਾਇਆ, ਜਿਨ੍ਹਾਂ ਨੂੰ ਬਾਅਦ ਵਿਚ ਪੁਲਸ ਨੇ ਗ੍ਰਿਫਤਾਰ ਕਰ ਕੇ ਉਨ੍ਹਾਂ ਖਿਲਾਫ ਕੇਸ ਦਰਜ ਕਰ ਲਿਆ ਹੈ।
ਜਾਣਕਾਰੀ ਦਿੰਦਿਆਂ ਥਾਣਾ ਮੁਖੀ ਅਮਨਦੀਪ ਸਿੰਘ ਬਰਾੜ ਨੇ ਦੱਸਿਆ ਕਿ ਦੋਵੇਂ ਦੋਸ਼ੀਆਂ ਦੀ ਪਛਾਣ ਉੱਚੀ ਮੰਗਲੀ ਪਿੰਡ ਦੇ ਸੁਨੀਲ ਕੁਮਾਰ ਅਤੇ ਅਭਿਸ਼ੇਕ ਕੁਮਾਰ ਵਜੋਂ ਹੋਈ ਹੈ। ਪੁਲਸ ਨੂੰ ਜਬਰ-ਜ਼ਨਾਹ ਕੀਤੇ ਜਾਣ ਦੀ ਜਿਉਂ ਹੀ ਸੂਚਨਾ ਮਿਲੀ ਤੁਰੰਤ ਪੁਲਸ ਨੇ ਇਲਾਕੇ ਨੂੰ ਸੀਲ ਕਰ ਕੇ ਦੋਵਾਂ ਨੂੰ ਇਲਾਕੇ ਵਿਚੋਂ ਹੀ ਗ੍ਰਿਫਤਾਰ ਕਰ ਲਿਆ, ਜਿਨ੍ਹਾਂ ਨੂੰ ਅਦਾਲਤ 'ਚ ਪੇਸ਼ ਕਰ ਕੇ ਰਿਮਾਂਡ 'ਤੇ ਲਿਆ ਜਾਵੇਗਾ ਤਾਂ ਕਿ ਇਨ੍ਹਾਂ ਤੋਂ ਪੂਰੀ ਤਰ੍ਹਾਂ ਪੁੱਛÎਗਿੱਛ ਕੀਤੀ ਜਾ ਸਕੇ।
ਰਿਸ਼ਤੇਦਾਰ ਸੀ ਸੁਨੀਲ
ਪੁਲਸ ਨੂੰ ਦਿੱਤੀ ਸ਼ਿਕਾਇਤ 'ਚ ਪੀੜਤ ਨਾਬਾਲਗਾ ਦੇ ਪਿਤਾ ਨੇ ਦੱਸਿਆ ਕਿ ਉਹ ਇਸੇ ਇਲਾਕੇ ਦਾ ਰਹਿਣ ਵਾਲਾ ਹੈ ਅਤੇ ਹਲਵਾਈ ਦਾ ਕੰਮ ਕਰਦਾ ਹੈ। ਉਸ ਦੇ ਤਿੰਨ ਬੱਚੇ ਹਨ, ਜਿਨ੍ਹਾਂ ਵਿਚ ਇਕ 16 ਸਾਲ ਦੀ ਬੇਟੀ ਹੈ। ਉਸ ਦੇ ਬੱਚੇ ਸੁਨੀਲ ਕੁਮਾਰ ਦੇ ਘਰ ਕਿਰਾਏ ਦੇ ਕਮਰੇ ਵਿਚ ਰਹਿੰਦੇ ਸਨ। ਸੁਨੀਲ ਉਸ ਦੇ ਵੱਡੇ ਭਰਾ ਦਾ ਜੁਆਈ ਹੈ, ਜੋ ਉਸੇ ਮਕਾਨ ਵਿਚ ਰਹਿੰਦਾ ਸੀ। ਜਦੋਂ ਕਿ ਉਹ ਬਿਹਾਰ ਵਿਚ ਰਹਿੰਦਾ ਸੀ। 17 ਜੁਲਾਈ ਨੂੰ ਉਹ ਆਪਣੇ ਬੱਚਿਆਂ ਨੂੰ ਮਿਲਣ ਲਈ ਆਇਆ ਸੀ, ਜਿਸ 'ਤੇ ਉਸ ਦੀ ਬੇਟੀ ਨੇ ਉਸ ਨੂੰ ਦੱਸਿਆ ਕਿ ਪਿਛਲੇ 5-6 ਮਹੀਨਿਆਂ ਤੋਂ ਸੁਨੀਲ ਅਤੇ ਉਸ ਦਾ ਦੋਸਤ ਅਭਿਸ਼ੇਕ ਉਸ ਨੂੰ ਡਰਾ ਧਮਕਾ ਕੇ ਜਬਰ-ਜ਼ਨਾਹ ਕਰਦੇ ਆ ਰਹੇ ਹਨ। ਨਾਲ ਹੀ ਉਹ ਧਮਕਾਉਂਦੇ ਹਨ ਕਿ ਜੇਕਰ ਕਿਸੇ ਅੱਗੇ ਆਪਣੀ ਜ਼ੁਬਾਨ ਖੋਲ੍ਹੀ ਤਾਂ ਉਹ ਉਸ ਦੀਆਂ ਅਸ਼ਲੀਲ ਫੋਟੋਆਂ ਫੇਸਬੁੱਕ ਅਤੇ ਹੋਰਨਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਕਰ ਕੇ ਉਸ ਦੀ ਇੱਜ਼ਤ ਨੂੰ ਤਾਰ-ਤਾਰ ਕਰ ਦੇਣਗੇ। ਉਸ ਦਾ ਦੋਸ਼ ਸੀ ਕਿ ਜਦੋਂ ਸੁਨੀਲ ਦੀ ਪਤਨੀ ਘਰ ਨਹੀਂ ਹੁੰਦੀ ਸੀ ਤਾਂ ਉਹ ਉਸ ਨੂੰ ਦਬੋਚ ਲੈਂਦੇ ਸਨ ਅਤੇ ਉਸ ਦੇ ਨਾਲ ਸਰੀਰਕ ਭੁੱਖ ਮਿਟਾਉਂਦੇ ਸਨ। ਇਹ ਸੁਣ ਕੇ ਉਸ ਦੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕ ਗਈ ਕਿ ਉਸ ਦੀ ਬੇਟੀ ਪਿਛਲੇ 6 ਮਹੀਨੇ ਤੋਂ ਅਜਿਹੇ ਦਰਿੰਦਿਆਂ ਦੀ ਦਰਿੰਦਗੀ ਝੱਲ ਰਹੀ ਹੈ, ਜਿਸ ਤੋਂ ਬਾਅਦ ਉਸ ਨੇ ਪੁਲਸ ਨੂੰ ਸ਼ਿਕਾਇਤ ਕੀਤੀ। ਪੁਲਸ ਨੇ ਕੇਸ ਦਰਜ ਕਰ ਕੇ ਦੋਵਾਂ ਨੂੰ ਗ੍ਰਿਫਤਾਰ ਕਰ ਲਿਆ।
ਹਫਤੇ 'ਚ ਹੋਈਆਂ ਤਿੰਨ ਵਾਰਦਾਤਾਂ
ਇਸੇ ਇਲਾਕੇ ਵਿਚ ਪਿਛਲੇ ਇਕ ਹਫਤੇ 'ਚ ਤਿੰਨ ਅਜਿਹੀਆਂ ਵਾਰਦਾਤਾਂ ਹੋ ਗਈਆਂ। ਬੇਸ਼ੱਕ ਇਹ ਸਾਰੇ ਦੋਸ਼ੀ ਪ੍ਰਵਾਸੀ ਹੀ ਸਨ, ਨਾਲ ਹੀ ਹੁਣ ਲੋਕ ਅਹਿਜੇ ਲੋਕਾਂ ਨੂੰ ਆਪਣਾ ਕਿਰਾਏਦਾਰ ਰੱਖਣ ਤੋਂ ਗੁਰੇਜ਼ ਕਰਨ ਲੱਗੇ ਹਨ। ਪਹਿਲੀ ਵਾਰਦਾਤ ਵਿਚ ਗੁਆਂਢੀ ਨੇ ਹੀ ਬਹਾਨੇ ਨਾਲ ਨਾਬਾਲਗ ਲੜਕੀ ਨੂੰ ਘਰੋਂ ਲਿਜਾ ਕੇ ਜਬਰ-ਜ਼ਨਾਹ ਦਾ ਯਤਨ ਕੀਤਾ। ਇਸ ਦਾ ਪਤਾ ਉਸ ਸਮੇਂ ਲੱਗਾ ਜਦੋਂ ਲੜਕੀ ਨੇ ਆਪਣੇ ਨਾਲ ਵਾਪਰੀ ਹਰ ਗੱਲ ਆਪਣੀ ਮਾਂ ਨੂੰ ਦੱਸੀ। ਦੂਜੀ ਵਾਰਦਾਤ ਵਿਚ ਇਕ ਮੰਦਬੁੱਧੀ ਲੜਕੀ ਨਾਲ ਜਬਰ-ਜ਼ਨਾਹ ਉਸ ਸਮੇਂ ਕੀਤਾ ਗਿਆ, ਜਦੋਂ ਉਹ ਕਿਰਾਏ ਦਾ ਕਮਰਾ ਲੈਣ ਲਈ ਲੜਕੀ ਦੇ ਘਰ ਆਇਆ ਤਾਂ ਘਰ ਵਿਚ ਇਕੱਲੀ ਲੜਕੀ ਦੇਖ ਕੇ ਉਸ ਨੇ ਸਰੀਰਕ ਸਬੰਧ ਬਣਾਏ ਅਤੇ ਫਰਾਰ ਹੋ ਗਿਆ। ਅੱਜ ਇਹ ਤੀਜੀ ਵਾਰਦਾਤ ਵਿਚ ਵੀ ਪੁਲਸ ਨੇ ਮੁਸਤੈਦੀ ਦਿਖਾਉਂਦੇ ਹੋਏ ਦੋਸ਼ੀਆਂ ਨੂੰ ਕਾਬੂ ਕਰ ਲਿਆ। ਜੇਕਰ ਪੁਲਸ ਦੇਰ ਕਰਦੀ ਤਾਂ ਇਹ ਲੋਕ ਇਲਾਕਾ ਛੱਡ ਕੇ ਪਿੰਡ ਜਾਂ ਦੂਜੇ ਰਾਜਾਂ ਵਿਚ ਨਿਕਲ ਜਾਣੇ ਸਨ।
ਭਾਰੀ ਘਾਟੇ 'ਚ ਡੁੱਬੀ ਪੰਜਾਬ ਰੋਡਵੇਜ਼ ਹੁਣ ਕੰਡਮ ਬੱਸਾਂ ਨੂੰ ਕਰੇਗੀ ਆਪਣੇ ਬੇੜੇ 'ਚ ਸ਼ਾਮਲ
NEXT STORY 
