ਸਾਹਨੇਵਾਲ (ਜਗਰੂਪ) : ਇਕ ਵਿਆਹੁਤਾ ਵੱਲੋਂ ਕਥਿਤ ਪ੍ਰੇਮ ਸਬੰਧਾਂ ਦੇ ਚੱਲਦੇ 24 ਸਾਲਾਂ ਨੌਜਵਾਨ ਉਪਰ ਦਬਾਅ ਬਣਾਉਣ ਕਾਰਨ ਲੜਕੇ ਵੱਲੋਂ ਕੋਈ ਜ਼ਹਿਰੀਲੀ ਵਸਤੂ ਨਿਗਲ ਕੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਸ ਨੂੰ ਦਿੱਤੇ ਬਿਆਨਾਂ ’ਚ ਗੁਰਮੀਤ ਸਿੰਘ ਪੁੱਤਰ ਭਾਗ ਸਿੰਘ ਵਾਸੀ ਪਿੰਡ ਰਾਈਆਂ, ਲੁਧਿਆਣਾ ਨੇ ਦੱਸਿਆ ਕਿ ਉਹ ਬਤੌਰ ਸਕਿਓਰਿਟੀ ਗਾਰਡ ਨੌਕਰੀ ਕਰਦਾ ਹੈ। ਉਸਦੇ ਤਿੰਨ ਬੱਚੇ ਇਕ ਲੜਕੀ ਅਤੇ ਦੋ ਲੜਕੇ ਹਨ। ਛੋਟਾ ਲੜਕਾ ਲਵਪ੍ਰੀਤ ਸਿੰਘ (24) ਪਿੰਡ ਦੇ ਬੱਸ ਅੱਡੇ ’ਚ ਸਥਿਤ ਚੀਮਾ ਖੇਤੀ ਸੈਂਟਰ ਪੈਸਟੀਸਾਈਡ ਦੀ ਦੁਕਾਨ ’ਤੇ ਕੰਮ ਕਰਦਾ ਹੈ। ਲਗਭਗ 6 ਮਹੀਨੇ ਪਹਿਲਾਂ ਲਵਪ੍ਰੀਤ ਦੇ ਮੁਹੱਲਾ ਹਰੀਪੁਰਾ, ਅੰਮ੍ਰਿਤਸਰ ਦੀ ਰਹਿਣ ਵਾਲੀ ਮੀਨੂੰ ਮਾਹੀ ਨਾਮਕ ਔਰਤ ਨਾਲ ਕਥਿਤ ਪ੍ਰੇਮ ਸਬੰਧ ਸਨ, ਜਦੋਂਕਿ ਉਕਤ ਔਰਤ ਪਹਿਲਾਂ ਹੀ ਵਿਆਹੀ ਹੋਈ ਹੈ।
ਬੀਤੀ 1 ਜੁਲਾਈ ਨੂੰ ਮੀਨੂੰ ਮਾਹੀ ਲਵਪ੍ਰੀਤ ਕੋਲ ਦੁਕਾਨ ’ਤੇ ਆਈ ਅਤੇ ਵਿਆਹ ਕਰਵਾਉਣ ਲਈ ਲਵਪ੍ਰੀਤ ਉਪਰ ਦਬਾਅ ਬਣਾਉਣ ਲੱਗੀ। ਇਸ ਮਾਨਸਿਕ ਦਬਾਅ ਦੇ ਚੱਲਦੇ ਲਵਪ੍ਰੀਤ ਨੇ 3 ਜੁਲਾਈ ਨੂੰ ਦੁਕਾਨ ’ਚ ਹੀ ਕੋਈ ਜ਼ਹਿਰੀਲੀ ਵਸਤੂ ਨਿਗਲ ਲਈ। ਜਿਸ ਕਾਰਨ ਉਸਦੀ ਹਾਲਤ ਕਾਫੀ ਵਿਗੜ ਗਈ। ਦੁਕਾਨ ਮਾਲਕ ਵੱਲੋਂ ਫੋਨ ਕਰਕੇ ਲਵਪ੍ਰੀਤ ਦੇ ਪਿਤਾ ਗੁਰਮੀਤ ਸਿੰਘ ਨੂੰ ਇਸਦੀ ਜਾਣਕਾਰੀ ਦਿੱਤੀ ਗਈ। ਇਸ ਤੋਂ ਬਾਅਦ ਗੁਰਮੀਤ ਸਿੰਘ ਲਵਪ੍ਰੀਤ ਨੂੰ ਚੰਡੀਗੜ੍ਹ ਰੋਡ ’ਤੇ ਸਥਿਤ ਇਕ ਨਿੱਜੀ ਹਸਪਤਾਲ ’ਚ ਲਿਆਂਦਾ ਗਿਆ। ਜਿੱਥੇ ਇਲਾਜ ਦੌਰਾਨ ਉਸਦੀ ਮੌਤ ਹੋ ਗਈ। ਗੁਰਮੀਤ ਸਿੰਘ ਨੇ ਬਿਆਨ ਕੀਤਾ ਕਿ ਉਸਦੇ ਲੜਕੇ ਲਵਪ੍ਰੀਤ ਦੀ ਮੌਤ ਲਈ ਮੀਨੂੰ ਮਾਹੀ ਜ਼ਿੰਮੇਵਾਰ ਹੈ। ਥਾਣਾ ਕੂੰਮਕਲਾਂ ਦੀ ਪੁਲਸ ਨੇ ਮੀਨੂੰ ਮਾਹੀ ਖ਼ਿਲਾਫ ਕੇਸ ਦਰਜ ਕਰਕੇ ਉਸਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਪੁਲਸ ਵੱਲੋਂ ਮਾਮਲੇ ਦੀ ਅੱਗੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਭਾਦਸੋਂ ਦੀਆਂ ਦੋ ਵਿਦਿਆਰਥਣਾਂ ਨੇ 10ਵੀਂ ਦੀ ਪ੍ਰੀਖਿਆ ’ਚ ਮੈਰਿਟ ਸੂਚੀ ਵਿਚ ਨਾਂ ਕੀਤਾ ਦਰਜ
NEXT STORY 
