ਖਰੜ (ਰਣਬੀਰ) : ਇੱਥੇ ਪਿੰਡ ਫਤਿਹੁੱਲਾਉਪੁਰ ਨੇੜੇ ਸਥਿਤ ਠੇਕੇ ਦੇ ਨਾਲ ਲੱਗਦੇ ਅਹਾਤੇ ਦੇ ਕਰਿੰਦੇ ਨੂੰ ਕੁੱਝ ਲੋਕਾਂ ਨੂੰ ਦਿੱਤੇ ਸਾਮਾਨ ਬਦਲੇ ਉਨ੍ਹਾਂ ਤੋਂ ਪੈਸੇ ਮੰਗਣਾ ਉਸ ਵੇਲੇ ਮਹਿੰਗਾ ਪੈ ਗਿਆ, ਜਦੋਂ ਪੈਸੇ ਦੇਣ ਦੀ ਬਜਾਏ ਮੁਲਜ਼ਮਾਂ ਨੇ ਮਾਰਕੁੱਟ ਕਰਦਿਆਂ ਉਸ ਦਾ ਸਿਰ ਪਾੜ ਦਿੱਤਾ। ਫੱਟੜ ਹਾਲਤ ’ਚ ਉਸ ਨੂੰ ਹਸਪਤਾਲ ’ਚ ਦਾਖ਼ਲ ਕਰਵਾਇਆ ਗਿਆ, ਜਿੱਥੇ ਪੁਲਸ ਨੇ ਇਲਾਜ ਅਧੀਨ ਫੱਟੜ ਦੇ ਬਿਆਨ ਦੇ ਆਧਾਰ ’ਤੇ ਅਨਿਲ ਸਮੇਤ 6-7 ਅਣਪਛਾਤਿਆਂ ਖ਼ਿਲਾਫ਼ ਮਾਰਕੁੱਟ ਦਾ ਕੇਸ ਦਰਜ ਕਰ ਲਿਆ। ਅਹਾਤੇ ’ਚ ਕੰਮ ਕਰਨ ਵਾਲੇ ਮਗਨ ਨੇ ਦੱਸਿਆ ਕਿ ਉਹ ਕੰਮ ’ਤੇ ਮੌਜੂਦ ਸੀ ਕਿ ਇਸੇ ਦੌਰਾਨ ਕੁਝ ਵਿਅਕਤੀ ਆਏ। ਉਨ੍ਹਾਂ ਨੇ ਖਾਣ-ਪੀਣ ਦਾ ਸਾਮਾਨ ਮੰਗਵਾਇਆ। ਜਦੋਂ ਉਸ ਨੇ ਬਿੱਲ ਦਿੱਤਾ ਤਾਂ ਮੁਲਜ਼ਮਾਂ ਨੇ ਪੈਸੇ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਇਸ ’ਤੇ ਰੌਲਾ ਪਿਆ ਤਾਂ ਵਿਅਕਤੀਆਂ ਨੇ ਉਸ ਦੀ ਬਿਲ ਬੁੱਕ ਫਾੜ੍ਹ ਕੇ ਕੁੱਟਮਾਰ ਸ਼ੁਰੂ ਕਰ ਦਿੱਤੀ।
ਇਸ ਦੌਰਾਨ ਉਸ ਦੇ ਸਿਰ ’ਤੇ ਭਾਰੀ ਚੀਜ਼ ਨਾਲ ਹਮਲਾ ਕਰਦਿਆਂ ਸਿਰ ਪਾੜ ਦਿੱਤਾ। ਰੌਲਾ ਪਾਉਣ ’ਤੇ ਲੋਕਾਂ ਨੂੰ ਇਕੱਠਾ ਹੁੰਦਾ ਦੇਖ ਕੇ ਮੁਲਜ਼ਮ ਮੌਕੇ ਤੋਂ ਫ਼ਰਾਰ ਹੋ ਗਏ। ਲੋਕਾਂ ਨੇ ਉਸ ਨੂੰ ਫੱਟੜ ਹਾਲਤ ’ਚ ਸਿਵਲ ਹਸਪਤਾਲ ਪਹੁੰਚਾਇਆ, ਜਿੱਥੇ ਉਸਦਾ ਇਲਾਜ ਚਲ ਜਾਰੀ ਹੈ। ਮੈਡੀਕਲ ਰਿਪੋਰਟ ਆਉਣ ਪਿੱਛੋਂ ਪੁਲਸ ਨੇ ਮਾਮਲਾ ਦਰਜ ਕਰ ਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ।
ਕੁੱਤੇ ਕਿਉਂ ਹਿਲਾਉਂਦੇ ਰਹਿੰਦੇ ਨੇ ਆਪਣੀ ਪੂੰਛ? ਕਾਰਨ ਜਾਣ ਹੋਵੋਗੇ ਹੈਰਾਨ
NEXT STORY 
