ਪਟਿਆਲਾ — ਪੰਜਾਬ 'ਚ ਜਿਥੇ ਇਕ ਪਾਸੇ ਕਰਜ਼ ਤੋਂ ਤੰਗ ਕਿਸਾਨ ਖੁਦਕੁਸ਼ੀ ਕਰ ਰਹੇ ਹਨ, ਉਥੇ ਹੀ ਪਟਿਆਲਾ ਦੇ ਪਿੰਡ ਅਚਰਾਲ ਖੁਰਦ ਦਾ ਇਕ ਖੇਤ ਮਜ਼ਦੂਰ ਦਰਬਾਰਾ ਸਿੰਘ ਆਪਣੀ ਕਿਡਨੀ ਵੇਚਣ ਲਈ ਮਜਬੂਰ ਹੈ। ਅਸਲ 'ਚ ਦਰਬਾਰਾ ਸਿੰਘ ਨੇ ਆਪਣੀਆਂ ਤਿੰਨ ਦੀਆਂ ਦੇ ਵਿਆਹ ਤੇ ਇਕ ਪੁੱਤਰ ਦੇ ਇਲਾਜ ਲਈ ਕਰਜ਼ਾ ਲਿਆ ਸੀ, ਜਿਸ ਨੂੰ ਉਹ ਅਜੇ ਤਕ ਵਾਪਸ ਨਹੀਂ ਕਰ ਸਕਿਆ।
ਜਾਣਕਾਰੀ ਮੁਤਾਬਕ ਦਰਬਾਰਾ ਸਿੰਘ 'ਤੇ ਸੱਤ ਲੱਖ ਦਾ ਕਰਜ਼ ਹੈ ਤੇ ਬੁਢਾਪੇ ਕਾਰਨ ਹੁਣ ਉਹ ਕਰਜ਼ ਚੁਕਾਉਣ 'ਚ ਅਸਮਰੱਥ ਹੈ। ਗਰੀਬੀ ਤੇ ਮਜਬੂਰੀ ਦੇ ਕਾਰਨ ਦਰਬਾਰਾ ਸਿੰਘ ਲੋਕਾਂ ਦੇ ਘਰਾਂ 'ਚ ਕੰਮ ਕਰ ਕੇ ਘਰ ਦਾ ਗੁਜ਼ਾਰਾ ਤਾਂ ਕਰ ਰਿਹਾ ਹੈ ਪਰ ਕਰਜ਼ ਚੁਕਾਉਣ ਲਈ ਉਸ ਕੋਲ ਪੈਸੇ ਨਹੀਂ ਹਨ। ਦਰਬਾਰਾ ਸਿੰਘ ਕਿਡਨੀ ਵੇਚ ਕੇ ਆਪਣਾ ਸਾਰਾ ਕਰਜ਼ ਚੁਕਾਉਣਾ ਚਾਹੁੰਦਾ ਹੈ। ਸਰਕਾਰ ਦੇ ਪ੍ਰਤੀ ਨਾਰਾਜ਼ਗੀ ਜਾਹਿਰ ਕਰਦੇ ਹੋਏ ਉਸ ਨੇ ਕਿਹਾ ਕਿ ਸਰਕਾਰ ਵਲੋਂ ਵੀ ਕਦੇ ਉਨ੍ਹਾਂ ਦੀ ਕੋਈ ਮਾਲੀ ਸਹਾਇਤਾ ਨਹੀਂ ਕੀਤੀ ਗਈ।
ਸਿੱਧੂ ਇਕ ਹੀ ਮਾਸਟਰ ਸਟ੍ਰੋਕ 'ਚ ਫਗਵਾੜਾ ਭਾਜਪਾ ਦੀ ਹਾਲਤ ਕਰ ਗਏ ਪਤਲੀ
NEXT STORY 
