ਚੰਡੀਗੜ੍ਹ : ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ 'ਤੇ ਹੀ ਹੁਣ ਥਾਣਾ ਪੁਲਸ ਵਾਹਨ ਚਾਲਕਾਂ ਨੂੰ ਰੋਕ ਸਕੇਗੀ। ਵਾਹਨ ਚਾਲਕ ਕੋਈ ਉਲੰਘਣਾ ਨਹੀਂ ਕਰ ਰਿਹਾ ਹੈ ਤਾਂ ਬਿਨਾਂ ਕਾਰਨ ਉਸ ਨੂੰ ਰੋਕਿਆ ਨਹੀਂ ਜਾ ਸਕੇਗਾ। ਖ਼ਾਸ ਕਰਕੇ ਜਿਸ ਗੱਡੀ 'ਚ ਪਰਿਵਾਰ ਹੋਵੇਗਾ, ਉਸ ਗੱਡੀ ਨੂੰ ਨਾ ਰੋਕਣ ਦੀ ਖ਼ਾਸ ਹਦਾਇਤ ਡੀ. ਜੀ. ਪੀ. ਡਾ. ਸਾਗਰ ਪ੍ਰੀਤ ਹੁੱਡਾ ਨੇ ਦਿੱਤੀ ਹੈ। ਡੀ. ਜੀ. ਪੀ. ਚੰਡੀਗੜ੍ਹ ਪੁਲਸ ਦਾ ਨਾਂ ਰੌਸ਼ਨ ਕਰਨਾ ਚਾਹੁੰਦੇ ਹਨ। ਕੁੱਝ ਸਮੇਂ ਦੌਰਾਨ ਸੋਸ਼ਲ ਮੀਡੀਆ 'ਤੇ ਚੰਡੀਗੜ੍ਹ ਪੁਲਸ ਦੀ ਕਾਫ਼ੀ ਬਦਨਾਮੀ ਹੋਈ ਸੀ।
ਇਹ ਵੀ ਪੜ੍ਹੋ : ਪੰਜਾਬ 'ਚ CM ਬਦਲਣ ਨੂੰ ਲੈ ਕੇ ਵੱਡੀ ਖ਼ਬਰ, ਮੁੱਖ ਮੰਤਰੀ ਮਾਨ ਨੇ ਖ਼ੁਦ ਹੀ ਦੇ ਦਿੱਤਾ ਜਵਾਬ
ਇਸ ਦੇ ਕਾਰਨ ਜਵਾਨਾਂ ਨੂੰ ਮੈਨੂਅਲ ਚਲਾਨ ਬੰਦ ਕਰਨ ਲਈ ਕਿਹਾ ਗਿਆ ਹੈ। ਹਰ ਪੁਲਸ ਥਾਣੇ ਦੇ ਏਰੀਏ 'ਚ ਸ਼ਾਮ ਨੂੰ 2 ਤੋਂ 3 ਨਾਕੇ ਲਾਏ ਜਾਂਦੇ ਹਨ। ਇਹ ਨਾਕੇ ਲੋਕਾਂ ਦੀ ਸੁਰੱਖਿਆ ਅਤੇ ਅਪਰਾਧ ਰੋਕਣ ਲਈ ਲਾਏ ਜਾਂਦੇ ਹਨ ਪਰ ਪੁਲਸ ਮੁਲਾਜ਼ਮ ਫ਼ਾਇਦਾ ਚੁੱਕਦੇ ਹੋਏ ਚਲਾਨ ਕੱਟਣ ਲੱਗ ਜਾਂਦੇ ਸਨ। ਇਸ ਦੀ ਭਿਣਕ ਲੱਗਦੇ ਹੀ ਸੀਨੀਅਰ ਅਫ਼ਸਰਾਂ ਨੇ ਥਾਣਾ ਇੰਚਾਰਜਾਂ ਨੂੰ ਕਿਹਾ ਹੈ ਕਿ ਨਾਕੇ 'ਤੇ ਬਿਨਾਂ ਕਾਰਨ ਉਹ ਕਿਸੇ ਨੂੰ ਨਹੀਂ ਰੋਕਣਗੇ। ਵਾਹਨ ਚਾਲਕ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਦਾ ਹੈ ਤਾਂ ਹੀ ਰੋਕ ਕੇ ਚਲਾਨ ਕਰਨ।
ਇਹ ਵੀ ਪੜ੍ਹੋ : CM ਭਗਵੰਤ ਮਾਨ ਦਾ ਪੰਜਾਬੀਆਂ ਲਈ ਵੱਡਾ ਐਲਾਨ, ਮੁਫ਼ਤ 'ਚ ਹੋਣਗੇ ਆਹ ਸਾਰੇ ਕੰਮ (ਵੀਡੀਓ)
ਲੋਕ ਸੋਸ਼ਲ ਮੀਡੀਆ 'ਤੇ ਪਾਉਂਦੇ ਹਨ ਵੀਡੀਓ
ਪੁਲਸ ਨਾਕਿਆਂ 'ਤੇ ਗੱਡੀਆਂ ਰੋਕ ਕੇ ਪੁੱਛਗਿੱਛ ਕਰਨ 'ਤੇ ਵਾਹਨ ਚਾਲਕ ਤੁਰੰਤ ਵੀਡੀਓ ਬਣਾ ਲੈਂਦੇ ਹਨ। ਇਸ ਤੋਂ ਬਾਅਦ ਵੀਡੀਓ ਸੋਸ਼ਲ ਮੀਡੀਆ 'ਤੇ ਅਪਲੋਡ ਕਰਨ ਦੇ ਨਾਲ-ਨਾਲ ਚੰਡੀਗੜ੍ਹ ਪੁਲਸ ਦੇ ਸੀਨੀਅਰ ਅਫ਼ਸਰਾਂ ਨੂੰ ਭੇਜ ਦਿੰਦੇ ਹਨ। ਚਾਲਕਾਂ ਦਾ ਕਹਿਣਾ ਹੈ ਕਿ ਜਦੋਂ ਉਨ੍ਹਾਂ ਕੋਲ ਸਾਰੇ ਕਾਗਜ਼ਾਤ ਹਨ ਅਤੇ ਕੋਈ ਟ੍ਰੈਫਿਕ ਵਾਇਲੇਸ਼ਨ ਨਹੀਂ ਕੀਤੀ ਹੈ ਤਾਂ ਪੁਲਸ ਮੁਲਾਜ਼ਮ ਨਾਕਿਆਂ 'ਤੇ ਉਨ੍ਹਾਂ ਨੂੰ ਕਿਉਂ ਰੋਕਦੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਵੱਡਾ ਹਾਦਸਾ, ਟਰਾਂਸਫਾਰਮਰ 'ਚ ਵੱਜੀ ਗੱਡੀ, ਹੋਏ ਜੋਰਦਾਰ ਬਲਾਸਟ, ਸੁਆਹ ਹੋਇਆ ਸਭ ਕੁਝ
NEXT STORY 
