ਸਮਰਾਲਾ (ਬੰਗੜ,ਗਰਗ) : ਪਿੰਡ ਬਘੌਰ ਵਿਖੇ ਇਕ ਬਰੋਟੇ ਦੀ ਜੜ੍ਹ ’ਚ ਰੱਖੇ ਪਸ਼ੂ ਦੇ ਵੱਢੇ ਹੋਏ ਸਿਰ ਅਤੇ ਧਾਰਮਿਕ ਸਥਾਨ ’ਤੇ ਰੱਖੇ ਹੋਏ ਮਾਸ ਦੇ ਟੁਕੜਿਆਂ ਦਾ ਮਾਮਲਾ ਅੰਧਵਿਸ਼ਵਾਸ ਨਾਲ ਜੁੜ ਚੁੱਕਾ ਹੈ। ਪੁਲਸ ਵੱਲੋਂ ਗ੍ਰਿਫ਼ਤਾਰ ਕੀਤੇ ਗਏ ਮੁਲਜ਼ਮ ਦੀ ਮੁੱਢਲੀ ਪੁੱਛਗਿੱਛ ਤੋਂ ਇਹ ਸਾਹਮਣੇ ਆਇਆ ਹੈ ਕਿ ਮੁਲਜ਼ਮ ਜਿੱਥੇ ਮਾਨਸਿਕ ਰੋਗਾਂ ਤੋਂ ਪੀੜਤ ਹੈ, ਉੱਥੇ ਉਹ ਅੰਧਵਿਸ਼ਵਾਸ ’ਚ ਵੀ ਜਕੜਿਆ ਹੋਇਆ ਹੈ। ਤਫ਼ਤੀਸ਼ ਦੌਰਾਨ ਸਾਹਮਣੇ ਆਇਆ ਕਿ ਕਿਸੇ ਨੇੜਲੇ ਪਿੰਡ ’ਚ ਇਕ ਵਿਅਕਤੀ ਦੀ ਵੱਛੀ ਦੀ ਮੌਤ ਹੋ ਗਈ ਸੀ, ਜਿਸ ਤੋਂ ਬਾਅਦ ਉਸ ਨੂੰ ਹੱਡਾਰੋੜੀ ਦੇ ਠੇਕੇਦਾਰ ਚੁੱਕ ਕੇ ਲੈ ਗਏ। ਉਕਤ ਮੁਲਜ਼ਮ ਦੇ ਹੱਥ ਵੱਛੀ ਦਾ ਵੱਢਿਆ ਹੋਇਆ ਸਿਰ ਹੱਥ ਲੱਗ ਗਿਆ ਅਤੇ ਉਸ ਨੇ ਵੱਛੀ ਦੇ ਵੱਢੇ ਹੋਏ ਸਿਰ ਨੂੰ ਟੂਣੇ ਦੇ ਮਕਸਦ ਨਾਲ ਵਰਤਣ ਦਾ ਮਨ ਬਣਾ ਲਿਆ।
ਇਹ ਵੀ ਪੜ੍ਹੋ : ਪੰਜਾਬੀਆਂ ਨੂੰ ਚੌਕੰਨੇ ਰਹਿਣ ਦੀ ਸਲਾਹ! ਘਰੋਂ ਨਿਕਲਣ ਤੋਂ ਪਹਿਲਾਂ ਜ਼ਰੂਰ...
ਵੱਢੇ ਹੋਏ ਸਿਰ ਨੂੰ ਉਸ ਨੇ ਪਿੱਪਲ ਦੀਆਂ ਜੜ੍ਹਾਂ ’ਚ ਰੱਖ ਕੇ ਚਾਹ, ਖੰਡ ਤੇ ਤੇਲ ਰੱਖ ਦਿੱਤਾ। ਡੀ. ਐੱਸ. ਪੀ. ਤਰਲੋਚਨ ਸਿੰਘ ਨੇ ਦੱਸਿਆ ਕਿ ਮੁਲਜ਼ਮ ਦਿਮਾਗੀ ਤੌਰ ’ਤੇ ਪੀੜਤ ਹੈ। ਇਹੀ ਕਾਰਨ ਹੈ ਕਿ ਉਸ ਨੇ ਅੰਧਵਿਸ਼ਵਾਸੀਆਂ ਵਾਲੀ ਇਸ ਘਟਨਾ ਨੂੰ ਅੰਜਾਮ ਦਿੱਤਾ। ਮੁਲਜ਼ਮ ਵੱਲੋਂ ਬਿਆਨ ਕੀਤੀ ਘਟਨਾ ਨੂੰ ਤਸਦੀਕ ਕਰਨ ਲਈ ਵੱਢੇ ਹੋਏ ਸਿਰ ਨੂੰ ਵੈਟਰਨਰੀ ਡਾਕਟਰਾਂ ਦੀ ਟੀਮ ਰਾਹੀਂ ਵਿਸ਼ੇਸ਼ ਲੈਬੋਰਟਰੀ ’ਚ ਭੇਜਿਆ ਗਿਆ ਹੈ। ਜਲਦ ਹੀ ਇਹ ਰਿਪੋਰਟ ਵੀ ਆ ਜਾਵੇਗੀ, ਜਿਸ ਤੋਂ ਇਹ ਗੱਲ ਸਾਬਤ ਹੋ ਜਾਵੇਗੀ ਕਿ ਇਹ ਵੱਢਿਆ ਹੋਇਆ ਸਿਰ ਕਿਸੇ ਦੇਸੀ ਵੱਛੀ ਦਾ ਹੈ, ਜੋ ਘਟਨਾ ਤੋਂ ਇਕ ਦਿਨ ਪਹਿਲਾਂ ਆਪਣੇ ਮਾਲਕ ਦੇ ਘਰ ’ਚ ਹੀ ਮਰ ਗਈ ਸੀ।
ਇਹ ਵੀ ਪੜ੍ਹੋ : ਪੰਜਾਬ ਤੋਂ ਸ਼ਰਮਨਾਕ ਘਟਨਾ, ਮਹਿਲਾ ਮੁਲਾਜ਼ਮਾਂ ਸਾਹਮਣੇ ਹੀ ਬੰਦਿਆਂ ਨੇ ਕੱਪੜੇ ਉਤਾਰ ਕੇ...
ਇਹ ਵੀ ਪਤਾ ਲੱਗਿਆ ਹੈ ਕਿ ਪੁਲਸ ਨੇ ਮੁਲਜ਼ਮ ਦੇ ਬਿਆਨਾਂ ਮੁਤਾਬਕ ਉਨ੍ਹਾਂ ਦੁਕਾਨਦਾਰਾਂ ਦੇ ਬਿਆਨ ਵੀ ਕਲਮਬੰਧ ਕਰ ਲਏ ਹਨ, ਜਿੱਥੋਂ ਮੁਲਜ਼ਮ ਵੱਲੋਂ ਟੂਣੇ ਦਾ ਸਮਾਨ ਖ਼ਰੀਦਿਆ ਗਿਆ ਸੀ। ਇਹ ਵੀ ਸਾਹਮਣੇ ਆਇਆ ਹੈ ਕਿ ਜੋ ਧਾਰਮਿਕ ਸਥਾਨ ਤੋਂ ਮਾਸ ਦੇ ਟੁਕੜੇ ਮਿਲੇ ਹਨ, ਉਹ ਮਾਸ ਵੀ ਹੱਡਾਰੋੜੀ ਤੋਂ ਚੁੱਕ ਕੇ ਲਿਆਂਦਾ ਗਿਆ ਸੀ। ਫ਼ਿਲਹਾਲ ਪੁਲਸ ਵੱਲੋਂ ਉਸ ਨੂੰ ਰਿਮਾਂਡ ’ਤੇ ਲੈ ਕੇ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਉਮੀਦ ਹੈ ਕਿ ਇਹ ਮਾਮਲਾ ਪੁਲਸ ਵੱਲੋਂ ਜਲਦ ਹੀ ਸੁਲਝਾ ਲਿਆ ਜਾਵੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਪੰਜਾਬ 'ਚ 25 ਤੋਂ 29 ਜੂਨ ਲਈ ਵੱਡੀ ਭਵਿੱਖਬਾਣੀ! ਜਾਰੀ ਹੋਈ ਚੇਤਾਵਨੀ
NEXT STORY 
